ಮುಂಬಯಿ: ಟೀಮ್ ಇಂಡಿಯಾದ ಮಾಜಿ ಆಟಗಾರ ಮಹೇಂದ್ರ ಸಿಂಗ್ ಧೋನಿ(Dhoni Style Run Out) ಅವರ ವಿಕೆಟ್ ಕೀಪಿಂಗ್ ಚಾಣಾಕ್ಷತನಕ್ಕೆ ಮನಸೋಲದವರೇ ಇಲ್ಲ. ಇದೀಗ ಧೋನಿ ಶೈಲಿಯಂತೆ ನೇಪಾಳದ ವಿಕೆಟ್ ಕೀಪರ್ ಎದುರಾಳಿ ತಂಡದ ಆಟಗಾರನನ್ನು ರನೌಟ್ ಮಾಡಿ ಎಲ್ಲರನ್ನು ಅಚ್ಚರಿಗೊಳಿಸಿದ್ದಾರೆ. ಈ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ನೇಪಾಳದ ಯುವ ವಿಕೆಟ್ ಕೀಪರ್ ಅರ್ಜುನ್ ಸೌದ್ ಪಂದ್ಯವೊಂದರಲ್ಲಿ ಧೋನಿ ಮಾದರಿಯ ರನೌಟ್ ಮಾಡಿದ್ದಾರೆ. ಬಿರಾಟ್‌ನಗರ ಮತ್ತು ಜನಕ್‌ಪುರ ರಾಯಲ್ಸ್ ನಡುವಿನ ಪಂದ್ಯದ ವೇಳೆ ಈ ಘಟನೆ ನಡೆದಿದೆ. ವಿಕೆಟ್ ಕಡೆ ನೋಡದೆ ಫೀಲ್ಡರ್ ಎಸೆದ ಚೆಂಡನ್ನು ನೇರವಾಗಿ ವಿಕೆಟ್ಗೆ ಹೊಡೆಯುವಲ್ಲಿ ಧೋನಿ ನಿಸ್ಸೀಮರಾಗಿದ್ದರು. ಹಲವು ಬಾರಿ ಧೋನಿ ಇಂತಹ ತಂತ್ರಗಾರಿಕೆಯನ್ನು ಉಪಯೋಗಿಸಿ ಎದುರಾಳಿ ಬ್ಯಾಟರ್ಗಳನ್ನು ಔಟ್ ಮಾಡಿದ್ದರು. ಇಂತಹದ್ದೇ ತಂತ್ರ ಬಳಸಿಕೊಂಡ ನೇಪಾಳದ ಕ್ರಿಕೆಟರ್ ಈ ಯತ್ನದಲ್ಲಿ ಯಶಸ್ಸು ಕಂಡಿದ್ದಾರೆ.
ಧೋನಿಯಂತೆ ರನೌಟ್ ಮಾಡಿದ ಅರ್ಜುನ್ ಸೌದ್ಗೆ ಹಲವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಇನ್ನು ಕೆಲ ಧೋನಿ ಅಭಿಮಾನಿಗಳು ಹಲವು ವರ್ಷದಳ ಬಳಿಕ ಧೋನಿಯನ್ನು ಕಂಡಾಂತಾಗಿದೆ ಎಂದು ಕಮೆಂಟ್ ಮಾಡಿದ್ದಾರೆ.
ಇದನ್ನೂ ಓದಿ IND VS PAK: ಭಾರತ ಮತ್ತು ಪಾಕಿಸ್ತಾನ ನಡುವಣ ಟೆಸ್ಟ್‌ ಕದನಕ್ಕೆ ವೇದಿಕೆ ಒದಗಿಸಲು ಮುಂದಾದ ಎಂಸಿಸಿ!