ಲೀಡ್ಸ್: ಆ್ಯಶಸ್ ಸರಣಿಯ (Ashes 2023) ಮೂರನೇ ಪಂದ್ಯವೂ ಅತ್ಯಂತ ರೋಚಕವಾಗಿ ನಡೆಯಿತು. ಕಳೆದೆರಡು ಪಂದ್ಯಗಳಲ್ಲಿ ಸೋತು ಮುಖಭಂಗ ಎದುರಿಸಿದ್ದ ಇಂಗ್ಲೆಂಡ್ ತಂಡ ಮೂರನೇ ಪಂದ್ಯವನ್ನು 3 ವಿಕೆಟ್ಗಳಿಂದ ಗೆದ್ದುಕೊಂಡಿದೆ. ಕೊನೇ ತಕನವೂ ಜಿದ್ದಾಜಿದ್ದಿನಿಂದ ಕೂಡಿದ್ದ ಪಂದ್ಯದಲ್ಲಿ ಇಂಗ್ಲೆಂಡ್ ತಂಡ ಗೆಲುವು ತನ್ನದಾಗಿಸಿಕೊಂಡಿತು. ಈ ಸೋಲಿನ ಹೊರತಾಗಿಯೂ ಮೊದಲೆರಡು ಪಂದ್ಯಗಳಲ್ಲಿ ಗೆದ್ದಿರುವ ಪ್ರವಾಸಿ ಆಸ್ಟ್ರೇಲಿಯಾ ತಂಡ ಸರಣಿಯಲ್ಲಿ 2-1ರ ಮುನ್ನಡೆ ಹೊಂದಿದೆ. ಈ ಗೆಲುವಿನೊಂದಿಗೆ ಆ್ಯಶಸ್ ಸರಣಿ ಜೀವಂತವಾಗಿ ಉಳಿದಿದೆ. ಈ ಪಂದ್ಯದಲ್ಲಿ ಇಂಗ್ಲೆಂಡ್ ತಂಡ ಸೋತಿದ್ದರೆ ಇನ್ನೂ ಎರಡು ಪಂದ್ಯಗಳು ಬಾಕಿ ಇರುವಂತೆಯೇ ಸರಣಿ ಆಸ್ಟ್ರೇಲಿಯಾ ತಂಡದ ಕೈ ವಶವಾಗುತ್ತಿತ್ತು. ಆದರೆ, ಇಂಗ್ಲೆಂಡ್ ತಂಡದ ಬ್ಯಾಟರ್ ಹ್ಯಾರಿ ಬ್ರೂಕ್ ಅದಕ್ಕೆ ಅವಕಾಶ ಕೊಡಲಿಲ್ಲ.
The Player of the Match and the man who scored the winning runs in one frame 📸✅ #Ashes pic.twitter.com/Oeptv9bTPQ
— ICC (@ICC) July 9, 2023
ಲೀಡ್ಸ್ನ ಹೆಡಿಂಗ್ಲೆ ಕ್ರಿಕೆಟ್ ಗ್ರೌಂಡ್ ಬೌಲರ್ಗಳಿಗೆ ಹೆಚ್ಚು ನೆರವು ನೀಡಿದ ಕಾರಣ ಪಂದ್ಯ ನಾಲ್ಕನೇ ದಿನಕ್ಕೆ ಮುಕ್ತಾಯಗೊಂಡಿತು. ಆದಾಗ್ಯೂ ಸ್ಪರ್ಧಾತ್ಮಕವಾಗಿ ನಡೆಯಿತು. ಸಣ್ಣ ಮೊತ್ತದ ಪಂದ್ಯವಾದರೂ ಕ್ರಿಕೆಟ್ ಪ್ರೇಮಿಗಳಿಗೆ ಕೌತುಕ ಮೂಡಿಸಿತು. ಕೊನೇ ಇನಿಂಗ್ಸ್ನಲ್ಲಿ ಇಂಗ್ಲೆಂಡ್ ತಂಡದ ಗೆಲುವಿಗೆ 251 ರನ್ಗಳ ಬೇಕಾಗಿತ್ತು. ಸರಿಯಾಗಿ 50 ಓವರ್ಗಳು ಆಡಿದ ಇಂಗ್ಲೆಂಡ್ ತಂಡ 7 ವಿಕೆಟ್ ಕಳೆದುಕೊಂಡು 254 ರನ್ ಬಾರಿಸಿ ಗೆಲುವು ಸಾಧಿಸಿತು.
Back in the side and hitting the winning runs 👊
— ICC (@ICC) July 9, 2023
Chris Woakes has had an #Ashes Test to remember 🤩 pic.twitter.com/nAKPD15VtB
ಹೆಡಿಂಗ್ಲೆ ಪಿಚ್ನಲ್ಲಿ ನಾಲ್ಕನೇ ಇನಿಂಗ್ಸ್ನಲ್ಲಿ 251 ರನ್ ಗಳಿಸುವುದು ಇಂಗ್ಲೆಂಡ್ ಪಾಲಿಗೆ ಸವಾಲಿನ ಸಂಗತಿಯಾಗಿತ್ತು. ಆದಾಗೂ ಮೂರನೇ ದಿನದ ಅಂತ್ಯಕ್ಕೆ ವಿಕೆಟ್ ನಷ್ಟವಿಲ್ಲದೇ 27 ರನ್ ಗಳಿಸಿದ್ದ ಇಂಗ್ಲೆಂಡ್ ತಂಡ ನಾಲ್ಕನೇ ದಿನ ಗುರಿ ಮುಟ್ಟಲು ಪೇಚಾಡಿತು. ಆಸ್ಟ್ರೇಲಿಯಾದ ವೇಗದ ಬೌಲರ್ ಮಿಚೆಲ್ ಸ್ಟಾರ್ಕ್ (78 ರನ್ಗಳಿಗೆ 5 ವಿಕೆಟ್) ಎದುರಾಳಿ ತಂಡಕ್ಕೆ ಆತಂಕ ಮೂಡಿಸಿದ್ದರು. ಆದರೂ ವೇಗಿಗಳ ಸವಾಲು ಮೀರಿ ಗೆಲುವು ದಾಖಲಿಸಿತು.
Test cricket is alive.#Ashes2023 pic.twitter.com/plzt2DZs9N
— Akku.⚡ (@akkuba56) July 9, 2023
ಕೊನೇ ದಿನದಲ್ಲಿ ಗೆಲುವಿಗಾಗಿ 234 ರನ್ಗಳು ಇಂಗ್ಲೆಂಡ್ ತಂಡಕ್ಕೆ ಬೇಕಾಗಿತ್ತು. ಅತ್ಯುತ್ತಮವಾಗಿ ಆಡಿದ್ದ ಬೆನ್ ಡಕೆಟ್ 23 ರನ್ಗಲಿಗೆ ವಿಕೆಟ್ ಒಪ್ಪಿಸಿದರೆ ಜಾಕ್ ಕ್ರಾವ್ಲಿ 44 ರನ್ಗಳಿಗೆ ಔಟಾಗುವ ಮೂಲಕ ಅರ್ಧ ಶತಕದ ಅವಕಾಶ ಕಳೆದುಕೊಂಡರು. ಮೂರನೇ ಕ್ರಮಾಂಕದಲ್ಲಿ ಭರ್ಜರಿಯಾಗಿ ಬ್ಯಾಟ್ ಬೀಸಲು ಬಂದ ಮೊಯೀನ್ ಅಲಿ ಕೇವಲ 5 ರನ್ಗೆ ವಿಕೆಟ್ ಒಪ್ಪಿಸಿದರು. ಜೂ ರೂಟ್ 21 ರನ್ಗೆ ಸೀಮಿತಗೊಂಡರು. ನಾಯಕ ಬೆನ್ ಸ್ಟೋಕ್ಸ್ 13 ರನ್ ಹಾಗೂ ಜಾನಿ ಬೇರ್ಸ್ಟೋವ್ 5 ರನ್ಗಳಿಗೆ ಔಟಾಗುವ ಮೂಲಕ ಇಂಗ್ಲೆಂಡ್ ತಂಡಕ್ಕೆ ಸಂಕಷ್ಟ ಎದುರಾಯಿತು.
ಇದನ್ನೂ ಓದಿ : Ashes 2023: ಆ್ಯಶಸ್ ಟೆಸ್ಟ್ ಸರಣಿಯಿಂದ ಹೊರಬಿದ್ದ ನಥಾನ್ ಲಿಯೋನ್
ಮರ್ಯಾದೆ ಕಾಪಾಡಿದ ಬ್ರೂಕ್, ಗೆಲುವು ತಂದ ವೋಕ್ಸ್
ಸ್ಟಾರ್ಕ್ ಬೌಲಿಂಗ್ಗೆ ವಿಕೆಟ್ಗಳನ್ನು ಒಪ್ಪಿಸುತ್ತಾ ಸಂಕಷ್ಟಕ್ಕೆ ಬಿದ್ದಿದ್ದ ಇಂಗ್ಲೆಂಡ್ ತಂಡದ ಮರ್ಯಾದೆಯನ್ನು ಮಧ್ಯಮ ಕ್ರಮಾಂಕದಲ್ಲಿ ಹ್ಯಾರಿ ಬ್ರೂಕ್ ಕಾಪಾಡಿದರು. 93 ಎಸೆತಗಳನ್ನು ಎದುರಿಸಿದ ಅವರು 75 ರನ್ ಬಾರಿಸಿದರು. ಅದಕ್ಕಿಂತಲೂ ಹೆಚ್ಚಾಗಿ ಆರನೇ ಕ್ರಮಾಂಕದಲ್ಲಿ ಆಡಲು ಇಳಿದ ಕ್ರಿಸ್ ವೋಕ್ಸ್ ಅಜೇಯರಾಗಿ ಉಳಿದು 32 ರನ್ ಬಾರಿಸಿದರು. ವೋಕ್ಸ್ ಮತ್ತು ಬ್ರೂಕ್ ಆರನೇ ವಿಕೆಟ್ಗೆ 59 ರನ್ಗಳ ಜತೆಯಾಟ ಆಡಿದರು. ಅದು ಗೆಲುವಿನ ಜತೆಯಾಟ ಎನಿಸಿತು. ಕೊನೇಯಲ್ಲಿ ಮಾರ್ಕ್ ವುಡ್ 8 ಎಸೆತಕ್ಕೆ 16 ರನ್ ಬಾರಿಸಿ ವಿಜಯೋತ್ಸವ ಆಚರಿಸಿದರು.