ನವ ದಹೆಲಿ: ಫೆಬ್ರವರಿ 5ಂದು ನಿಧನ ಹೊಂದಿದ ಪಾಕಿಸ್ತಾನದ ಮಾಜಿ ಅಧ್ಯಕ್ಷ ಪರ್ವೇಜ್ ಮುಷರಫ್ (Pervez Musharraf) , ಭಾರತ ತಂಡದ ಮಾಜಿ ನಾಯಕ ಪರ್ವೇಜ್ ಮುಷರಫ್ ಅವರನ್ನೂ ಹೊಗಳಿದ್ದರು. ಭಾರತ ತಂಡ ಪಾಕಿಸ್ತಾನಕ್ಕೆ ಕೊನೇ ಬಾರಿ ಪ್ರವಾಸ ಮಾಡಿದ್ದ ವೇಳೆ ಈ ಘಟನೆ ನಡೆದಿತ್ತು. ಆ ಸರಣಿಯಲ್ಲಿ ಮುಕ್ತಾಯದ ಬಳಿಕ ಭಾರತ ತಂಡವನ್ನು ಅಭಿನಂದಿಸಿದ್ದ ಪರ್ವೇಜ್ ಅವರು ಧೋನಿಯನ್ನು ವಿಶೇಷವಾಗಿ ಹೊಗಳಿದ್ದರು.
2006ರಲ್ಲಿ ಭಾರತ ತಂಡ ಕೊನೇ ಬಾರಿ ದ್ವಿಪಕ್ಷೀಯ ಸರಣಿಗಾಗಿ ಪಾಕಿಸ್ತಾನಕ್ಕೆ ಪ್ರವಾಸ ಮಾಡಿತ್ತು. ಆ ಸರಣಿಯ ಕೊನೇ ಪಂದ್ಯದಲ್ಲಿ ಮಹೇಂದ್ರ ಸಿಂಗ್ ಧೋನಿ ಕೇವಲ 46 ಎಸೆತಗಳಲ್ಲಿ 72 ರನ್ ಬಾರಿಸಿದ್ದರು. ಪಂದ್ಯ ಮುಗಿದ ಬಳಿಕ ಭಾರತ ತಂಡವನ್ನು ಅಭಿನಂದಿಸುವ ವೇಳೆ ಧೋನಿಯ ಹೇರ್ಸ್ಟೈಲ್ ಹೊಗಳಿದ್ದರು. ಉದ್ದನೆಯ ಕೂದಲನ್ನು ಯಾವ ಕಾರಣಕ್ಕೂ ಕಟ್ ಮಾಡಬಾರದು ಎಂದು ಅವರು ಸಲಹೆ ಕೊಟ್ಟಿದ್ದರು.
ಮಹೇಂದ್ರ ಸಿಂಗ್ ಧೋನಿ ಭಾರತ ತಂಡಕ್ಕೆ ಪದಾರ್ಪಣೆ ಮಾಡಿದ್ದ ವೇಳೆ ಉದ್ದನೆಯ ಕೂದಲು ಬಿಟ್ಟಿದ್ದರು. ಆ ವೇಳೆ ಧೋನಿ ಹೇರ್ಸ್ಟೈಲ್ ಟ್ರೆಂಡ್ ಕೂಡ ಆಗಿತ್ತು. ಅಂತೆಯೇ ಪರ್ವೇಜ್ ಮುಷರಫ್ ಕೂಡ ಆ ಸ್ಟೈಲ್ ಮೆಚ್ಚಿ ಮಾತನಾಡಿದ್ದರು.
ಇದನ್ನೂ ಓದಿ : Kohli VS Babar | ಬಾಬರ್ ಅಜಮ್‌ಗಿಂತ ವಿರಾಟ್‌ ಹೇಗೆ ಶ್ರೇಷ್ಠ ಬ್ಯಾಟರ್‌? ಪಾಕ್ ಲೆಜೆಂಡ್‌ಗಳು ವಿವರಿಸಿದ್ದಾರೆ
ಭಾರತ ಹಾಗೂ ಪಾಕಿಸ್ತಾನ ತಂಡಗಳ ನಡುವೆ ಜಿದ್ದಾಜಿದ್ದಿನ ಪೈಪೋಟಿ ಇರುವ ಹೊರತಾಗಿಯೂ ಎರಡೂ ದೇಶಗಳ ನಡುವಿನ ದ್ವಿಪಕ್ಷೀಯ ಸರಣಿಗಳು ನಡೆಯುತ್ತಿಲ್ಲ. ಆದಾಗ್ಯೂ ಎರಡೂ ದೇಶಗಳ ಕ್ರಿಕೆಟರ್ಗಳಿಗೆ ಸಾಕಷ್ಟು ಅಭಿಮಾನಿಗಳಿದ್ದಾರೆ.