ಮುಂಬಯಿ: ಮುಂಬೈ ಇಂಡಿಯನ್ಸ್(mumbai indians) ತಂಡದ ನಾಯಕ ಹಾರ್ದಿಕ್ ಪಾಂಡ್ಯ(Hardik Pandya) ಅವರು ಗಾಯದ ಸಮಸ್ಯೆಯಿಂದ ಬಳಲುತ್ತಿದ್ದರೂ ಕೂಡ ಇದನ್ನು ಮರೆ ಮಾಚಿ ಐಪಿಎಲ್(IPL 2024) ಆಡುತ್ತಿದ್ದಾರೆ ಎನ್ನುವ ಚರ್ಚೆ ಕ್ರಿಕೆಟ್ ವಲಯದಲ್ಲಿ ಶುರುವಾಗಿದೆ. ಏಕದಿನ ವಿಶ್ವಕಪ್ ವೇಳೆ ಗಾಯಗೊಂಡಿದ್ದ ಪಾಂಡ್ಯ ಬಳಿಕ ಟೂರ್ನಿಯಿಂದ ಸಂಪೂರ್ಣವಾಗಿ ಹೊರಬಿದ್ದಿದ್ದರು. ಐಪಿಎಲ್ ಮೂಲಕ ಮತ್ತೆ ಕ್ರಿಕೆಟ್ ಕಮ್ಬ್ಯಾಕ್ ಮಾಡಿದ್ದ ಪಾಂಡ್ಯ ಇದೀಗ ಮತ್ತೆ ಗಾಯಗೊಂಡಿದ್ದಾರೆ ಎನ್ನಲಾಗಿದೆ.
ಹಾರ್ದಿಕ್ ಪಾಂಡ್ಯ ಗಾಯಗೊಂಡಂತೆ ಕಾಣುತ್ತಿದ್ದಾರೆ, ಆದರೆ ಅವರು ಗಾಯದ ವಿಷಯ ಮುಚ್ಚಿಡುತ್ತಿದ್ದಾರೆ ಎನಿಸುತ್ತಿದೆ ಎಂದು ನ್ಯೂಜಿಲ್ಯಾಂಡ್ ವೀಕ್ಷಕ ವಿವರಣೆಗಾರ ಸೈಮನ್ ಡೂಲ್ ಹೇಳಿದ್ದಾರೆ. ಪಾಂಡ್ಯ ಈ ಐಪಿಎಲ್‌ನ ಮೊದಲ ಪಂದ್ಯದಲ್ಲಿ 3 ಓವರ್ ಬೌಲ್ ಮಾಡಿದ್ದರು. 2ನೇ ಪಂದ್ಯದಲ್ಲಿ ಸಂಪೂರ್ಣ 4 ಓವರ್ ಕೋಟಾ ಪೂರ್ತಿಗೊಳಿಸಿದ್ದರು. ಆನಂತರ 2 ಪಂದ್ಯಗಳಲ್ಲಿ ಬೌಲಿಂಗ್ ಮಾಡದ ಅವರು, ಆರ್ಸಿಬಿ ವಿರುದ್ಧ ಕೇವಲ 1 ಓವರ್ ಎಸೆದಿದ್ದರು. ಗಾಯದ ಸಮಸ್ಯೆಯಿಂದ ಸಂಪೂರ್ಣವಾಗಿ ಚೇತರಿಕೆ ಕಾಣದ ಕಾರಣದಿಂದ ಅವರು ಬೌಲಿಂಗ್ ಮಾಡಿಲ್ಲ ಎಂದು ಕೆಲ ಕ್ರಿಕೆಟ್ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
ಪಾಂಡ್ಯ ಅವರು ಮೈದಾನದಲ್ಲಿ ನಡೆದಾಡುವ ವೇಳೆ ಬೆನ್ನು ನೋವಿನಿಂದ ಬಳಲುತ್ತಿರುವ ರೀತಿಯಲ್ಲಿ ನಡೆದಾಡಿದಂತೆ ಕಾಣಿಸುತ್ತದೆ. ಬಗ್ಗಿ ನಡೆಯುವುದನ್ನು ಕಳೆದ ಕೆಲವು ಪಂದ್ಯಗಳಲ್ಲಿ ನೋಡಿದ್ದೇವೆ. ಒಟ್ಟಾರೆ ಪಾಂಡ್ಯ ಗಾಯವನ್ನು ಮುಚ್ಚಿಚ್ಚು ಐಪಿಎಲ್ ಆಡುತ್ತಿದ್ದಾರಾ? ಎನ್ನುವ ಪ್ರಶ್ನೆಯೊಂದು ಹುಟ್ಟಿಕೊಂಡಿದೆ.
ಇಂದು ಚೆನ್ನೈ ವಿರುದ್ಧ ಕಣಕ್ಕೆ
ಹ್ಯಾಟ್ರಿಕ್ ಸೋಲಿನ ಬಳಿಕ ಎಚ್ಚೆತ್ತುಕೊಂಡ ಮುಂಬೈ ಇಂಡಿಯನ್ಸ್ ಇದೀಗ ಪಂದ್ಯದಿಂದ ಪಂದ್ಯಕ್ಕೆ ಬಲಿಷ್ಠಗೊಳ್ಳುತ್ತಾ ಶ್ರೇಷ್ಠ ಪ್ರದರ್ಶನವನ್ನು ತೋರುತ್ತಿದೆ. ಇಂದು ನಡೆಯುವ ಪಂದ್ಯದಲ್ಲಿ ಹಾಲಿ ಚಾಂಪಿಯನ್, ಬದ್ಧ ಎದುರಾಳಿ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ಕಣಕ್ಕಿಳಿಯಲಿದೆ. ಮುಂಬೈಗೆ ತವರಿನ ಪಂದ್ಯವಾದ ಕಾರಣ ಗೆಲ್ಲುವ ಅವಕಾಶ ಹೆಚ್ಚು.
𝗕𝗢𝗪 𝗗𝗢𝗪𝗡 𝗧𝗢 𝗧𝗛𝗘 𝗟𝗟𝗢𝗥𝗗 🙇#MIvCSK got us thinking of Polly's iconic knocks in this fixture 🥹💙#MumbaiMeriJaan #MumbaiIndians pic.twitter.com/aICsDiKSfn
— Mumbai Indians (@mipaltan) April 14, 2024
ಗಾಯದಿಂದ ಚೇತರಿಕೆ ಕಂಡು ತಂಡಕ್ಕೆ ಮರಳಿದ ಸೂರ್ಯಕುಮಾರ್ ಅವರಂತು ಪ್ರಚಂಡ ಫಾರ್ಮ್ನಲ್ಲಿದ್ದಾರೆ. ಆರಂಭಿಕರಾದ ರೋಹಿತ್ ಮತ್ತು ಇಶಾನ್ ಕೂಡ ಸದ್ಯ ಉತ್ತಮ ಲಯದಲ್ಲಿದ್ದಾರೆ. ಬೌಲಿಂಗ್ನಲ್ಲಿ ಜಸ್ಪ್ರೀತ್ ಬುಮ್ರಾ ಒಬ್ಬರೇ ತಮ್ಮ ಮೊನಚಾದ ಬೌಲಿಂಗ್ ಮೂಲಕ ಎದುರಾಳಿಗಳ ಕೋಟೆಯನ್ನು ಪುಡಿಮಾಡುವಲ್ಲಿ ಸಮರ್ಥರಿದ್ದಾರೆ. ಇದಕ್ಕೆ ಕಳೆದ ಆರ್ಸಿಬಿ ವಿರುದ್ಧದ ಪಂದ್ಯವೇ ಸಾಕ್ಷಿ.
ಇದನ್ನೂ ಓದಿ IPL 2024: ಕ್ರಿಕೆಟ್ ಅಭಿಮಾನಿಗಳಿಗೆ ಇಂದು ಭರ್ಜರಿ ರಸದೌತಣ; ಒಂದೇ ದಿನ 2 ಪಂದ್ಯ
💙 🤝 💛#MumbaiMeriJaan #MumbaiIndians pic.twitter.com/GELJLrI6BC
— Mumbai Indians (@mipaltan) April 13, 2024
ಚೆನ್ನೈ ಕೂಡ ಬ್ಯಾಟಿಂಗ್ ಮತ್ತು ಬೌಲಿಂಗ್ನಲ್ಲಿ ಬಲಿಷ್ಠವಾಗಿದೆ, ನಾಯಕ ಗಾಯಕ್ವಾಡ್ ಮತ್ತು ಅಜಿಂಕ್ಯಾ ರಹಾನೆ ಅವರು ಮುಂಬೈ ಅವರೇ ಆಗಿರುವ ಕಾರಣ ವಾಂಖೆಡೆ ಸ್ಟೇಡಿಯಂನಲ್ಲಿ ಆಡಿದ ಅನುಭವ ಇದ್ದೇ ಇದೆ. ಜತೆಗೆ ಶಾರ್ದೂಲ್ ಠಾಕೂರ್ಗೂ ತವರಿನ ಪಂದ್ಯ. ಹೀಗಾಗಿ ಈ ಮೂವರು ತವರಿನ ಲಾಭವೆತ್ತಬಹುದು. ರಚಿನ್ ರವೀಂದ್ರ, ಇಂಪ್ಯಾಕ್ಟ್ ಆಟಗಾರ ಶಿವಂ ದುಬೆ, ರಚಿನ್ ರವೀಂದ್ರ, ಜಡೇಜಾ ಮತ್ತು ಧೋನಿ ಕೂಡ ಅಂತಿಮ ಹಂತದಲ್ಲಿ ಬಿಗ್ ಹಿಟ್ಟಿಂಗ್ ಶಾಟ್ ಹೊಡೆಯುವ ಚಾಕಕ್ಯತೆ ಹೊಂದಿದ್ದಾರೆ. ಒಟ್ಟಾರೆ ಈ ಪಂದ್ಯವನ್ನು ಅಭಿಮಾನಿಗಳು ಹೈವೋಲ್ಟೇಜ್ ಎಂದು ನಿರೀಕ್ಷೆ ಮಾಡಿದ್ದಾರೆ.