ಸಿಡ್ನಿ: ಕ್ರಿಕೆಟ್(Cricket) ಆಟವೆಂದರೆ ‘ಜಂಟಲ್ ಮ್ಯಾನ್ ಗೇಮ್’ ಎಂದು ಕರೆಯಲಾಗುತ್ತದೆ. ಕೆಲವೊಮ್ಮೆ ಇದು ಕೂಡ ತುಂಬಾ ತಮಾಷೆಯಾಗಿರುತ್ತದೆ. ಇದೀಗ ಮಹಿಳಾ ಅಂಪೈರ್ ಒಬ್ಬರು ನೀಡಿದ ತೀರ್ಪಿನ ವಿಡಿಯೊವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್(Viral Video) ಆಗಿದೆ.
ನಾರ್ತ್ ಸಿಡ್ನಿ ಓವಲ್‌ನಲ್ಲಿ ನಡೆದ ದಕ್ಷಿಣ ಆಫ್ರಿಕಾ ಮತ್ತು ಆಸ್ಟ್ರೇಲಿಯಾ ಮಹಿಳಾ ಏಕದಿನ ಕ್ರಿಕೆಟ್ ಪಂದ್ಯದಲ್ಲಿ ಟಿವಿ ಅಂಪೈರ್ ಎಲ್‌ಬಿಡಬ್ಲ್ಯೂ ರಿವ್ಯೂಗೆ ನಾಟ್ ಔಟ್ ಎಂದು ಹೇಳಿದರು. ಆದರೆ ಯಾವುದೇ ಗುಂಗಿನಲ್ಲಿದ್ದ ಗ್ರೌಂಡ್ ಅಂಪೈರ್ ಇದನ್ನು ತಪ್ಪಾಗಿ ಓಟ್ ಎಂದು ತೀರ್ಪು ನೀಡಿದರು. ತಕ್ಷಣ ತಮ್ಮ ತಪ್ಪು ನಿರ್ಧಾರವನ್ನು ಮನಗಂಡ ಅವರು ನಗುತ್ತಲೇ ಕ್ಷಮಿಸಿ ಎಂದು ಹೇಳುವ ಮೂಲಕ ನಾಟೌಟ್ ತೀರ್ಪು ನೀಡಿದರು. ಈ ವೇಳೆ ಆಸ್ಟ್ರೇಲಿಯಾ ಆಟಗಾತಿಘರು ಕೂಡ ಅಂಪೈರ್ ತಪ್ಪು ತೀರ್ಪು ಕಂಡು ಜೋರಾಗಿ ನಕ್ಕಿದ್ದಾರೆ. ಅತ್ತ ಕಾಮೆಂಟ್ರಿ ಮಾಡುತ್ತಿದ್ದವರು ಕೂಡ ತಮಾಷೆಯ ಮಾತುಗಳ ಮೂಲಕ ಅಂಪೈರ್ ಕಾಲೆಳೆದಿದ್ದಾರೆ.
When you get the call right … but the signal wrong! 🤣🤣#AUSvSA pic.twitter.com/wfZPD1Z761
— cricket.com.au (@cricketcomau) February 7, 2024
ಮಳೆ ಪೀಡಿತ ಈ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ಮಹಿಳಾ ತಂಡ ಡಿಆರ್ಎಸ್ ನಿಯಮದನ್ವಯ 84 ರನ್ಗಳ ಗೆಲುವು ಸಾಧಿಸಿತು. 45 ಓವರ್ಗೆ ಸೀಮಿತಗೊಳಿಸಿದ ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ನಡೆಸಿದ ದಕ್ಷಿಣ ಆಫ್ರಿಕಾ 6 ವಿಕೆಟ್ಗೆ 229 ರನ್ ಬಾರಿಸಿತು. ಗುರಿ ಬೆನ್ನಟ್ಟಿದ ಆಸ್ಟ್ರೇಲಿಯಾ 29.3 ಓವರ್ಗಳಲ್ಲಿ 149 ರನ್ಗೆ ಸರ್ವಪತನ ಕಂಡಿತು.
ಕೆಲವು ದಿನಗಳ ಹಿಂದೆ ಆಸ್ಟ್ರೇಲಿಯಾದಲ್ಲಿ ನಡೆದ ಬಿಗ್ ಬ್ಯಾಷ್ ಲೀಗ್ನಲ್ಲಿ (BBL 2024)ಯೂ ಮೂರನೇ ಅಂಪೈರ್ ನೀಡಿದ ತೀರ್ಪೊಂದು ಬಾರಿ ವೈರಲ್ ಆಗಿತ್ತು. ನಾಟೌಟ್ ಆಗಿದ್ದರೂ ಕೂಡ ಟಿವಿ ಅಂಪೈರ್ ಇದನ್ನು ಔಟ್ ಎಂದು ತೀರ್ಪು ನೀಡಿ ಬಳಿಕ ಫೀಲ್ಡ್ ಅಂಪೈರ್ ಈ ಸಮಸ್ಯೆಯನ್ನು ಬಗೆಹರಿಸಿದ್ದರು. ಮೂರನೇ ಅಂಪೈರ್ ತೀರ್ಪು ಕಂಡು ಉಭಯ ತಂಡಗಳ ಆಟಗಾರರು ಮೈದಾನದಲ್ಲಿ ಜೋರಾಗಿ ನಕ್ಕಿದ್ದರು. ಈ ವಿಡಿಯೊ ವೈರಲ್(Viral Video) ಆಗಿತ್ತು.
ಇದನ್ನೂ ಓದಿ Viral Video: ಕಾಳಿಂಗ ಸರ್ಪದೊಂದಿಗೆ ಮಗುವಿನ ಆಟ; ಇಲ್ಲಿದೆ ಬೆಚ್ಚಿ ಬೀಳಿಸುವ ವಿಡಿಯೊ
ಮೆಲ್ಬೋರ್ನ್ ಸ್ಟಾರ್ಸ್ ಮತ್ತು ಸಿಡ್ನಿ ಸಿಕ್ಸರ್ಸ್ ಪಂದ್ಯದ ವೇಳೆ ಈ ಘಟನೆ ನಡೆದಿತ್ತು. ಇಮಾದ್ ವಾಸಿಂ ಎಸೆದ ಮೂರನೇ ಓವರ್ನ 4ನೇ ಎಸೆತದಲ್ಲಿ ಸಿಡ್ನಿ ಸಿಕ್ಸರ್ಸ್ ತಂಡದ ಬ್ಯಾಟರ್ ಜೇಮ್ಸ್ ವಿನ್ಸ್ ನೇರವಾಗಿ ಬ್ಯಾಟ್ ಬೀಸಿದರು. ಈ ವೇಳೆ ಚೆಂಡು ವಾಸಿಂ ಕೈಗೆ ಬಡಿದು ನೇರವಾಗಿ ವಿಕೆಟ್ಗೆ ತಾಗಿತು. ಮೆಲ್ಬೊರ್ನ್ ಆಟಗಾರರು ಔಟ್ಗಾಗಿ ಮನವಿ ಮಾಡಿದರು. ಫೀಲ್ಡ್ ಅಂಪೈರ್ ಇದನ್ನು ಮೂರನೇ ಅಂಪೈರ್ಗೆ ತೀರ್ಪು ನೀಡುವಂತೆ ಮನವಿ ಸಲ್ಲಿಸಿದ್ದರು.
He's pressed the wrong button! 🙈@KFCAustralia #BucketMoment #BBL13 pic.twitter.com/yxY1qfijuQ
— KFC Big Bash League (@BBL) January 6, 2024
ಟಿವಿ ಅಂಪೈರ್ ಇದನ್ನು ಪರೀಕ್ಷಿಸಿದ ವೇಳೆ ನಾನ್ ಸ್ಟ್ರೈಕ್ನಲ್ಲಿದ್ದ ಬ್ಯಾಟರ್ ವಿಕೆಟ್ಗೆ ಚೆಂಡು ಬಡಿಯುವ ಮುನ್ನವೇ ಕ್ರೀಸ್ನಲ್ಲಿರುವು ಸ್ಪಷ್ಟವಾಗಿ ಕಾಣಿಸಿತು. ಇದು ಮೈದಾನದ ದೊಡ್ಡ ಪರೆದೆಯಲ್ಲಿ ಪ್ರಸಾರಗೊಳ್ಳುತ್ತಿತ್ತು. ಅಚ್ಚರಿ ಎಂಬಂತೆ ಇದನ್ನು ಟಿವಿ ಅಂಪೈರ್ ಔಟ್ ಎಂದು ತೀರ್ಪು ನೀಡಿದ್ದರು. ಇತ್ತಂಡಗಳ ಆಟಗಾರರು ಕೂಡ ಒಂದು ಕ್ಷಣ ಅಚ್ಚರಿಗೊಂಡರು. ಅರೆ, ಇದು ಹೇಗೆ ಸಾಧ್ಯ ನಾಟೌಟ್ ಎನ್ನುವುದು ಸ್ಪಷ್ಟವಾಗಿ ಗೋಚರಿಸಿದರೂ ಔಟ್ ಏಕೆ ನೀಡಿದರು ಎಂದು ದಂಗಾಗಿದ್ದರು. ತಕ್ಷಣ ಎಚ್ಚೆತ್ತುಕೊಂಡ ಫೀಲ್ಡ್ ಅಂಪೈರ್ ಇದು ತಾಂತ್ರಿಕ ಕಾರಣದಿಂದ ಹೀಗಾಗಿದೆ ಕ್ಷಮಿಸಿ ಎಂದು ಹೇಳಿ ನಾಟೌಟ್ ನೀಡಿದ್ದರು.