ನವದೆಹಲಿ: ಒಂದು ರನ್ ಅಂತರದ ಸೋಲನುಭವಿಸಿದ ನಿರಾಸೆಯಲ್ಲಿ ಮೈದಾನದಲ್ಲೇ ಕುಸಿದು ಬೇಸರದಿಂದ ಕುಳಿತಿದ್ದ ಆರ್ಸಿಬಿ(Royal Challengers Bangalore) ಆಗಾರ್ತಿಯರನ್ನು ಡೆಲ್ಲಿ ಕ್ಯಾಪಿಟಲ್ಸ್‌(Delhi Capitals ) ತಂಡದ ಆಟಗಾರ್ತಿಯರು ಸಮಾಧಾನಪಡಿಸಿ ಕ್ರೀಡಾಸ್ಫೂರ್ತಿ ಮೆರೆದಿದ್ದಾರೆ.
ಭಾನುವಾರ ಅರುಣ್ ಜೇಟ್ಲಿ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಡಬ್ಲ್ಯುಪಿಎಲ್ನ(WPL 2024) ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ನಡೆಸಿದ ಡೆಲ್ಲಿ 5 ವಿಕೆಟಿಗೆ 181 ರನ್ ಪೇರಿಸಿತು. ಬೃಹತ್ ಮೊತ್ತವನ್ನು ಬೆನ್ನಟ್ಟಿದ ಆರ್ಸಿಬಿ ಆರಂಭಿಕ ಆಘಾತ ಎದುರಿಸಿದರೂ ಕೂಡ ಮಧ್ಯಮ ಕ್ರಮಾಂಕದಲ್ಲಿ ರಿಚಾ ಘೋಷ್‌(Richa Ghosh) ಸಿಡಿದು ನಿಂತರು.
TAKE A BOW, RICHA GHOSH…. YOU ABSOLUTE SUPERSTAR!!! #WPL2024 pic.twitter.com/YtiYOxwmIn
— women in blue forever (@imsachin171) March 10, 2024
ಅಂತಿಮ ಓವರ್‌ನಲ್ಲಿ ಆರ್ಸಿಬಿ ಜಯಕ್ಕೆ 17 ರನ್ ಬೇಕಿತ್ತು. ಈ ವೇಳೆ ದಿಟ್ಟ ಬ್ಯಾಟಿಂಗ್ ಪ್ರದರ್ಶನ ತೋರಿದ ರಿಚಾ ಸಿಕ್ಸರ್ಗಳ ಮೂಲಕ ಪಂದ್ಯವನ್ನು ರೋಚಕ ಹಂತಕ್ಕೆ ತಂದು ನಿಲ್ಲಿಸಿದರು. ಅಂತಿಮ 2 ಎಸೆತಗಳಲ್ಲಿ ಆರ್ಸಿಬಿಗೆ 8 ರನ್ ಅಗತ್ಯವಿತ್ತು. ಈ ವೇಳೆ ರಿಚಾ ಸಿಕ್ಸರ್ ಬಾರಿಸಿದರು. ಗೆಲುವಿಗೆ ಬೇಕಿದ್ದ 2 ರನ್ ಬಾರಿಸಿ ರಿಚಾ ತಂಡಕ್ಕೆ ಗೆಲುವು ತಂದುಕೊಡಲಿದ್ದಾರೆ ಎಂದು ಆರ್ಸಿಬಿ ಆಟಗಾರ್ತಿಯರು ಮತ್ತು ಅಭಿಮಾನಿಗಳು ಬಹಳ ನಿರೀಕ್ಷೆಯಿಂದ ಕಾದು ಕುಳಿತಿದ್ದರು. ಆದರೆ ರಿಚಾ ಅವರು ಅಂತಿಮ ಎಸೆತದಲ್ಲಿ ಕೂದಲೆಳೆ ಅಂತರದಲ್ಲಿ ರನೌಟ್‌ ಆದರು.
ಇದನ್ನೂ ಓದಿ WPL Points Table: ಡೆಲ್ಲಿ ಪ್ಲೇ ಆಫ್ ಪ್ರವೇಶ; ನೂತನ ಅಂಕಪಟ್ಟಿ ಹೇಗಿದೆ
Another Classic in #TATAWPL @DelhiCapitals win the match by 1 RUN! They jump to the top of points table 🔝
— Women's Premier League (WPL) (@wplt20) March 10, 2024
Scoreboard 💻 📱 https://t.co/b7pHKEKqiN#DCvRCB pic.twitter.com/znJ27EhXS6
ತಂಡವನ್ನು ಗೆಲ್ಲಿಸಲು ಸಾಧ್ಯವಾಗಲಿಲ್ಲ ಎನ್ನುವ ಹತಾಶೆಯಲ್ಲಿ ರಿಚಾ ಅವರು ತೀವ್ರ ದುಃಖಿತರಾದರು. ಮೈದಾನದಲ್ಲೇ ಕುಸಿದು ಅತ್ತರು. ಅವರ ಜತೆಗಾತಿ ಶ್ರೇಯಾಂಕ ಪಾಟೀಲ್ ಕೂಡ ಸ್ಥಿತಿಯೂ ಇದೇ ಆಗಿತ್ತು. ಈ ವೇಳೆ ಡೆಲ್ಲಿ ತಂಡದ ನಾಯಕಿ ಮೆಗ್ ಲ್ಯಾನಿಂಗ್ ಮತ್ತು ಜೆಮಿಮಾ ರೋಡ್ರಿಗಸ್ ಅವರು ಓಡಿ ಬಂದು ಈ ಆಟಗಾರ್ತಿಯನ್ನು ಸಮಾಧಾನ ಪಡಿಸಿದರು. ಇವರ ಕ್ರೀಡಾಸ್ಫೂರ್ತಿಗೆ ನೆಟ್ಟಿಗರು ಮೆಚ್ಚುಗೆ ಸೂಚಿಸಿದ್ದಾರೆ. ರಿಚಾ ಅವರು 29 ಎಸೆತಗಳಿಂದ 51 ರನ್ ಚಚ್ಚಿದರು.
ಆರ್ಸಿಬಿ ಪ್ಲೇ ಆಫ್ ಲೆಕ್ಕಾಚಾರ ಹೇಗಿದೆ?
ಸ್ಮೃತಿ ಮಂಧಾನ ಸಾರಥ್ಯದ ಆರ್ಸಿಬಿಗೆ ಇನ್ನು ಒಂದು ಪಂದ್ಯ ಮಾತ್ರ ಬಾಕಿ ಉಳಿದಿದೆ. ಎದುರಾಳಿ ವಲಿಷ್ಠ ಮುಂಬೈ ಇಂಡಿಯನ್ಸ್. ಉಭಯ ತಂಡಗಳ ಈ ಮುಖಾಮುಖಿ ನಾಳೆ(ಮಾರ್ಚ್ 12) ನಡೆಯಲಿದೆ. ಒಂದು ನಡೆಯುವ ಪಂದ್ಯದಲ್ಲಿ ಯುಪಿ ವಾರಿಯರ್ಸ್ ತಂಡ ಸೋಲು ಕಂಡರೆ ಆರ್ಸಿಬಿಗೆ ಪ್ಲೇ ಆಫ್ ದಾರಿ ಸುಗಮಗೊಳ್ಳಲಿದೆ. ಏಕೆಂದರೆ ಆರ್ಸಿಬಿ ಯುಪಿಗಿಂತ ಒಂದು ಸ್ಥಾನ ಮೇಲಿದೆ. ಒಂದೊಮ್ಮೆ ಯುಪಿ ಇಂದು ಗೆದ್ದರೆ, ಆರ್ಸಿಬಿ ನಾಳೆ ಮುಂಬೈ ವಿರುದ್ಧ ದೊಡ್ಡ ಅಂತರದಿಂದ ಗೆಲ್ಲಬೇಕು.