ಲಂಡನ್: ಸ್ಟುವರ್ಟ್ ಬ್ರಾಡ್(Stuart Broad) ಹೆಸರು ಕೇಳುವಾಗ ನೆನಪಾಗುವುದು 2007ರ ಟಿ20(2007 t20 World cup) ವಿಶ್ವಕಪ್ ಮತ್ತು ಯುವರಾಜ್ ಸಿಂಗ್(Yuvraj Singh). ಚೊಚ್ಚಲ ಆವೃತ್ತಿಯ ಟಿ20 ವಿಶ್ವಕಪ್ನಲ್ಲಿ ಯುವರಾಜ್ ಸಿಂಗ್ ಅವರಿಂದ 6 ಎಸೆತಕ್ಕೆ 6 ಸಿಕ್ಸರ್ ಚಚ್ಚಿಸಿಕೊಂಡ ಬ್ರಾಡ್ ಅವರು ಇದೀಗ ತಮ್ಮ ಕ್ರಿಕೆಟ್ ಬದುಕಿಗೆ ತೆರೆ ಎಳೆಯಲು ನಿರ್ಧರಿಸಿದ್ದಾರೆ. ಆಸೀಸ್(The Ashes 2023) ವಿರುದ್ಧದ ಅಂತಿಮ ಟೆಸ್ಟ್ ಬಳಿಕ ಅವರು ಕ್ರಿಕೆಟ್ ನಿವೃತ್ತಿ ಘೋಷಿಸುವುದಾಗಿ(Stuart Broad retirement) ಮೂರನೇ ದಿನದಾಟದ ವೇಳೆ ತಿಳಿಸಿದ್ದಾರೆ.
ಯುವರಾಜ್ ಸಿಂಗ್ ಅವರಿಂದ 6 ಸಿಕ್ಸರ್ ಹೊಡೆಸಿಕೊಂಡು ಕಣ್ಣೀರು ಹಾಕಿದ ಸ್ಟುವರ್ಟ್ ಬ್ರಾಡ್ ಆ ಬಳಿಕ ವಿಶ್ವದ ನಂ. 1 ಬೌಲರ್ ಆಗಿ ಕಾಣಿಸಿಕೊಳ್ಳುವ ಮೂಲಕ ಇಂಗ್ಲೆಂಡ್ ಟೆಸ್ಟ್ ಕ್ರಿಕೆಟ್ ಕಂಡ ಶ್ರೇಷ್ಠ ವೇಗಿಗಳಲ್ಲಿ ಸ್ಥಾನಪಡೆದಿದ್ದರು. ಇದೀಗ ಆ್ಯಶಸ್ ಟೆಸ್ಟ್ ತನ್ನ ಅಂತಿಮ ಕ್ರಿಕೆಟ್ ಪಂದ್ಯ ಎಂದು ಘೋಷಣೆ ಮಾಡಿದ್ದಾರೆ.
37 ವರ್ಷದ ಸ್ಟುವರ್ಟ್ ಬ್ರಾಡ್ ಅವರು 2006ರಲ್ಲಿ ಪಾಕಿಸ್ತಾನ ವಿರುದ್ಧದ ಏಕದಿನ ಮತ್ತು ಟಿ20 ಸರಣಿಯಲ್ಲಿ ಆಡುವ ಮೂಲಕ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದರು. 2007ರಲ್ಲಿ ಶ್ರೀಲಂಕಾ ವಿರುದ್ಧ ಆಡುವ ಮೂಲಕ ಟೆಸ್ಟ್ ಕ್ರಿಕೆಟ್ ಬಾಳ್ವೆ ಆರಂಭಿಸಿದ್ದರು. 167 ಟೆಸ್ಟ್ ಪಂದ್ಯಗಳನ್ನು ಆಡಿರುವ ಬ್ರಾಡ್ 602 ವಿಕೆಟ್ ಪಡೆದಿದ್ದಾರೆ. ಏಕದಿನದಲ್ಲಿ 178, ಟಿ20ಯಲ್ಲಿ 65 ವಿಕೆಟ್ ಉಡಾಯಿಸಿದ್ದಾರೆ. ಬ್ಯಾಟಿಂಗ್ನಲ್ಲಿಯೂ ಶ್ರೇಷ್ಠ ದಾಖಲೆ ಹೊಂದಿದ್ದು ಟೆಸ್ಟ್ನಲ್ಲಿ ಒಂದು ಶತಕ ಮತ್ತು 13 ಅರ್ಧಶತಕ ಬಾರಿಸಿದ್ದಾರೆ. 196 ಅವರ ವೈಯಕ್ತಿಕ ಗರಿಷ್ಠ ಮೊತ್ತವಾಗಿದೆ. ಒಟ್ಟು ಮೂರು ಮಾದರಿಯ ಕ್ರಿಕೆಟ್ ಸೇರಿ 4,303 ರನ್ ಬಾರಿಸಿದ್ದಾರೆ.
ಇದನ್ನೂ ಓದಿ The Ashes 2023; ನಿತಿನ್ ಮೆನನ್ ರನೌಟ್ ತೀರ್ಪಿಗೆ ಮೆಚ್ಚುಗೆ ವ್ಯಕ್ತಪಡಿಸಿದ ಆರ್.ಅಶ್ವಿನ್
Stuart Broad has announced his retirement and he will be playing his last game today. 600+ test wickets in his bag that too from a fast bowler. 💖
— Rohan (@rohanreplies) July 30, 2023
One more test cricket legend is fading away from the sight 💔 pic.twitter.com/8Hm6ODFf9X
ಆ್ಯಶಸ್ ಅಂತಿಮ ಟೆಸ್ಟ್ನ ಮೂರನೇ ದಿನ ಕ್ರಿಕೆಟ್ ನಿವೃತ್ತಿಯನ್ನು ಘೋಷಣೆ ಮಾಡಿದ ಬ್ರಾಡ್ “17 ವರ್ಷದ ಸುದೀರ್ಘ ಕ್ರಿಕೆಟ್ ಜೀವನಕ್ಕೆ ಅಂತ್ಯ ಹಾಡಲು ನಿರ್ಧರಿಸಿದ್ದೇನೆ. ಇದೊಂದು ಅದ್ಭುತ ಪಯಣವಾಗಿದೆ, ನಾಟಿಂಗ್‌ ಹ್ಯಾಮ್‌ ಶೈರ್ ಮತ್ತು ಇಂಗ್ಲೆಂಡ್ ಜೆರ್ಸಿಯನ್ನು ಧರಿಸಿದ್ದು ನನ್ನ ಪುಣ್ಯ. ಮುಂದಿನ ಜೀವನವನ್ನು ನನ್ನ ಕುಟುಂಬ ಸದಸ್ಯರೊಂದಿಗೆ ಕಳೆಯಲು ಇಚ್ಚಿಸುತ್ತೇನೆ. ನನ್ನ ಕ್ರಿಕೆಟ್ ಪ್ರಯಣದಲ್ಲಿ ನನಗೆ ಬೆಂಬಲ ನೀಡಿದ ಎಲ್ಲ ಸಹ ಆಟಗಾರರಿಗೂ, ಕೋಚ್ ಮತ್ತು ಆಯ್ಕೆ ಸಮಿತಿಯ ಎಲ್ಲ ಸಿಬ್ಬಂದಿಗಳಿಗೆ ಧನ್ಯವಾದಗಳು” ಎಂದು ಬ್ರಾಡ್ ಹೇಳಿದರು.