ಮುಂಬಯಿ: ದೊಡ್ಡ ಮೊತ್ತದ ಟಿ20(India Women vs England Women, 1st T20) ಮೇಲಾಟದಲ್ಲಿ ಭಾರತ ಮಹಿಳಾ ತಂಡ(ENGW vs INDW) ಪ್ರವಾಸಿ ಇಂಗ್ಲೆಂಡ್ ವಿರುದ್ಧ 38 ರನ್ಗಳ ಅಂತರದಿಂದ ಸೋಲು ಕಂಡಿದೆ. ಮೂರು ಪಂದ್ಯಗಳ ಟಿ20 ಸರಣಿಯ ಮೊದಲ ಪಂದ್ಯವನ್ನು ಗೆದ್ದ ಇಂಗ್ಲೆಂಡ್ 1-0 ಮುನ್ನಡೆ ಕಾಯ್ದುಕೊಂಡಿದೆ.
ಇಲ್ಲಿನ ವಾಂಖೆಡೆ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಇಂಗ್ಲೆಂಡ್ ತಂಡ ಡೇನಿಯಲ್‌ ವ್ಯಾಟ್‌(75) ಮತ್ತು ನ್ಯಾಟ್ ಸ್ಕಿವರ್-ಬ್ರಂಟ್(77) ಅವರ ಅಮೋಘ ಜತೆಯಾಟದ ನೆರವಿನಿಂದ ನಿಗದಿತ 20 ಓವರ್ಗಳಲ್ಲಿ 6 ವಿಕಟ್ಗೆ 197 ರನ್ ಬಾರಿಸಿತು. ಜವಾಬಿತ್ತ ಭಾರತ ತಂಡ ಆರಂಭದಲ್ಲೇ ವಿಕೆಟ್ ಕಳೆದುಕೊಂಡು ತನ್ನ ಪಾಲಿನ ಆಟದಲ್ಲಿ 6 ವಿಕೆಟ್ಗೆ 159 ರನ್ ಗಳಿಸಿ ಶರಣಾಯಿತು. ಭಾರತ ಪರ ಶಫಾಲಿ ವರ್ಮ ಅವರು (52) ಅರ್ಧಶತಕ ಬಾರಿಸಿ ಮಿಂಚಿದರು.
A good all-round performance sees England take a 1-0 lead in Mumbai in the three-match series 👏
— ICC (@ICC) December 6, 2023
📝 #INDvENG: https://t.co/Xuy9cxTdMP pic.twitter.com/LDchDgv7Lb
ಅಮೋಘ ಜತೆಯಾಟವಾಡಿದ ವ್ಯಾಟ್‌-ಬ್ರಂಟ್
ಮೊದಲು ಬ್ಯಾಟಿಂಗ್ ನಡೆಸಿದ ಇಂಗ್ಲೆಂಡ್ಗೆ ಉತ್ತಮ ಆರಂಭ ಸಿಗಲಿಲ್ಲ. ತಂಡದ ಮೊತ್ತ 2 ರನ್ ಆಗುವಷ್ಟರಲ್ಲಿ ಮೊದಲ ವಿಕೆಟ್ ಕಳೆದುಕೊಂಡಿತು. ಇದರ ಬೆನ್ನಲೇ ಮತ್ತುಂದು ವಿಕೆಟ್ ಕೂಡ ಬಿತ್ತು. 2ರನ್ಗೆ 2 ವಿಕೆಟ್ ಕಳೆದುಕೊಂಡ ಇಂಗ್ಲೆಂಡ್ ತೀವ್ರ ಸಂಕಷ್ಟಕ್ಕೆ ಸಿಲುಕಿತು. ಆದರೆ ಮೂರನೇ ವಿಕೆಟ್ಗೆ ಜತೆಯಾದ ಡೇನಿಯಲ್‌ ವ್ಯಾಟ್‌ ಮತ್ತು ನ್ಯಾಟ್ ಸ್ಕಿವರ್-ಬ್ರಂಟ್ ಸೇರಿಕೊಂಡು ಆಕ್ರಮಣಕಾರಿ ಆಟದ ಮೂಲಕ ತಂಡಕ್ಕೆ ಆಸರೆಯಾದರು.
ಇದನ್ನೂ ಓದಿ Pro Kabaddi: ಗೆಲುವಿನ ನಗೆ ಬೀರಿದ ಪಾಟ್ನಾ ಪೈರೇಟ್ಸ್‌, ಯುಪಿ ಯೋಧಾಸ್
ಈ ಜೋಡಿ ಭಾರತದ ಎಲ್ಲ ಬೌಲಿಂಗ್ ಯೋಜನೆಯನ್ನು ವಿಫಲಗೊಳಿಸಿ ತಂಡದ ಬೃಹತ್ ಮೊತ್ತಕ್ಕೆ ಕಾರಣವಾಯಿತು. ಇವರ ಬ್ಯಾಟಿಂಗ್ ಆರ್ಭಟದ ಮುಂದೆ ಆರಂಭಿಕ ಹಂತದಲ್ಲಿ ಹಿಡಿತ ಸಾಧಿಸಿದ್ದ ಭಾರತೀಯ ಬೌಲರ್ಗಳು ಆ ಬಳಿಕ ಸಂಪೂರ್ಣ ಮಂಕಾದರು. ಓವರ್ಗೆ ಕನಿಷ್ಠ 10ಕ್ಕಿಂತ ಅಧಿಕ ರನ್ಗಳನ್ನು ದಂಡಿಸಿಕೊಂಡರು. ಕನ್ನಡತಿ ಶ್ರೇಯಾಂಕ ಪಾಟೀಲ್ 2 ವಿಕೆಟ್ ಪಡೆದರೂ 4 ಓವರ್ಗೆ 44 ರನ್ ಬಿಟ್ಟುಕೊಟ್ಟು ಅತ್ಯಂರ ದುಬಾರಿ ಎನಿಸಿಕೊಂಡರು. ಅನುಭವಿ ಪೂಜಾ ವಸ್ತ್ರಾಕರ್ ಕೂಡ 4 ಓವರ್ಗೆ 44 ರನ್ ಬಿಟ್ಟುಕೊಟ್ಟರು. ಅಲ್ಲದೆ ಕಳಪೆ ಫೀಲ್ಡಿಂಗ್ ಮೂಲಕ ಕ್ಯಾಚ್ ಒಂದನ್ನು ಕೈ ಚೆಲ್ಲಿದರು. ರೇಣುಕಾ ಸಿಂಗ್ ಮಾತ್ರ 27 ರನ್ಗೆ ಮೂರು ವಿಕೆಟ್ ಪಡೆದು ನಿರೀಕ್ಷಿತ ಮಟ್ಟದ ಬೌಲಿಂಗ್ ಪ್ರದರ್ಶನ ತೋರುವಲ್ಲಿ ಯಶಸ್ಸು ಕಂಡರು.
A century stand between Danni Wyatt and Nat Sciver-Brunt comes up in quick time 💯
— ICC (@ICC) December 6, 2023
📝 #INDvENG: https://t.co/7g2mNjshtM pic.twitter.com/J58ZHkU4Vb
ನ್ಯಾಟ್ ಸ್ಕಿವರ್-ಬ್ರಂಟ್ ಸೇರಿಕೊಂಡು ಮೂರನೇ ವಿಕೆಟ್ಗೆ ಬರೋಬ್ಬರಿ 138 ರನ್ಗಳ ಜತೆಯಾಟ ನಡೆಸಿದರು. ಡೇನಿಯಲ್‌ ವ್ಯಾಟ್‌ 2 ಸಿಕ್ಸರ್ ಮತ್ತು 8 ಬೌಂಡರಿ ನೆರವಿಂದ 75 ರನ್ ಬಾರಿಸಿದರೆ, ನ್ಯಾಟ್ ಸ್ಕಿವರ್-ಬ್ರಂಟ್ 13 ಬೌಂಡರಿ ಸಿಡಿಸಿ 77 ರನ್ ಗಳಿಸಿದರು. ಉಭಯ ಆಟಗಾರ್ತಿಯರ ವಿಕೆಟ್ ರೇಣುಕಾ ಸಿಂಗ್ ಪಾಲಾಯಿತು. ಅಂತಿಮ ಹಂತದಲ್ಲಿ ಬಿರುಸಿನ ಬ್ಯಾಟಿಂಗ್ ನಡೆಸಿದ ಆ್ಯಮಿ ಜೋನ್ಸ್ ಕೇವಲ 9 ಎಸೆತಗಳಿಂದ 23 ರನ್ ಬಾರಿಸಿದರು.
ಬ್ಯಾಟಿಂಗ್ ವೈಫಲ್ಯ ಕಂಡ ಭಾರತ
ಭಾರತ ಪರ ಚೇಸಿಂಗ್ ವೇಳೆ ಆರಂಭಿಕ ಆಟಗಾರ್ತಿ ಶಫಾಲಿ ವರ್ಮ ಅವರು 52 ರನ್ ಗಳಿಸಿ ಸೋಲಿನ ಅಂತರವನ್ನು ಕಡಿಮೆಗೊಳಿಸಿದರು. ಸ್ಟಾರ್ ಆಟಗಾರ್ತಿಯರಾದ ಸ್ಮೃತಿ ಮಂಧಾನ(6) ಭರವಸೆಯ ಆಟಗಾರ್ತಿ ಜೆಮಿಮಾ ರೋಡ್ರಿಗಸ್(4), ರಿಚಾ ಘೋಷ್(21) ರನ್ ಗಳಿಸಿ ವೈಫಲ್ಯ ಕಂಡರು. ನಾಯಕಿ ಹರ್ಮನ್ಪ್ರೀತ್ ಕೌರ್ ಕೂಡ ನಿರೀಕ್ಷಿತ ಬ್ಯಾಟಿಂಗ್ ನಡೆಸುವಲ್ಲಿ ಯಶಸ್ಸು ಕಾಣಲಿಲ್ಲ. ಅವರ ಗಳಿಕೆ 26 ರನ್. ಸರಣಿಯ ದ್ವಿತೀಯ ಪಂದ್ಯ ಡಿ.9ರಂದು ನಡೆಯಲಿದೆ.