ಬೆಂಗಳೂರು : ಸ್ಟಾರ್ ರೇಡರ್ ನವೀನ್ (೧೦ ಅಂಕ) ಅವರ ಸೂಪರ್‌ ೧೦ ಸಾಧನೆಯಲ್ಲದೆ, ಮತ್ತೊಬ್ಬ ರೇಡರ್ ಮಂಜೀತ್‌ (೯ ಅಂಕ) ಅವರ ಉತ್ತಮ ಪ್ರದರ್ಶನದ ನೆರವು ಪಡೆದ ದಬಾಂಗ್ ಡೆಲ್ಲಿ ತಂಡ ಪ್ರೊ ಕಬಡ್ಡಿ ಲೀಗ್‌ನ ೯ನೇ ಆವೃತ್ತಿಯ ಶನಿವಾರದ ಎರಡನೇ ಪಂದ್ಯದಲ್ಲಿ ತೆಲುಗು ಟೈಟನ್ಸ್‌ ವಿರುದ್ಧ ೪೬-೨೬ ಅಂಕಗಳ ಭರ್ಜರಿ ಜಯ ಸಾಧಿಸಿತು.
ಕಂಠೀರವ ಸ್ಟೇಡಿಯಮ್‌ನಲ್ಲಿ ನಡೆದ ಹಣಾಹಣಿಯಲ್ಲಿ ಡೆಲ್ಲಿ ತಂಡ ಆರಂಭದಿಂದಲೇ ಪಾರಮ್ಯ ಸಾಧಿಸಿತು. ಹೀಗಾಗಿ ಪಂದ್ಯದ ಮೊದಲಾರ್ಧದಲ್ಲಿ ೨೪-೧೦ ಅಂಕಗಳ ಮುನ್ನಡೆ ಪಡೆದುಕೊಂಡಿತು. ರೇಡಿಂಗ್ ವಿಭಾಗ ೧೪ ಅಂಕಗಳನ್ನು ಗಳಿಸಿದರೆ ರಕ್ಷಣಾ ವಿಭಾಗ ೮ ಅಂಕಗಳನ್ನು ಗಳಿಸಿತು. ದ್ವಿತೀಯಾರ್ಧದಲ್ಲೂ ತನ್ನ ಪ್ರಭಾವ ಮುಂದುವರಿಸಿದ ಡೆಲ್ಲಿ ಸುಲಭ ಜಯ ದಾಖಲಿಸಿತು. ಈ ಹಂತದಲ್ಲಿ ಒಟ್ಟು ೨೨ ಅಂಕಗಳನ್ನು ಗಳಿಸಿತು.
ತೆಲುಗು ಟೈಟನ್ಸ್‌ ತಂಡದ ರೇಡರ್‌ಗಳು ಹಾಗೂ ಡಿಫೆಂಡರ್‌ಗಳು ಸಂಪೂರ್ಣವಾಗಿ ವೈಫಲ್ಯ ಕಂಡರು. ಆದಾಗ್ಯೂ ರೇಡರ್ ವಿನಯ್‌ (೧೦ಅಂಕ ) ಸೂಪರ್‌ ೧೦ ಸಾಧನೆ ಮಾಡಿದರು.
ಇದನ್ನೂ ಓದಿ | Pro Kabaddi | ಗುಜರಾತ್‌ ಜಯಂಟ್ಸ್‌ ತಂಡದ ವಿರುದ್ಧ ಪುಣೇರಿ ಪಲ್ಟನ್‌ ಪಲ್ಟಿ