ಓಲ್ಡ್ ಟ್ರಾಫರ್ಡ್: ಆ್ಯಶಸ್ ಸರಣಿಯ ನಾಲ್ಕನೇ ಪಂದ್ಯದ ಮೊದಲ ಇನಿಂಗ್ಸ್ನಲ್ಲಿ ಇಂಗ್ಲೆಂಡ್ ತಂಡ 592 ರನ್ಗಳ ಬೃಹತ್ ಮೊತ್ತ ಪೇರಿಸಿದೆ. ಅಲ್ಲದೆ ಮೂರನೇ ದಿನದ ಅಂತ್ಯಕ್ಕೆ ಎದುರಾಳಿ ಆಸ್ಟ್ರೇಲಿಯಾ ತಂಡ 113 ರನ್ ಪೇರಿಸುವಷ್ಟರಲ್ಲಿ 4 ವಿಕೆಟ್ಗಳನ್ನು ಉರುಳಿಸಿದ್ದು ಇನ್ನೂ 162 ರನ್ಗಳ ಮುನ್ನಡೆ ಪಡೆದುಕೊಂಡಿದೆ. ಪಂದ್ಯ ಮುಕ್ತಾಯಕ್ಕೆ ಇನ್ನೂ ಎರಡು ದಿನಗಳು ಬಾಕಿ ಉಳಿದಿದ್ದು ಆತಿಥೇಯ ತಂಡ ಗೆಲುವಿನ ವಿಶ್ವಾಸ ವೃದ್ದಿಸಿಕೊಂಡಿದೆ. ಆಸ್ಟ್ರೇಲಿಯಾ ತಂಡ ಸರಣಿಯ ಮೊದಲೆರಡು ಪಂದ್ಯಗಳನ್ನು ಗೆದ್ದಿದ್ದು ಮೂರನೇ ಪಂದ್ಯವನ್ನು ಆತಿಥೇಯ ಇಂಗ್ಲೆಂಡ್ ತಂಡ ತನ್ನದಾಗಿಸಿಕೊಂಡಿದೆ. ಹೀಗಾಗಿ ಸರಣಿಯಲ್ಲಿ ಆಸ್ಟ್ರೇಲಿಯಾ ತಂಡ 2-1 ರ ಮುನ್ನಡೆಯಲ್ಲಿದೆ. ಒಂದು ವೇಳೆ ಈ ಪಂದ್ಯವನ್ನು ಇಂಗ್ಲೆಂಡ್ ತಂಡ ತಂಡ ಸರಣಿಯನ್ನು ಕಳೆದುಕೊಳ್ಳಬೇಕಾಗುತ್ತದೆ. ಆದರೆ ಸದ್ಯದ ಮುನ್ನಡೆಯ ಪ್ರಕಾರ ಇಂಗ್ಲೆಂಡ್ಗೆ ಗೆಲುವಿನ ಸಾಧ್ಯತೆಗಳಿವೆ.
Travis Head is completely bamboozled by the pace and bounce of Mark Wood! 🌪️
— England Cricket (@englandcricket) July 21, 2023
Four down. Six to go. #EnglandCricket | #Ashes pic.twitter.com/9d2B9U1Ewp
ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಆಸ್ಟ್ರೇಲಿಯಾ ತಂಡ 317 ರನ್ ಬಾರಿಸಿ ಅಲ್ಔಟ್ ಆಗಿತ್ತು. ಪ್ರತಿಯಾಗಿ ಬ್ಯಾಟ್ ಮಾಡಿದ ಇಂಗ್ಲೆಂಡ್ ‘ಬಜ್ಬಾಲ್ ರೀತಿಯಲ್ಲಿ ಆಡಿತು. ಆರಂಭಿಕ ಬ್ಯಾಟರ್ ಜಾಕ್ ಕ್ರಾವ್ಲಿ 189 ರನ್ ಬಾರಿಸಿದರೆ ನಾಯಕ ಬೆನ್ ಸ್ಟೋಕ್ಸ್ 51 ರನ್ ರನ್ ಗಳಿಸಿದರು. ಅದಕ್ಕಿಂತ ಮೊದಲು ಜೊ ರೂಟ್ 84 ರನ್ ಕಲೆ ಹಾಕಿದರೆ ಮೊಯೀನ್ ಅಲಿ 54 ರನ್ ಕೊಡುಗೆ ಕೊಟ್ಟರು.
ಆಸ್ಟ್ರೇಲಿಯಾ ತಂಡದಪ ಪ್ರತಿಯೊಬ್ಬ ಆಟಗಾರನೂ ಏಕ ದಿನ ಕ್ರಿಕೆಟ್ ರೀತಿಯಲ್ಲಿ ಆಡುವ ಮೂಲಕ ದೊಡ್ಡ ಮೊತ್ತ ಪೇರಿಸಲು ನೆರವಾದರು. ಹ್ಯಾರಿ ಬ್ರೂಕ್ 61 ರನ್ ಗಳಿಸಿದರೆ ಕೊನೇಯಲ್ಲಿ ಜಾನಿ ಬೇರ್ಸ್ಟೋವ್ ಅಜೇಯ 99 ರನ್ ಬಾರಿಸಿದರು. ಅವರು ಕೇವಲ ಒಂದು ರನ್ಗಳಿಂದ ಶತಕದ ಅವಕಾಶದಿಂದ ವಂಚಿತರಾದರು.
The hosts applied more pressure with an all-round display on day three in Manchester 👊#WTC25 | #ENGvAUS | 📝 https://t.co/QjUWyFeZdn pic.twitter.com/9IaFJL0fon
— ICC (@ICC) July 21, 2023
ಮೊದಲ ಇನಿಂಗ್ಸ್ನಲ್ಲಿ 257 ರನ್ಗಳ ಹಿನ್ನಡೆಗೆ ಒಳಗಾದ ಆಸ್ಟ್ರೇಲಿಯಾ ತಂಡ ಪಂದ್ಯವನ್ನು ಉಳಿಸಿಕೊಳ್ಳುವುಕ್ಕೆ ಪ್ರಯತ್ನಿಸಿತು. ಆದರೆ, ಇಂಗ್ಲೆಂಡ್ ಬೌಲರ್ಗಳು ಅದಕ್ಕೆ ಅವಕಾಶ ಕೊಡಲಿಲ್ಲ, 41 ಓವರ್ಗಳಲ್ಲಿ 113 ರನ್ ಬಿಟ್ಟುಕೊಟ್ಟು ಪ್ರಮುಖ 4 ವಿಕೆಟ್ಗಳನ್ನು ಉರುಳಿಸಿದರು. ಮರ್ನಸ್ ಲಾಬುಶೇನ್ 44 ರನ್ ಬಾರಿಸಿ ಕ್ರೀಸ್ನಲ್ಲಿ ಉಳಿದಿದ್ದಾರೆ. ಉಸ್ಮಾನ್ ಖ್ವಾಜಾ 18 ರನ್ ಬಾರಿಸಿದರೆ ಡೇವಿಡ್ ವಾರ್ನರ್ 28 ರನ್ಗಳಿಗೆ ಸೀಮಿತಗೊಂಡರು. ಸ್ಟೀವ್ ಸ್ಮಿತ್ ಗಳಿಕೆ 17 ರನ್. ಇಂಗ್ಲೆಂಡ್ ವೇಗಿ ಮಾರ್ಕ್ ವುಡ್ 3 ವಿಕೆಟ್ ಉರುಳಿಸಿ ಮಿಂಚಿದ್ದಾರೆ.
ಇದನ್ನೂ ಓದಿ : Ashes 2023: ಆ್ಯಶಸ್ ಟೆಸ್ಟ್ ಸರಣಿಯಿಂದ ಹೊರಬಿದ್ದ ನಥಾನ್ ಲಿಯೋನ್
ಪಂದ್ಯ ಮುಕ್ತಾಯಕ್ಕೆ ಇನ್ನು ಎರಡು ದಿನಗಳು ಬಾಕಿ ಉಳಿದಿವೆ. ಆದರೆ, ಮುಂದಿನೆರಡು ದಿನಗಳ ಕಾಲ ಮಳೆಯಾಗುವ ಸೂಚನೆಯೂ ಇದೆ. ಅದೇ ರೀತಿ ಆಸ್ಟ್ರೇಲಿಯಾ ತಂಡದಲ್ಲಿ ಬಲಿಷ್ಠ ಬ್ಯಾಟರ್ಗಳು ಇನ್ನೂ ಉಳಿದಿದ್ದಾರೆ. ಹೀಗಾಗಿ ಪಂದ್ಯ ಕುತೂಹಲದ ಘಟ್ಟದಲ್ಲಿದೆ.