ಕಲ್ಲಿಕೋಟೆ: ಭಾರತದಾದ್ಯಂತ ಟಿ20 ಕ್ರಿಕೆಟ್ ವಿಶ್ವ ಕಪ್ನ ಹವಾ ಇದ್ದರೆ ನೆರೆಯ ಕೇರಳ ರಾಜ್ಯದಲ್ಲಿ ಮಾತ್ರ ಫುಟ್ಬಾಲ್ ಜ್ವರ ಆರಂಭವಾಗಿದೆ. ಇದಕ್ಕೆ ಸಾಕ್ಷಿಯಾಗಿ ಫುಟ್ಬಾಲ್ ಲೆಜೆಂಡ್ಗಳಾದ ಲಿಯೋನಲ್ ಮೆಸ್ಸಿ ಮತ್ತು ನೇಮರ್ ಅವರ ಕಟೌಟ್ನ್ನು ಕೇರಳದ ಕಲ್ಲಿಕೋಟೆಯ ನದಿ ಮಧ್ಯದಲ್ಲಿ ಸ್ಥಾಪಿಸಲಾಗಿದೆ. ಈ ವಿಡಿಯೊ ಎಲ್ಲಡೆ ವೈರಲ್ ಆಗಿದೆ.
ಅರ್ಜೆಂಟೀನಾ ಫುಟ್ಬಾಲ್ ತಂಡದ ಕೇರಳ ಅಭಿಮಾನಿಗಳು ಲಿಯೋನೆಲ್ ಮೆಸ್ಸಿಯ 30 ಅಡಿ ಕಟೌಟ್ನ್ನು ನಿಲ್ಲಿಸಿದರೆ, ಇದಕ್ಕೆ ಪ್ರತಿಯಾಗಿ ಬ್ರೆಜಿಲ್ ಅಭಿಮಾನಿಗಳು ನೇಮರ್ ಜೂನಿಯರ್ ಕಟೌಟನ್ನು 35 ಅಡಿ ಎತ್ತರದಲ್ಲಿ ನಿಲ್ಲಿಸಿ ಟಕ್ಕರ್ ನೀಡಿದ್ದಾರೆ. ಒಟ್ಟಾರೆ ಕತಾರ್ನಲ್ಲಿ ನಡೆಯಲಿರುವ ಫಿಫಾ ಫುಟ್ಬಾಲ್ ವಿಶ್ವ ಕಪ್‌ಗೆ ಕ್ಷಣಗಣನೆ ಆರಂಭದ ಹೊತ್ತಲ್ಲೇ, ಇವೆರಡೂ ಫ್ಯಾನ್ಸ್ ವಾರ್ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಗಮನ ಸೆಳೆದಿವೆ. ಗಲ್ಲಿ ಗಲ್ಲಿಗಳಲ್ಲಿ ಅಭಿಮಾನಿಗಳು ತಮ್ಮ ನೆಚ್ಚಿನ ತಂಡದ ಜೆರ್ಸಿಗಳನ್ನು ತೊಟ್ಟು ಮೆರವಣಿಗೆ ಮಾಡಿ ಎಲ್ಲಡೆ ಗಮನ ಸೆಳೆದಿದ್ದಾರೆ. ಈ ವಿಡಿಯೊ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
ಇದನ್ನೂ ಓದಿ | Team India | ಮೆಲ್ಬೋರ್ನ್ ತಲುಪಿದ ರೋಹಿತ್ ಪಡೆ; ಶುಕ್ರವಾರದಿಂದ ಅಭ್ಯಾಸ ಆರಂಭ