ಮುಂಬಯಿ: ಬಾಲಿವುಡ್ ಬಾದ್ಷಾ ಶಾರುಖ್ ಖಾನ್ ಅಭಿನಯದ ಪಠಾಣ್ ಚಲನಚಿತ್ರ (Pathan Movie) ಬಾಕ್ಸ್ ಆಫೀಸ್ನಲ್ಲಿ ಚಿಂದಿ ಉಡಾಯಿಸುತ್ತಿದೆ. ಜಗತ್ತಿನಾದ್ಯಂತ ಶಾರುಖ್ ಖಾನ್ ಅಭಿನಯ ಹಾಗೂ ಬದ್ಧತೆಯ ಬಗ್ಗೆ ಹೊಗಳಿಕೆಗಳು ಕೇಳಿ ಬರುತ್ತಿವೆ. ಏತನ್ಮಧ್ಯೆ ಅಮೆರಿಕದ ಪತ್ರಕರ್ತರೊಬ್ಬರು ಶಾರುಖ್ ಖಾನ್ (ShaRukh Khan) ಅವರನ್ನು ಬಾಲಿವುಡ್ ನಟ ಟಾಮ್ ಕ್ರೂಸ್ಗೆ ಹೋಲಿಕೆ ಮಾಡಿದ್ದರು. ಇದು ಶಾರುಖ್ ಅಭಿಮಾನಿಗಳನ್ನೇ ಕೆರಳಿಸಿದ್ದು, ಹೋಲಿಕೆ ಸರಿಯಲ್ಲ ಎಂದು ಆ ಪತ್ರಕರ್ತನಿಗೆ ಬೆಂಡೆತ್ತಿದ್ದಾರೆ.‘
ಸ್ಕಾಟ್ ಮೆಂಡೆಲ್ಸನ್ ಎಂಬ ಪತ್ರಕರ್ತ ತಮ್ಮ ಸಿನಿಮಾ ಲೇಖನದಲ್ಲಿ ಶಾರುಖ್ ಖಾನ್ ಅವರ ಪಠಾಣ್ ಸಿನಿಮಾದ ಬಗ್ಗೆ ಬರೆದಿದ್ದಾರೆ. ಅದರಲ್ಲಿ ಭಾರತದ ಟಾಮ್ ಕ್ರೂಸ್ ಆಗಿರುವ ಶಾರುಖ್ ಖಾನ್ ಅವರು ಬಾಲಿವುಡ್ ಸಿನಿಮಾ ಕ್ಷೇತ್ರವನ್ನು ಪತನದ ಹಾದಿಯಿಂದ ಬಚಾವ್ ಮಾಡಿದ್ದಾರೆ ಎಂದು ಬರೆದುಕೊಂಡಿದ್ದಾರೆ. ಇದು ಖಾನ್ ಅಭಿಮಾನಿಗಳಿಗೆ ಹಿಡಿಸಿಲ್ಲ. ಶಾರುಖ್ ಅವರನ್ನು ಟಾಸ್ ಕ್ರೂಸ್ಗೆ ಹೋಲಿಕೆ ಮಾಡುವುದೇ ಅಗೌರವ ಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ : Pathaan Movie: ʻಪಠಾಣ್ʼ ಸಕ್ಸೆಸ್‌ ಬೆನ್ನಲ್ಲೇ ಇಬ್ಬರು ಸೂಪರ್‌ ಸ್ಟಾರ್ಸ್‌ ಬಾಲ್ಯದ ಫೋಟೊ ವೈರಲ್‌!
ಶಾರುಖ್ಗೆ ಇನ್ಯಾರೂ ಹೋಲಿಕೆಯಿಲ್ಲ. ಅವರು ಒನ್ ಆ್ಯಂಡ್ ಓನ್ಲಿ ಶಾರುಖ್ ಖಾನ್. ಅವರ ಚಲನಚಿತ್ರಕ್ಕಿಂತ ಮಿಗಿಲಾದ ವ್ಯಕ್ತಿ ಎಂಬುದಾಗಿ ನೆಟ್ಟಿಗರೊಬ್ಬರು ಬರೆದುಕೊಂಡಿದ್ದಾರೆ. ನಟನೆಯಲ್ಲಿ ಶಾರುಖ್ ಅವರನ್ನು ಮೀರಿಸುವವರು ಇನ್ಯಾರೂ ಇಲ್ಲ. ಅವರು ಎಲ್ಲ ಬಗೆಯಲ್ಲೂ ಅಪ್ರತಿಮ ನಟ. ಅವರ ಸಮೀಪ ಇನ್ಯಾರೂ ಇಲ್ಲ. ಹೀಗಾಗಿ ಹೋಲಿಕೆ ಮಾಡಬೇಡಿ ಎಂದು ಬರೆದುಕೊಂಡಿದ್ದಾರೆ.