ನವ ದೆಹಲಿ: ಭಾರತ ತಂಡದ ಮಾಜಿ ವೇಗದ ಬೌಲರ್ ಆಶೀಶ್‌ ನೆಹ್ರಾ ಬ್ರಿಟನ್‌ನ ಪ್ರಧಾನಿಯಾಗಿ ಆಯ್ಕೆಯಾಗಿದ್ದಾರಾ? ಹಾಗೆಂದು ಹೇಳಿ ಟ್ವಿಟರ್‌ನಲ್ಲಿ ಅವರಿಗೆ ಶುಭಾಶಯಗಳ ಸುರಿಮಳೆಯೇ ಹರಿದು ಬಂದಿದೆ. ಒಟ್ಟಿನಲ್ಲಿ ಸೋಮವಾರ ರಾತ್ರಿ ವೇಳೆಗೆ ರಾತ್ರಿ ಅವರು ಟ್ಟಿಟರ್ ಟ್ರೆಂಡ್‌ ಆಗಿದ್ದರು. ಹಾಗಾದರೆ ಅವರು ಅಷ್ಟೊಂದು ಟ್ರೆಂಡ್‌ ಆಗಲು ಕಾರಣವೇನು ಎಂದು ತಿಳಿದುಕೊಳ್ಳುವ ಕುತೂಹಲ ಖಂಡಿತವಾಗಿಯೂ ಇರುತ್ತದೆ.
ಸೋಮವಾರ ಭಾರತೀಯ ಸಂಜಾತ ರಿಷಿ ಸುನಕ್‌ ಅವರು ಬ್ರಿಟನ್ ಪ್ರಧಾನಿಯಾಗಿ ಆಯ್ಕೆಯಾಗಿದ್ದಾರೆ. ಮಾಜಿ ಬೌಲರ್ ಆಶೀಶ್‌ ನೆಹ್ರಾ ಅವರು ನೋಡುವುದಕ್ಕೆ ರಿಷಿ ಸುನಕ್‌ ರೀತಿಯಂತೆ ಇದ್ದಾರೆ. ಹೀಗಾಗಿ ನೆಟ್ಟಿಗರು ಬ್ರಿಟನ್ ಪ್ರಧಾನಿ ಎಂದು ಕರೆಯಲು ಶುರು ಮಾಡಿದ್ದಾರೆ. ಅವರಿಬ್ಬರು ಅಣ್ಣ- ತಮ್ಮಂದಿರಂತೆ ಇದ್ದಾರೆ ಎಂದೆಲ್ಲ ಬರೆದಿದ್ದಾರೆ.
ಟ್ರೆಂಡಿಂಗ್‌ನಲ್ಲಿ ನಾನಾ ರೀತಿಯ ಪೋಸ್ಟ್‌ಗಳನ್ನು ಕೂಡ ಹಾಕಲಾಗಿದೆ. ಲೆಜೆಂಡ್‌ ಕ್ರಿಕೆಟರ್‌, ಕಾಮೆಂಟೇಟರ್‌, ಕೋಚ್ ಈಗ ಬ್ರಿಟನ್ ಪ್ರಧಾನಿ ಎಂದೆಲ್ಲ ಬರೆದುಕೊಂಡಿದ್ದಾರೆ.
ಇನ್ನೊಬ್ಬರು ರಿಷಿ ಸುನಕ್‌ ಹಾಗೂ ಆಶೀಶ್‌ ನೆಹ್ರಾ ಅವರ ಚಿತ್ರವನ್ನು ಹಾಕಿ ಇವರಿಬ್ಬರು ಅಣ್ಣ ತಮ್ಮಂದಿರು. ಕುಂಭ ಮೇಳದಲ್ಲಿ ಕಳೆದು ಹೋದವರು ಎಂದು ಬರೆದುಕೊಂಡಿದ್ದಾರೆ.
ಇನ್ನೊಬ್ಬರು ರಿಷಿ ಸುನಕ್‌ ೨೦೦೩ರಲ್ಲಿ ಹೀಗಿದ್ದರು, ೨೦೨೨ರಲ್ಲಿ ಹೀಗಾದರು ಎಂದು ಬರೆದಿಕೊಂಡಿದ್ದಾರೆ.
ಇದನ್ನೂ ಓದಿ | Rishi Sunak | ರಿಷಿ ಸುನಕ್‌ ಎದುರು ಬೆಟ್ಟದಷ್ಟು ಸವಾಲು, ಇವುಗಳನ್ನು ಬಗೆಹರಿಸಬೇಕು ಮೊದಲು