ಮುಂಬಯಿ: ಭಾರತೀಯ ಕ್ರಿಕೆಟ್ ತಂಡ ಹೊಸ ಕಿಟ್ ಸಾಮಾಜಿಕ ಮಾಧ್ಯಮದಲ್ಲಿ ಸಾಕಷ್ಟು ಸಂಚಲನ ಸೃಷ್ಟಿಸಿದೆ. ಕ್ರೀಡಾಪರಿಕರಗಳು ಹಾಗೂ ಉಡುಪುಗಳ ಬೃಹತ್ ಕಂಪನಿಯಾಗಿರುವ ಅಡಿಡಾಸ್ ಪ್ರಾಯೋಜಕತ್ವದ ಜೆರ್ಸಿ ಹಾಗೂ ಇನ್ನಿತರ ಸಾಧನಗಳ ಬಗ್ಗೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತಗೊಂಡಿದೆ. ಅನೇಕ ಮಂದಿ ಇದನ್ನು ಅತ್ಯುತ್ತಮ ಜೆರ್ಸಿ ಎಂದು ಕರೆದಿದ್ದಾರೆ. ಇಷ್ಟೆಲ್ಲ ಹೊಗಳಿಕೆಯ ನಡುವೆ ಅಭಿಮಾನಿಗಳ ದೊಡ್ಡ ವರ್ಗವೊಂದು ಈ ಟಿಶರ್ಟ್ನ ಬೆಲೆ ಕೇಳಿ ಬೆಚ್ಚಿ ಬಿದ್ದಿದೆ. ದುಬಾರಿ ಬೆಲೆಯ ಈ ಜೆರ್ಸಿಯನ್ನು ಕೊಳ್ಳುವುದು ಅಸಾಧ್ಯ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಅತೃಪ್ತಿ ವ್ಯಕ್ತಪಡಿಸಿದ್ದಾರೆ. ಅದರೆ, ಇನ್ನೂ ಕೆಲವರು ಒರಿಜಿನಲ್ ತೆಗೆದುಕೊಳ್ಳಬೇಡಿ. ಲೋಕಲ್ ಮಾರ್ಕೆಟ್ನಲ್ಲಿ ಸಿಗುವುದನ್ನೇ ತೆಗೆದುಕೊಳ್ಳಿ ಎಂದು ಸಲಹೆ ಕೊಟ್ಟಿದ್ದಾರೆ.
ODI Jersey – 4999 rs.
— Johns. (@CricCrazyJohns) June 3, 2023
T20I Jersey – 4999 rs.
Test Jersey – 4999 rs.
ODI Replica Jersey – 2999 rs.
ODI fan Jersey – 999 rs. pic.twitter.com/OdvvTQVTfG
ಟ್ವೀಟ್ ಒಂದನ್ನು ಪರಿಗಣನೆಗೆ ತೆಗೆದುಕೊಳ್ಳುವುದಾದರೆ , ಹೊಸದಾಗಿ ಬಿಡುಗಡೆಯಾಗಿರುವ ಜೆರ್ಸಿಗಳ ಬೆಲೆ ತಲಾ 4999 ರೂಪಾಯಿ. ಏಕದಿನ ಮಾದರಿಯ ಜೆರ್ಸಿಯ ರೆಪ್ಲಿಕಾಗೆ 2,999 ರೂಪಾಯಿ. ಅದೇ ರೀತಿ ಏಕ ದಿನ ಕ್ರಿಕೆಟ್ ತಂಡದ ಫ್ಯಾನ್ ಜೆರ್ಸಿಗೆ 999 ರೂ.ಗೆ ನಿಗದಿಪಡಿಸಲಾಗಿದೆ. ಇಷ್ಟೊಂದು ಬೆಲೆ ಇಟ್ಟಿರುವುದಕ್ಕೆ ಕ್ರಿಕೆಟ್ ಅಭಿಮಾನಿಗಳು ಬೇಸರ ವ್ಯಕ್ತಪಡಿಸಿದ್ದಾರೆ.
ಅಡಿಡಾಸ್ ಕಂಪನಿಯು ಮಾರುವ ಜೆರ್ಸಿಯ ಬೆಲೆಯು ಅಧಿಕವಾಯಿತು. ಇಷ್ಟೊಂದು ದರ ನೀಡಿ ಕೊಳ್ಳುವುದು ಅಸಾಧ್ಯ. ಹೀಗಾಗಿ ಡೂಪ್ಲಿಕೇಟ್ ಜೆರ್ಸಿಯನ್ನು ಹಾಕಿಕೊಂಡು ಸಂಭ್ರಮಪಡುವುದೇ ಉತ್ತಮ ಎಂಬುದಾಗಿ ಕೆಲವರು ಬರೆದುಕೊಂಡಿದ್ದಾರೆ. ಇನ್ನೂ ಕೆಲವರು adidas ಬದಲಿಗೆ abibas ಬ್ರಾಂಡ್ನ ಟಿಶರ್ಟ್ ಕೊಳ್ಳುವುದೇ ಉತ್ತಮ ಎಂದು ಬರೆದುಕೊಂಡಿದ್ದಾರೆ.
Rs 4999 for jerseys of #TeamIndia. Very costly for Indian market I must say. pic.twitter.com/7DCdPJVEmG
— Subhayan Chakraborty (@CricSubhayan) June 3, 2023
ಇನ್ನೂ ಕೆಲವರು ವಾಖೆಂಡೆ ಸ್ಟೇಡಿಯಮ್ನ ಬಳಿಗೆ ಹೋದರೆ 4999 ರೂಪಾಯಿಗೆ 20 ಟಿಶರ್ಟ್ ಸಿಗುತ್ತದೆ ಎಂದು ಬರೆದುಕೊಂಡಿದ್ದಾರೆ. ಮತ್ತೊಬ್ಬರು, ಇದಕ್ಕೆಲ್ಲ ತಲೆ ಕೆಡಿಸಿಕೊಳ್ಳಬೇಡಿ, ಲೋಕಲ್ ಮಾರ್ಕೆಟ್ನಲ್ಲಿ 300 ರೂಪಾಯಿ ಕೊಟ್ಟು ಖರೀದಿಸಿ ಎಂದು ಹೇಳಿದ್ದಾರೆ.
ಅಡಿಡಾಸ್ ಇಂಡಿಯಾ ಕಳೆದ ಶುಕ್ರವಾರ ಹೊಸ ಜೆರ್ಸಿಗಳನ್ನು ಅನಾವರಣಗೊಳಿಸಿತ್ತು. ಕ್ರೀಡಾ ಪರಿಕರಗಳ ಉತ್ಪನ್ನದ ದೈತ್ಯ ಸಂಸ್ಥೆಯಾಗಿರುವ ಅಡಿಡಾಸ್ 2023ರ ಮೇ ತಿಂಗಳಿಂದ ಆರಂಭಿಸಿ ಐದು ವರ್ಷಗಳ ಒಪ್ಪಂದವನ್ನು ಬಿಸಿಸಿಐ ಜತೆ ಮಾಡಿಕೊಂಡಿದೆ.
ಇದನ್ನೂ ಓದಿ : Team India Cricket: ಟೀಮ್ ಇಂಡಿಯಾ ಜೆರ್ಸಿಯಲ್ಲಿ ಕಾಣಿಸಿಕೊಳ್ಳಲಿದೆ ಅಡಿಡಾಸ್ ಲೋಗೊ; ಕಾರಣ ಏನು?
ಇದೊಂದು ಅಪ್ರತಿಮ ಕ್ಷಣ. ಅಪ್ರತಿಮ ಕ್ರೀಡಾಂಗಣ. ಹೊಸ ಟೀಮ್ ಇಂಡಿಯಾ ಜರ್ಸಿಗಳನ್ನು ಪರಿಚಯಿಸುತ್ತಿದ್ದೇವೆ ಎಂದು ಟಿ 20, ಏಕದಿನ ಮತ್ತು ಟೆಸ್ಟ್ ಕ್ರಿಕೆಟ್ನ ಜೆರ್ಸಿಗಳನ್ನು ಅನಾವರಣ ಮಾಡುವ ವೇಳೆ ಅಡಿಡಾಸ್ ಬರೆದುಕೊಂಡಿತ್ತು.
ಅಡಿಡಾಸ್ ಕಂಪನಿಯು ಟಿ20 ಮಾದರಿಯ ಕ್ರಿಕೆಟ್ಗೆ ಕಾಲರ್ ಇಲ್ಲದೆ ಗಾಢ ನೀಲಿ ಜೆರ್ಸಿಯನ್ನು ಬಿಡುಗಡೆ ಮಾಡಿದೆ. ಏಕದಿನ ತಂಡಕ್ಕಾಗಿ ಕಾಲರ್ ಹೊಂದಿರುವ ತಿಳಿ ನೀಲಿ ಜೆರ್ಸಿ ವಿನ್ಯಾಸ ಮಾಡಿದೆ. ಟೆಸ್ಟ್ ಕ್ರಿಕೆಟ್ಗಾಗಿ ಬಿಳಿ ಜರ್ಸಿ ಸಿದ್ಧಪಡಿಸಿದೆ.
ಉತ್ತಮ ಗುಣಮಟ್ಟದ ಉತ್ಪನ್ನಗಳೊಂದಿಗೆ ಕ್ರಿಕೆಟ್ ಜಗತ್ತಿಗೆ ಪ್ರವೇಶಿಸುವ ಕ್ಷಣ ಇದು. ಭಾರತದಲ್ಲಿ ಅತ್ಯಂತ ಪ್ರಸಿದ್ಧ ಕ್ರೀಡೆಯ ಮೂಲಕ ನಮ್ಮ ಗ್ರಾಹಕರೊಂದಿಗಿನ ಬಾಂಧವ್ಯ ವೃದ್ಧಿಗೆ ಎದುರು ನೋಡುತ್ತಿದ್ದೆವೆ. ಅಡಿಡಾಸ್ ಭಾರತದಲ್ಲಿ ಕ್ರಿಕೆಟ್ಗಿರುವ ಜನಪ್ರಿಯತೆ ಮೇಲೆ ನಂಬಿಕೆ ಇಟ್ಟಿದೆ. ಬಿಸಿಸಿಐ ಜತೆಗಿನ ಪಾಲುದಾರಿಕೆ ಮೂಲಕ ನಾವು ಬೆಳವಣಿಗೆಯನ್ನು ವೇಗಗೊಳಿಸಲಿದ್ದೇವೆ “ಎಂದು ಅಡಿಡಾಸ್ ಇಂಡಿಯಾದ ಜಿಎಂ ನೀಲೇಂದ್ರ ಸಿಂಗ್ ಹೇಳಿದ್ದಾರೆ.