ಅಹಮದಾಬಾದ್: ಬಲಿಷ್ಠ ಬ್ಯಾಟಿಂಗ್ ಲೈನ್ ಹೊಂದಿರುವ, ಕಳೆದ ಮುಂಬೈ ವಿರುದ್ಧದ ಪಂದ್ಯದಲ್ಲಿ ರನ್ ಮಳೆಯನ್ನೇ ಹರಿಸಿ ಐಪಿಎಲ್ನಲ್ಲಿ ಗರಿಷ್ಠ ಮೊತ್ತ ಪೇರಿಸಿದ ದಾಖಲೆ ಬರೆದ ಸನ್ರೈಸರ್ಸ್ ಹೈದರಾಬಾದ್(Sunrisers Hyderabad) ತಂಡ ಇದೇ ಜೋಶ್ನಲ್ಲಿ ಮತ್ತೊಂದು ಪಂದ್ಯವನ್ನಾಡಲು ಸಜ್ಜಾಗಿ ನಿಂತಿದೆ. ಭಾನುವಾರ ನಡೆಯುವ ಐಪಿಎಲ್ನ(IPL 2024) ಡಬಲ್ ಹೆಡರ್ನ(GT vs SRH) ಹಗಲು ಪಂದ್ಯದಲ್ಲಿ ಗುಜರಾತ್ ಟೈಟಾನ್ಸ್(gujarat titans) ವಿರುದ್ಧ ಕಣಕ್ಕಿಳಿಯಲಿದೆ. ಈ ಪಂದ್ಯಕ್ಕೆ ನರೇಂದ್ರ ಮೋದಿ ಕ್ರಿಕೆಟ್ ಸ್ಟೇಡಿಯಂ ಅಣಿಯಾಗಿದೆ.
ಹೈದರಾಬಾದ್ಗೆ ಬ್ಯಾಟಿಂಗ್ ಬಲ
ಹೈದರಾಬಾದ್ ತಂಡದಲ್ಲಿ ಅನುಭವಿ ಬೌಲರ್ಗಳಿದ್ದರೂ ಕೂಡ ಕ್ಲಿಕ್ ಆದದ್ದು ಬ್ಯಾಟಿಂಗ್ ವಿಭಾಗ ಮಾತ್ರ. ಈಗಾಗಲೇ ತಂಡ ಆಡಿದ 2 ಪಂದ್ಯಗಳಲ್ಲಿಯೂ ಇದು ಸಾಬೀತಾಗಿದೆ. ಹೀಗಾಗಿ ಈ ಪಂದ್ಯಕ್ಕೂ ತಂಡ ಬ್ಯಾಟಿಂಗ್ ಬಲವನ್ನೇ ನೆಚ್ಚಿಕೊಂಡಿದೆ. ಕನ್ನಡಿಗ ಮಯಾಂಕ್ ಅಗರ್ವಾಲ್ ಮತ್ತು ವಿಶ್ವಕಪ್ ಹೀರೊ ಆಸ್ಟ್ರೇಲಿಯಾದ ಟ್ರಾವಿಸ್ ಹೆಡ್ ಸ್ಫೋಟಕ ಬ್ಯಾಟಿಂಗ್ ಮೂಲಕ ತಮಡಕ್ಕೆ ಉತ್ತಮ ಆರಂಭ ಒದಗಿಸಿದರೆ, ಆ ಬಳಿಕ ಅಭಿಷೇಕ್ ಶರ್ಮ, ಮಾರ್ಕ್ರಮ್ ಮತ್ತು ಹೆನ್ರಿಚ್ ಕ್ಲಾಸೆನ್ ಮಧ್ಯಮ ಕ್ರಮಾಂಕದಲ್ಲಿ ಜಿದ್ದಿಗೆ ಬಿದ್ದವರಂತೆ ಬ್ಯಾಟಿ ಬೇಸಿ ತಂಡದ ಬೃಹತ್ ಮೊತ್ತಕ್ಕೆ ನೆರವಾಗುತ್ತಿದ್ದಾರೆ. ಹೀಗಾಗಿ ಬ್ಯಾಟಿಂಗ್ ವಿಭಾಗದಲ್ಲಿ ಯಾವುದೇ ಕೊರತೆ ಇಲ್ಲ.
Only 𝗣𝗢𝗪𝗘𝗥-hitters in the frame, please! 📸🤩 pic.twitter.com/U9Hi6q9JpM
— SunRisers Hyderabad (@SunRisers) March 30, 2024
ಹೈದರಾಬಾದ್ಗೆ ಚಿಂತೆ ಇರುವುದು ಬೌಲಿಂಗ್ ವಿಭಾಗದಲ್ಲಿ. ಟಿ.ನಟರಾಜನ್, ಭುವನೇಶ್ವರ್ ಕುಮಾರ್, ನಾಯಕ ಪ್ಯಾಟ್ ಕಮಿನ್ಸ್, ಶಾಬಾಜ್ ಅಹ್ಮದ್, ಉನಾದ್ಕತ್ ಇವರೆಲ್ಲೆ ಆರಂಭಿಕ ಓವರ್ ಕಂಟ್ರೋಲ್ ಮಾಡಿದರೂ ಕೂಡ ಮುಂದಿನ ಓವರ್ಗಳಲ್ಲಿ ದುಬಾರಿಯಾಗಿ ಕಂಡುಬರುತ್ತಿದ್ದಾರೆ. ಹೀಗಾಗಿ ಗುಜರಾತ್ ವಿರುದ್ಧದ ಪಂದ್ಯದಲ್ಲಿ ಫಾರ್ಮ್ ಕಂಡುಕೊಳ್ಳಲೇ ಬೇಕಾದ ಅನಿವಾರ್ಯತೆ ಇವರ ಮುಂದಿದೆ. ಕೇವಲ ಬ್ಯಾಟಿಂಗ್ ಮಾತ್ರ ನಂಬಿ ಕುಳಿತರೆ ಆಗದು.
ಇದನ್ನೂ ಓದಿ IPL 2024: ಮುಂಬೈ ತಂಡಕ್ಕೆ ಮತ್ತಷ್ಟು ಚಿಂತೆ ಹೆಚ್ಚಿಸಿದ ಸೂರ್ಯಕುಮಾರ್ ಫಿಟ್‌ನೆಸ್‌
One day before Matchday 🤩
— SunRisers Hyderabad (@SunRisers) March 30, 2024
Here's all the unfiltered action from our training session ahead of it 🔥 pic.twitter.com/xXtAf618FB
ಗುಜರಾತ್ ಸಾಮಾನ್ಯ ತಂಡ
5 ಬಾರಿಯ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ತಂಡಕ್ಕೆ ಮೊದಲ ಪಂದ್ಯದಲ್ಲಿ ಸೋಲಿಣಿಸಿದರೂ ಕೂಡ ಗುಜರಾತ್ ಸಾಮಾನ್ಯ ತಂಡವಾಗಿದೆ. ಇಲ್ಲಿ ಸ್ಟಾರ್ ಆಟಗಾರರು ಹೆಚ್ಚಾಗಿ ಕಾಣಿಸಿಕೊಂಡಿಲ್ಲ. ಕಳೆದ ಆವೃತ್ತಿಯಲ್ಲಿ ಗರಿಷ್ಠ ಸ್ಕೋರರ್ ಆಗಿದ್ದ ಶುಭಮನ್ ಗಿಲ್ ತಂಡದ ನಾಯಕನಾದ ಬಳಿಕ ನಿರೀಕ್ಷಿತ ಪ್ರದರ್ಶನ ತೋರಿ ಬರುತ್ತಿಲ್ಲ. ಇದಕ್ಕೆ ನಾಯಕತ್ವದ ಒತ್ತಡವೂ ಕೂಡ ಕಾರಣವಾಗಿರಬಹುದು. ಬೌಲಿಂಗ್ನಲ್ಲಿ ಮೋಹಿತ್ ಶರ್ಮ ಹೊರತುಪಡಿಸಿ ಉಳಿದೆಲ್ಲರೂ ಸರಿಯಾಗಿ ದಂಡಿಸಿಕೊಳ್ಳುತ್ತಿದ್ದಾರೆ. ರಶೀದ್ ಖಾನ್ ಸ್ಪಿನ್ ಮ್ಯಾಜಿಕ್ ಕೂಡ ವರ್ಕ್ ಆಗುತ್ತಿಲ್ಲ. ಡೇವಿಡ್ ಮಿಲ್ಲರ್ ಒಂದೆರಡು ಬೌಂಡರಿಗಿ ಸೀಮಿತರಾಗಿದ್ದಾರೆ. ಹೀಗಾಗಿ ತಂಡದ ಮೇಲೆ ಹೆಚ್ಚಿನ ಭರವಸೆ ಇಡುವುದು ಕಷ್ಟ.
ಮುಖಾಮುಖಿ
ಉಭಯ ತಂಡಗಳ ಇದುವರೆಗಿನ ಮುಖಾಮುಖಿಯನ್ನು(Gt vs SRH Head To Head Records) ನೋಡುವಾಗ ಗುಜರಾತ್ ಬಲಿಷ್ಠವಾಗಿ ಗೋಚರಿಸಿದೆ. ಒಟ್ಟು ಮೂರು ಪಂದ್ಯ ಆಡಿ 2ರಲ್ಲಿ ಗೆದ್ದಿದೆ. ಹೈದರಾಬಾದ್ ಒಂದು ಪಂದ್ಯ ಮಾತ್ರ ಜಯಿಸಿದೆ. ಆದರೆ, ಅಂದು ಇದ್ದ ತಂಡಕ್ಕೂ ಈಗ ಇರುವ ತಂಡಕ್ಕೂ ಬಹಳ ವ್ಯತ್ಯಾಸವಿದೆ. ಹೈದರಾಬಾದ್ ಬಲಿಷ್ಠಗೊಂಡರೆ, ಗುಜರಾತ್ ದುರ್ಬಲಗೊಂಡಿದೆ.
#OrangeArmy 🤝 Titans FAM 🤩 pic.twitter.com/hpzl4nIbKB
— SunRisers Hyderabad (@SunRisers) March 29, 2024
ಸಂಭಾವ್ಯ ತಂಡ
ಗುಜರಾತ್: ಶುಭಮನ್ ಗಿಲ್ (ನಾಯಕ), ವೃದ್ಧಿಮಾನ್ ಸಹಾ (ವಿಕೆಟ್ ಕೀಪರ್), ಸಾಯಿ ಸುದರ್ಶನ್, ವಿಜಯ್ ಶಂಕರ್, ಡೇವಿಡ್ ಮಿಲ್ಲರ್, ಅಜ್ಮತುಲ್ಲಾ ಒಮರ್ಜಾಯ್, ರಾಹುಲ್ ತೆವಾಟಿಯಾ, ರಶೀದ್ ಖಾನ್, ಉಮೇಶ್ ಯಾದವ್, ಸಾಯಿ ಕಿಶೋರ್, ಸ್ಪೆನ್ಸರ್ ಜಾನ್ಸನ್.
ಹೈದರಾಬಾದ್: ಟ್ರಾವಿಸ್ ಹೆಡ್, ಮಯಾಂಕ್ ಅಗರ್ವಾಲ್, ಅಭಿಷೇಕ್ ಶರ್ಮಾ, ಐಡೆನ್ ಮಾರ್ಕ್ರಾಮ್, ಹೆನ್ರಿಚ್ ಕ್ಲಾಸೆನ್ (ವಿಕೆಟ್ ಕೀಪರ್), ಅಬ್ದುಲ್ ಸಮದ್, ಶಹಬಾಜ್ ಅಹ್ಮದ್, ಪ್ಯಾಟ್ ಕಮಿನ್ಸ್ (ನಾಯಕ), ಭುವನೇಶ್ವರ್ ಕುಮಾರ್, ಮಯಾಂಕ್ ಮಾರ್ಕಾಂಡೆ, ಜಯದೇವ್ ಉನದ್ಕತ್.