ಸಿಲ್‌ಹಟ್‌ : ಮಹಿಳೆಯರ ಏಷ್ಯಾ ಕಪ್‌ನ (Women’s Asia Cup) ಸೆಮಿ ಫೈನಲ್ ಪಂದ್ಯದಲ್ಲಿ ಶ್ರೀಲಂಕಾ ತಂಡ ಪಾಕಿಸ್ತಾನ ತಂಡದ ವಿರುದ್ಧ ಒಂದು ರನ್‌ನಿಂದ ರೋಚಕ ಜಯ ದಾಖಲಿಸಿದೆ. ಕೊನೇ ಓವರ್‌ನಲ್ಲಿ ಪಾಕಿಸ್ತಾನ ತಂಡಕ್ಕೆ ಗೆಲ್ಲಲು ೯ ರನ್‌ ಬೇಕಾಗಿತ್ತು. ಆದರೆ, ಲಂಕಾ ತಂಡ ಏಳು ರನ್‌ ಮಾತ್ರ ನೀಡಿ ಗೆಲುವು ಸಾಧಿಸಿತ್ತು. ಈ ವಿಜಯ ಆ ತಂಡದ ಆಟಗಾರ್ತಿಯರಿಗೆ ಭರ್ಜರಿ ಥ್ರಿಲ್‌ ಕೊಟ್ಟಿದೆ. ತಕ್ಷಣವೇ ಕುಣಿದು ಕುಪ್ಪಳಿಸುವ ಜತೆಗೆ ಎಲ್ಲವೂ ಮುಗಿದ ಬಳಿಕ ಹಾಡೊಂದಕ್ಕೆ ಗ್ರೂಪ್‌ ಡಾನ್ಸ್‌ ಕೂಡ ಮಾಡಿದ್ದಾರೆ.
ಫೈನಲ್‌ಗೇರಿರುವ ಲಂಕಾದ ವನಿತೆಯರ ಬಳಗ ಶನಿವಾರ ನಡೆಯಲಿರುವ ಫೈನಲ್ ಪಂದ್ಯದಲ್ಲಿ ಭಾರತ ತಂಡದ ವಿರುದ್ಧ ಸೆಣಸಾಡಲಿದೆ.
ಸಿಲ್‌ಹಟ್‌ ಸ್ಟೇಡಿಯಮ್‌ನಲ್ಲಿ ನಡೆದ ಸೆಮಿಫೈನಲ್‌ ಹಣಾಹಣಿಯಲ್ಲಿ ಟಾಸ್‌ ಗೆದ್ದು ಮೊದಲು ಬ್ಯಾಟ್‌ ಮಾಡಿದ ಲಂಕಾ ತಂಡ ನಿಗದಿತ ೨೦ ಓವರ್‌ಗಳಲ್ಲಿ ೬ ವಿಕೆಟ್‌ಗೆ ೧೨೨ ರನ್‌ ಬಾರಿಸಿತು. ಗುರಿ ಬೆನ್ನಟ್ಟಿದ ಪಾಕಿಸ್ತಾನ ಮಹಿಳೆಯರ ತಂಡ ೨೦ ಓವರ್‌ಗಳಲ್ಲಿ ೬ ವಿಕೆಟ್‌ ನಷ್ಟಕ್ಕೆ ೧೨೧ ರನ್‌ ಮಾತ್ರ ಗಳಿಸಲು ಶಕ್ತಗೊಂಡು ಸೋಲೊಪ್ಪಿಕೊಂಡಿತು.
ಇದನ್ನೂ ಓದಿ | Asia Cup | ಪಾಕಿಸ್ತಾನ ತಂಡವನ್ನು ಮಣಿಸಿದ ಆತಿಥೇಯ ಶ್ರೀಲಂಕಾ ತಂಡಕ್ಕೆ ಏಷ್ಯಾ ಕಪ್‌ ಚಾಂಪಿಯನ್‌ ಪಟ್ಟ