ದೋಹಾ: ಲಿಯೊನಲ್ ಮೆಸ್ಸಿ ನೇತೃತ್ವದ ಅರ್ಜೆಂಟೀನಾ ತಂಡ ಫಿಫಾ ವಿಶ್ವ ಕಪ್(Fifa World Cup) ಫುಟ್ಬಾಲ್ ಟೂರ್ನಿಯ ನಾಕೌಟ್ ಹಂತ ತಲುಪಿದೆ. ಬುಧವಾರ ನಡೆದ “ಸಿ” ಗುಂಪಿನ ಕೊನೆಯ ಪಂದ್ಯದಲ್ಲಿ ಪೋಲೆಂಡ್ ವಿರುದ್ಧ 2-0 ಗೋಲುಗಳ ಜಯ ಸಾಧಿಸಿ ಈ ಸಾಧನೆ ಮಾಡಿತು. ಮುಂದಿನ 16ರ ಘಟ್ಟದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಸೆಣಸಲಿದೆ.
ಮೊದಲಾರ್ಧದಲ್ಲಿ ಉಭಯ ತಂಡಗಳಿಂದ ಸಮಬಲದ ಪ್ರದರ್ಶನ ಕಂಡುಬಂದಿತು. ಆದರೆ ಎರಡನೇ ಅವಧಿಯ ಆಟದಲ್ಲಿ ಒಂದು ನಿಮಿಷ ಬಾಕಿ ಇರುವಾಗ ಅರ್ಜೆಂಟೀನಾ ಮುನ್ನಡೆ ಗಳಿಸಿತು. ನಹೂಲ್ ಮೊಲಿನಾ ಅವರ ಅದ್ಭುತ ಪಾಸ್ವೊಂದರನ್ನು ಅಲಿಸ್ಟರ್ ಗೋಲಾಗಿ ಪರಿವರ್ತಿಸಿದರು. ಉಳಿದಂತೆ ಜ್ಯೂಲಿಯನ್ ಅಲ್ವೆರೆಝ್ ಅವರ ಗೋಲು ಗೆಲುವಿನ ಅಂತರವನ್ನು ಹೆಚ್ಚಿಸಿತು.
ಇದಕ್ಕೂ ಮುನ್ನ ವಿವಾದಾತ್ಮಕ ಪೆನಾಲ್ಟಿಯನ್ನು ಗೋಲಾಗಿ ಪರಿವರ್ತಿಸುವಲ್ಲಿ ಮೆಸ್ಸಿ ವಿಫಲವಾದದ್ದು ಅರ್ಜೆಂಟೀನಾ ಅಭಿಮಾನಿಗಳಿಗೆ ನಿರಾಸೆ ಉಂಟುಮಾಡಿತು. ಪೋಲೆಂಡ್ ಈ ಸೋಲಿನ ಹೊರತಾಗಿಯೂ ಗುಂಪಿನಲ್ಲಿ ಎರಡನೇ ಸ್ಥಾನ ಗಳಿಸಿ ನಾಕೌಟ್ ಪ್ರವೇಶ ಪಡೆದಿದೆ. ಮುಂದಿನ ಹಂತದಲ್ಲಿ ಹಾಲಿ ಚಾಂಪಿಯನ್ ಫ್ರಾನ್ಸ್ ತಂಡದ ವಿರುದ್ಧ ಅದೃಷ್ಟ ಪರೀಕ್ಷೆಗೆ ಇಳಿಯಲಿದೆ.
ಇದನ್ನೂ ಓದಿ | FIFA World Cup | ನೆದರ್ಲೆಂಡ್ಸ್‌, ಸೆನೆಗಲ್‌ ತಂಡಗಳಿಗೆ ಜಯ ನಾಕೌಟ್ ಸುತ್ತಿಗೆ ಪ್ರವೇಶ