ಮುಂಬಯಿ: ಭಾರತ ತಂಡದ ಯುವ ಬ್ಯಾಟರ್ ಶುಭ್ಮನ್ ಗಿಲ್ ಕೌಶಲಭರಿತ ಕ್ರಿಕೆಟಿಗ ಎಂಬ ಕಾರಣಕ್ಕೆ ಆಗಾಗ ಸುದ್ದಿಯಲ್ಲಿರುತ್ತಾರೆ. ಇದೇ ವೇಳೆ ಅವರು ಡೇಟಿಂಗ್ ಕಾರಣಕ್ಕೂ ಸುದ್ದಿಯಲ್ಲಿರುತ್ತಾರೆ. ಸಚಿನ್ ತೆಂಡೂಲ್ಕರ್ ಪುತ್ರಿ ಸಾರಾ ತೆಂಡೂಲ್ಕರ್ ಜೊತೆ ಶುಬ್ಮನ್ ಡೇಟಿಂಗ್ ಮಾಡುತ್ತಿದ್ದಾರೆ ಎಂಬ ಸುದ್ದಿ ಆಗಾಗ ಮುನ್ನೆಲೆಗೆ ಬರುತ್ತಿರುತ್ತಾರೆ. ಆದರೆ, ಕಳೆದ ವರ್ಷ ಅವರು ಬಾಲಿವುಡ್ ನಟಿ ಸಾರಾ ಅಲಿ ಖಾನ್ ಅವರೊಂದಿಗೆ ಡಿನ್ನರ್ ಪಾರ್ಟಿಗಳಲ್ಲಿ ಕಾಣಿಸಿಕೊಳ್ಳುವ ಮೂಲಕವೂ ಸುದ್ದಿಗೆ ಗ್ರಾಸವಾಗಿದ್ದರು. ಇದೇ ವೇಳೆ ಅವರು ಎಲ್ಲರನ್ನೂ ಗೊಂದಲಕ್ಕೆ ಈಡುಮಾಡಿದ್ದರು. ಯಾವ ಸಾರಾ ಜತೆ ಅವರು ಡೇಟಿಂಗ್ ಮಾಡುತ್ತಿದ್ದಾರೆ ಎಂಬ ಅನುಮಾನಗಳು ಹುಟ್ಟಿಕೊಂಡಿದ್ದವು.
ಹಾಲಿ ಆವೃತ್ತಿಯ ಐಪಿಎಲ್ ಲೀಗ್ ಹಂತದ ತಮ್ಮ ಕೊನೇ ಎರಡು ಪಂದ್ಯಗಳಲ್ಲಿ ಸತತವಾಗಿ ಎರಡು ಶತಕ ಬಾರಿಸಿದ ಬಳಿಕ ಶುಭ್ಮನ್ ಗಿಲ್ ಮತ್ತೆ ಸುದ್ದಿಯಲ್ಲಿದ್ದಾರೆ. ಅವರ ಬಗ್ಗೆ ಕ್ರಿಕೆಟ್ ಕ್ಷೇತ್ರವೇ ಹೊಗಳುತ್ತಿದೆ. ಇವೆಲ್ಲದರ ನಡುವೆ ಗಿಲ್ ಅವರು ತಮ್ಮ ಡೇಟಿಂಗ್ ಕುರಿತು ಮಾತನಾಡಿದ್ದ ವಿಡಿಯೊವೊಂದು ವೈರಲ್ ಆಗುತ್ತಿದೆ. ಅದರಲ್ಲಿ ಅವರು ಬಾಲಿವುಡ್ನ ಅತ್ಯಂತ ಫಿಟ್ ಮಹಿಳೆಯೊಬ್ಬರ ಜತೆ ಡೇಟಿಂಗ್ ಮಾಡುತ್ತಿರುವುದಾಗಿ ಹೇಳಿಕೆ ಕೊಟ್ಟಿದ್ದಾರೆ. ಅವರ ಹೇಳಿಕೆ ಪ್ರಕಾರದ ಅದು ಸಾರಾ ಅಲಿಖಾನ್.
ನಿರೂಪಕ ಸೋನಮ್ ಬಜ್ವಾ ನಡೆಸಿಕೊಡುವ ಕಾರ್ಯಕ್ರಮದ ವಿಡಿಯೊ ಅದು. ಅದರಲ್ಲಿ ಗಿಲ್ಗೆ ನೀವು ‘ಸಾರಾ’ ಜೊತೆ ಡೇಟಿಂಗ್ ಮಾಡುತ್ತಿದ್ದೀರಾ ಎಂದು ಕೇಳಿದಾಗ, “ಇರಬಹುದು” ಎಂದು ಉತ್ತರಿಸಿದ್ದರು. ಈ ವೇಳೆ ಅವರು ಸತ್ಯ ಬಹಿರಂಗಪಡಿಸಲು ನಿರೂಪಕಿ ಕೇಳುತ್ತಾರೆ. ಆಗ ಗಿಲ್ “ಇರಬಹುದು, ಇಲ್ಲದಿರಬಹುದು ಎಂದು ಹೇಳುತ್ತಾರೆ. ಈ ಮೂಲಕ ಅವರು ತಮ್ಮ ಡೇಟಿಂಗ್ ವಿಷಯವನ್ನು ಪೂರ್ತಿಯಾಗಿ ಬಹಿರಂಗಪಡಿಸಿಲ್ಲ. ಈ ವಿಡಿಯೊಗೆ ಸಿಕ್ಕಾಪಟ್ಟೆ ಪ್ರಶ್ನೆಗಳು ಎದುರಾಗಿವೆ. ಸಾರಾ ಯಾರು, ಸಚಿನ್ ಮಗಳೇ, ಬಾಲಿವುಡ್ ನಟಿಯೇ ಎಂದು ಸಾಕಷ್ಟು ಮಂದಿ ಪ್ರಶ್ನಿಸಿದ್ದಾರೆ.
ಇದನ್ನೂ ಓದಿ ವ: Kartik Aaryan: 10 ದಿನಗಳ ಚಿತ್ರೀಕರಣಕ್ಕೆ 20 ಕೋಟಿ ರೂ. ಸಂಭಾವನೆ ಪಡೆದ ಕಾರ್ತಿಕ್ ಆರ್ಯನ್: ಕ್ಲಾರಿಟಿ ಕೊಟ್ಟ ನಟ!
ಸಾರಾ ಅಲಿ ಖಾನ್ ಮತ್ತು ಶುಭ್ಮನ್ ಕಳೆದ ವರ್ಷ ಆಗಸ್ಟ್ನಲ್ಲಿ ಒಟ್ಟಿಗೆ ಊಟ ಮಾಡುತ್ತಿರುವ ವೀಡಿಯೊ ವೈರಲ್ ಆಗಿತ್ತು. ಆ ಬಳಿಕ ವದಂತಿಗಳಿಗೆ ತಿರುವು ಸಿಕ್ಕಿತು. ಅದೇ ರೀತಿ ಅವರು ಜತೆಯಾಗಿ ವಿಮಾನದಲ್ಲಿ ಪ್ರಯಾಣ ಮಾಡುತ್ತಿರುವ ದೃಶ್ಯಗಳೂ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿತ್ತು.
ಸಾರಾ ಅಲಿಖಾನ್ ಶುಭ್ಮನ್ಗಿಂತ ಮೊದಲು ಸಿಂಬಾ ನಟ ಕಾರ್ತಿಕ್ ಆರ್ಯನ್ ಜತೆಗೂ ಡೇಟಿಂಗ್ ಮಾಡುತ್ತಿದ್ದರು ಎಂಬ ಸುದ್ದಿ ಹರಿದಾಡಿತ್ತು.