ಲಂಡನ್‌: ಇಂಗ್ಲೆಂಡ್‌ ತಂಡದ ಬೌಲರ್‌ ರೀಸ್‌ ಟೋಪ್ಲಿ INDvsENG ODI ಸರಣಿಯಲ್ಲಿ ಅದ್ಭುತ ಬೌಲಿಂಗ್‌ ಮಾಡುವ ಮೂಲಕ ಇಂಗ್ಲೆಂಡ್‌ ತಂಡದ ಪರ ಏಕದಿನ ಕ್ರಿಕೆಟ್‌ನಲ್ಲಿ ನೂತನ ಬೌಲಿಂಗ್‌ ದಾಖಲೆಯೊಂದನ್ನು ಸೃಷ್ಟಿಸಿದ್ದಾರೆ.
ಭಾರತದ ವಿರುದ್ಧದ ಸರಣಿಯ ಎರಡನೇ ಪಂದ್ಯದಲ್ಲಿ ೯.೫ ಓವರ್‌ಗಳಲ್ಲಿ ೨೪ ರನ್‌ ನೀಡಿ ೬ ವಿಕೆಟ್‌ ಕಬಳಿಸಿರುವ ಅವರು ಇಂಗ್ಲೆಂಡ್‌ ತಂಡದ ಪರ ಏಕದಿನ ಕ್ರಿಕೆಟ್‌ನಲ್ಲಿ ಗರಿಷ್ಠ ಬೌಲಿಂಗ್‌ ಸಾಧನೆ ಮಾಡಿ ಶ್ರೇಯಸ್ಸಿಗೆ ಪಾತ್ರರಾದರು.
ಲಾರ್ಡ್ಸ್‌ನಲ್ಲಿ ನಡೆದ ಪಂದ್ಯದಲ್ಲಿ ಅವರು ಈ ಸಾಧನೆ ಮಾಡುವ ಮೂಲಕ ಸರಣಿ ಸಮಬಲಗೊಳ್ಳುವಲ್ಲಿ ಪ್ರಧಾನ ಪಾತ್ರ ವಹಿಸಿದರು. ಅವರ ಬೌಲಿಂಗ್‌ಗೆ ತತ್ತರಿಸಿದ ಭಾರತ ತಂಡ ೧೪೬ ರನ್‌ಗಳಿಗೆ ಆಲ್‌ಔಟ್‌ ಆಯಿತು, ೧೦೦ ರನ್‌ಗಳಿಗೆ ಸೋಲೊಪ್ಪಿಕೊಂಡಿತು.
ಇಂಗ್ಲೆಂಡ್‌ ತಂಡದ ಪರ ಇಂಗ್ಲೆಂಡ್‌ ತಂಡದ ಪಾಲ್‌ ಕಾಲಿಂಗ್‌ವುಡ್‌ ೨೦೦೫ರಲ್ಲಿ ಬಾಂಗ್ಲಾದೇಶ ತಂಡದ ವಿರುದ್ಧ ೧೦ ಓವರ್‌ಗಳಲ್ಲಿ ೩೧ ರನ್‌ ಬಾರಿಸಿ ೬ ವಿಕೆಟ್‌ ಕಬಳಿಸಿದ್ದು ಇದುವರೆಗಿನ ಸಾಧನೆಯಾಗಿತ್ತು.
ಇದನ್ನೂ ಓದಿ: INDvsENG ODI | ಮಾರಕ ಬೌಲಿಂಗ್‌ ಮಾಡಿದ ಟೋಪ್ಲಿ, ಭಾರತಕ್ಕೆ 100 ರನ್‌ಗಳ ಸೋಲಿನ ಟೋಪಿ!