ನವದೆಹಲಿ: ಇಂಗ್ಲೆಂಡ್(ENG vs AFG) ವಿರುದ್ಧದ ಐತಿಹಾಸಿಕ ವಿಶ್ವಕಪ್ ಪಂದ್ಯದ ಗೆಲುವಲ್ಲಿ ಪ್ರಮುಖ ಪಾತ್ರವಹಿಸಿ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದ ಮುಜೀಬ್ ಉರ್ ರೆಹಮಾನ್(Mujeeb Ur Rahman) ಅವರು ತನ್ನ ಈ ಗೌರವವನ್ನು ಅಫಘಾನಿಸ್ತಾನದಲ್ಲಿ ಸಂಭವಿಸಿದ ಭೂಕಂಪದ ಸಂತ್ರಸ್ತರಿಗೆ ಅರ್ಪಿಸಿದ್ದಾರೆ. ಭಾನುವಾರ ನಡೆದ ಪಂದ್ಯದಲ್ಲಿ ಅಫಘಾನಿಸ್ತಾನ ತಂಡ ಹಾಲಿ ಚಾಂಪಿಯನ್ ಇಂಗ್ಲೆಂಡ್ ವಿರುದ್ಧ 69ರನ್ಗಳ ಗೆಲುವು ಸಾಧಿಸಿತ್ತು.
ಪಂದ್ಯದ ಗೆಲುವಿನ ಬಳಿಕ ಮಾತನಾಡಿದ ಪಂದ್ಯಶ್ರೇಷ್ಠ ವಿಜೇತ ಮುಜೀಬ್ ಉರ್ ರೆಹಮಾನ್, “ಈ ಗೆಲುವು ನಮ್ಮಲ್ಲಿ ಹೊಸ ಹುರುಪನ್ನು ಮೂಡಿಸಿದೆ. ಅಲ್ಲದೆ ಆತ್ಮವಿಶ್ವಾಸ ಹೆಚ್ಚಿಸಿದೆ. ನಿಜಕ್ಕೂ ನಮ್ಮ ಪಾಲಿಗೆ ಈ ಗೆಲುವು ವಿಶ್ವಕಪ್ ಟ್ರೋಫಿ ಗೆದ್ದಂತೆ ಆಗಿದೆ. ಅದೂ ಕೂಡ ಹಾಲಿ ಚಾಂಪಿಯನ್ ವಿರುದ್ಧ ಗೆಲುವು ಸಾಧಿಸಿದ್ದೇವೆ. ಇದೇ ಲಯವನ್ನು ಮುಂದಿನ ಪಂದ್ಯದಲ್ಲಿಯೂ ಮುಂದುವರಿಸುತ್ತೇವೆ” ಎಂದು ಹೇಳಿದರು.
Mujeeb Ur Rahman dedicates his Player of the Match award to those affected by the earthquake back home in Afghanistan 🙏#ENGvAFG | #CWC23 pic.twitter.com/rKdsXBZmw5
— ESPNcricinfo (@ESPNcricinfo) October 15, 2023
“ನಾನು ಪಡೆದ ಈ ಪಂದ್ಯಶ್ರೇಷ್ಠ ಪ್ರಶಸ್ತಿಯನ್ನು ನನ್ನ ತವರಿನಲ್ಲಿ ಸಂಭವಿಸಿದ ಭೂಕಂಪದಲ್ಲಿ ನಿರಾಶ್ರಿತರಾದ ಸಂತ್ರಸ್ತರಿಗೆ ಅರ್ಪಿಸುತ್ತೇನೆ. ಅವರಲ್ಲಿ ಮತ್ತೆ ಬದುಕು ಕಟ್ಟುವ ಆಸೆ ಚಿಗುರೊಡೆಯಬೇಕು ಎನ್ನುವ ನಿಟ್ಟಿನಲ್ಲಿ ಅವರಿಗೆ ಈ ಪ್ರಶಸ್ತಿಯನ್ನು ಸಮರ್ಪಿಸುತ್ತೇನೆ” ಎಂದರು.
When David beats Goliath 👊
— ICC Cricket World Cup (@cricketworldcup) October 16, 2023
Following Afghanistan's heroics at #CWC23, let's take you through some of the biggest upsets in Men's Cricket World Cup history ⬇️https://t.co/4axTmG83Dt
ಮುಜೀಬ್ ಉರ್ ರೆಹಮಾನ್ ಅವರು ಬ್ಯಾಟಿಂಗ್‌ನಲ್ಲಿ 28 ರನ್ ಗಳಿಸಿದ್ದಲ್ಲದೆ, ಇಂಗ್ಲೆಂಡ್ ತಂಡದ ನಿರ್ಣಾಯಕ ಮೂರು ವಿಕೆಟ್ ಪಡೆಯುವ ಮೂಲಕ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು. ಇವರಿಗೆ ರಶೀದ್ ಖಾನ್ ಕೂಡ ಉತ್ತಮ ಸಾಥ್ ನೀಡಿದರು. ರಶೀದ್ ಕೂಡ ಮೂರು ವಿಕೆಟ್ ಪಡೆದರು.
ವಿಶ್ವಕಪ್ನಲ್ಲಿ 2ನೇ ಗೆಲುವು
ಅಫಘಾನಿಸ್ತಾನ ತಂಡಕ್ಕೆ ಇದು ಮೂರನೇ ಏಕದಿನ ವಿಶ್ವಕಪ್ ಟೂರ್ನಿ. 2015ರ ಆವೃತ್ತಿಯಲ್ಲಿ ಚೊಚ್ಚಲ ಬಾರಿಗೆ ವಿಶ್ವಕಪ್ ಟೂರ್ನಿಗೆ ಎಂಟ್ರಿ ಕೊಟ್ಟ ಆಫ್ಘನ್ ಇದುವರೆಗೂ ಕೇವಲ ಒಂದು ಪಂದ್ಯ ಮಾತ್ರ ಗೆದ್ದತಿತ್ತು. ಅದು ಕೂಡ 2015ರಲ್ಲಿಯೇ ಸ್ಕಾಟ್ಲೆಂಡ್‌ ವಿರುದ್ಧ. ಆ ಬಳಿಕ 2019ರಲ್ಲಿ ಆಡಿದ ವಿಶ್ವಕಪ್ನ 9 ಪಂದ್ಯದಲ್ಲಿಯೂ ಸೋಲು ಕಂಡಿತ್ತು. ಇದೀಗ ಸತತ 14 ಸೋಲಿನ ಬಳಿಕ ಮತ್ತೊಂದು ಗೆಲುವಿನ ಖಾತೆ ತೆರೆದಿದೆ. ಒಟ್ಟಾರೆ ಇದು ಅಫ್ಘಾನಿಸ್ತಾನಕ್ಕೆ ಒಲಿದ 2ನೇ ಗೆಲುವು. ಅದು ಕೂಡ ಹಾಲಿ ವಿಶ್ವ ಚಾಂಪಿಯನ್ ವಿರುದ್ಧ ಒಲಿದದ್ದು ನಿಜಕ್ಕೂ ಸಾಹಸವೇ ಸರಿ.
Pure joy 🥰 🇦🇫#CWC23 #ENGvAFG pic.twitter.com/3QVGrEPlRD
— ICC Cricket World Cup (@cricketworldcup) October 15, 2023
ಅರುಣ್ ಜೇಟ್ಲಿ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಗೆದ್ದ ಇಂಗ್ಲೆಂಡ್ ತಂಡ ಮೊದಲು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಬ್ಯಾಟಿಂಗ್ಗೆ ಪೂರಕವಾಗಿರುವ ಪಿಚ್ನಲ್ಲಿ ಚೇಸ್ ಮಾಡಿ ಗೆಲ್ಲುವುದು ಸುಲಭ ಎಂಬ ಲೆಕ್ಕಾಚಾರದೊಂದಿಗೆ ಈ ನಿರ್ಧಾರ ತೆಗೆದುಕೊಂಡಿತು. ಜತೆಗೆ ಅಫಘಾನಿಸ್ತಾನ ತಂಡವನ್ನು ಕಡಿಮೆ ಮೊತ್ತಕ್ಕೆ ಕಟ್ಟಿ ಹಾಕುವ ಉದ್ದೇಶ ಹೊಂದಿತ್ತು. ಆಂತೆಯೇ ಮೊದಲು ಬ್ಯಾಟ್ ಮಾಡಿದ ಅಫಘಾನಿಸ್ತಾನ ತಂಡ 49.5 ಓವರ್ಗಳಲ್ಲಿ 284 ರನ್ ಬಾರಿಸಿತು. ಸ್ಪರ್ಧಾತ್ಮಕ ಗುರಿ ಬೆನ್ನಟ್ಟಿದ ಇಂಗ್ಲೆಂಡ್ 40.3 ಓವರ್ಗಳಲ್ಲಿ 215 ರನ್ಗಳಿಗೆ ಆಲ್ಔಟ್ ಆಗುವ ಮೂಲಕ ಸೋಲೊಪ್ಪಿಕೊಂಡಿತು.