ಬೆಂಗಳೂರು: ಆಧುನಿಕ ಯುಗದ ಶ್ರೇಷ್ಠ ಬ್ಯಾಟರ್ಗಳಲ್ಲಿ ಒಬ್ಬರಾದ ಡೇವಿಡ್ ವಾರ್ನರ್ ಒಂದು ದಶಕಕ್ಕೂ ಹೆಚ್ಚು ಕಾಲ ಆಸ್ಟ್ರೇಲಿಯಾ ತಂಡದ ಬ್ಯಾಟಿಂಗ್ ಲೈನ್ ಅಪ್ನ ಆಧಾರಸ್ತಂಭವಾಗಿದ್ದರು. ಪಾಕಿಸ್ತಾನ ವಿರುದ್ಧದ ಸಿಡ್ನಿ ಟೆಸ್ಟ್ ನಂತರ ಅವರು ಟೆಸ್ಟ್ ಕ್ರಿಕೆಟ್ನಿಂದ ನಿವೃತ್ತರಾಗಲಿದ್ದಾರೆ. ಇದು ಖಂಡಿತವಾಗಿಯೂ ಆಸ್ಟ್ರೇಲಿಯಾಕ್ಕೆ ದೊಡ್ಡ ನಷ್ಟವಾಗಿದೆ.
ಇತ್ತೀಚೆಗೆ ಭಾರತದಲ್ಲಿ ನಡೆದ ಏಕದಿನ ಕ್ರಿಕೆಟ್ ವಿಶ್ವಕಪ್ನಲ್ಲಿ ವಾರ್ನರ್ ಅದ್ಭುತ ಪ್ರದರ್ಶನ ನೀಡಿದ್ದರು. ಅವರು ಏಕದಿನ ಸ್ವರೂಪದಲ್ಲಿ ಕನಿಷ್ಠ 2025 ರ ಚಾಂಪಿಯನ್ಸ್ ಟ್ರೋಫಿಯವರೆಗೆ ಮುಂದುವರಿಯಬಹುದು ಎಂದು ನಿರೀಕ್ಷಿಸಲಾಗಿತ್ತು. ಆದರೆ ಅವರು ಏಕ ದಿನ ಕ್ರಿಕೆಟ್ನಿಂದಲೂ ಮುಕ್ತಿ ಪಡೆದಿದ್ದಾರೆ. ಇದೀಗ ಅವರು ಟಿ 20 ಸ್ವರೂಪದತ್ತ ಗಮನ ಹರಿಸಲು ನಿರ್ಧರಿಸಿದ್ದಾರೆ. ಇದೀಗ ಅವರು ತಮ್ಮ ಆಯ್ಕೆಗಳ ಬಗ್ಗೆ ಖುಷಿ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ : David Warner : ಕ್ಯಾಪಿಟಲ್ಸ್ ತಂಡಕ್ಕೆ ವಾರ್ನರ್ ನಾಯಕ
ವಿದಾಯದ ಬಳಿಕ ವಾರ್ನರ್ ಈಗ ತಮ್ಮ ವೃತ್ತಿಜೀವನದಲ್ಲಿ ಆಡಿದ ಕಠಿಣ ಬೌಲರ್ ಹೆಸರನ್ನು ಬಹಿರಂಗಪಡಿಸಿದ್ದಾರೆ. ಅವರೇ ದಕ್ಷಿಣ ಆಫ್ರಿಕಾದ ಮಾಜಿ ವೇಗಿ ಡೇಲ್ ಸ್ಟೇನ್. ಆಫ್ರಿಕಾದ ವೇಗಿಯನ್ನು ವಿಶ್ವ ದರ್ಜೆಯ ಬೌಲರ್ ಎಂದು ಶ್ಲಾಘಿಸಿದ್ದಾರೆ. 2016-17ರ ತವರು ಬೇಸಿಗೆಯಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್ ಅನ್ನು ನೆನಪಿಸಿಕೊಂಡ ಅವರು, ಶಾನ್ ಮಾರ್ಷ್ ಮತ್ತು ತಾವು ಆರಂಭಿಕರಾಗಿ ಡೇಲ್ಸ್ಟೇನ್ ಅವರನ್ನು ಎದುರಿಸಲು ಕಷ್ಟಪಟ್ಟಿದ್ದೆವು ಎಂದು ಹೇಳಿದ್ದಾರೆ.
ನಾನು ನೋಡಿದ ಭಯಾನಕ ಬೌಲರ್ ಡೇಲ್ ಸ್ಟೇನ್. ನಾನು ವಾಕಾಗೆ (ದಕ್ಷಿಣ ಆಫ್ರಿಕಾ ವಿರುದ್ಧದ 2016-17ರ ತವರು ಸರಣಿಯ ಮೊದಲ ಟೆಸ್ಟ್) ಬಗ್ಗೆ ಮಾತನಾಡುತ್ತಿದ್ದೇನೆ. ಆಗ ನಾನು ಮತ್ತು ಶಾನ್ ಮಾರ್ಷ್ 45 ನಿಮಿಷಗಳ ಆರಂಭಿಕ ಸೆಷನ್ನಲ್ಲಿ ಒದ್ದಾಡಬೇಕಾಯಿತು. ಶಾನ್ ನನ್ನ ಬಳಿಗೆ ಬಂದು ಸ್ಟೇನ್ ಅವರನ್ನು ಎದುರಿಸಲು ಸಾಧ್ಯವಾಗುತ್ತಿಲ್ಲ. ಆದ್ದರಿಂದ ಕಷ್ಟವಾಗುತ್ತಿದೆ ಎಂದು ತಿಳಿಸಿದ್ದರು ಎಂದು ವಾರ್ನರ್ ಹೇಳಿಕೊಂಡಿದ್ದಾರೆ.
ಮಾರ್ಷ್ ಭುಜಕ್ಕೆ ಗಾಯ
ಸ್ಟೇನ್ ತಮ್ಮ ಕಠಿಣ ಬೌಲಿಂಗ್ ಮೂಲಕ ಮಾರ್ಷ್ ಅವರ ಭುಜದ ನೋವು ಎದುರಿಸುವಂತೆ ಮಾಡಿದ್ದರು. ಚೆಂಡನ್ನು ಎಡಗೈ ಬ್ಯಾಟರ್ಗೆ ಕಠಿಣವಾಗುವಂತೆ ತಿರುಗಿಸುವ ಅವರ ಸಾಮರ್ಥ್ಯವು ವಿಶೇಷ ಎಂದು ವಾರ್ನರ್ ಹೇಳಿದ್ದಾರೆ. ಡೇಲ್ ಸ್ಟೇನ್ ಬ್ಯಾಟರ್ಗಳ ಮುಖದಲ್ಲಿ ಎಂದಿಗೂ ನಗು ತರಿಸುತ್ತಿರಲಿಲ್ಲ ಎಂದು ವಾರ್ನರ್ ಅಭಿಪ್ರಾಯಪಟ್ಟಿದ್ದಾರೆ.
“ಡೇಲ್ ಸ್ಟೇನ್ ನನ್ನನ್ನು ಸತಾಯಿಸಿದ್ದರು. ಆ ಪಂದ್ಯದಲ್ಲಿ ಅವರು ಮಾರ್ಷ್ ಭುಜವನ್ನು ಮುರಿದರು/ ಅವರು ಚೆಂಡನ್ನು ಮತ್ತೆ ಎಡಗೈ ಬ್ಯಾಟರ್ಗೆ ಮಾರಕವಾಗಿಸುತ್ತಿದ್ದರು. ಇದು ಮಿಚೆಲ್ ಸ್ಟಾರ್ಕ್ ಚೆಂಡನ್ನು ಬಲಗೈ ಬ್ಯಾಟರ್ಗೆ ಅಪಾಯಕಾರಿ ಮಾಡುವಂತಿದೆ. ಅವರು ನಿಮಗೆ ಬ್ಯಾಟರ್ಗಳ ಪಾಲಿಗೆ ಅಪಾಯಕಾರಿ ಎಂದು ವಾರ್ನರ್ ನೆನಪಿಸಿಕೊಂಡಿದ್ದಾರೆ.
ಡೇವಿಡ್ ವಾರ್ನರ್ ಭವಿಷ್ಯದಲ್ಲಿ ಟಿ 20 ಮತ್ತು ಟಿ20 ಫ್ರಾಂಚೈಸಿಗಳಿಗಾಗಿ ಆಡುವುದನ್ನು ಮುಂದುವರಿಸಲಿದ್ದಾರೆ. ಆದರೆ, ಆ ತಂಡದ ಪರವಾಗಿ ಅವರು ಹಲವಾರು ಅವಿಸ್ಮರಣೀಯ ಇನಿಂಗ್ಸ್ಗಳನ್ನು ನೀಡಿದ್ದಾರೆ.