ಬೆಂಗಳೂರು: ವಿಶ್ವ ಕಪ್ನ 23ನೇ ಪಂದ್ಯದಲ್ಲಿ (ICC World Cup 2023) ದಕ್ಷಿಣ ಆಫ್ರಿಕಾ ತಂಡ ಎದುರಾಳಿ ಬಾಂಗ್ಲಾದೇಶ ವಿರುದ್ಧ 149 ರನ್ಗಳ ಬೃಹತ್ ವಿಜಯ ದಾಖಲಿಸಿದೆ. ಇದು ಹರಿಣ ಪಡೆಗಳಿಗೆ ಹಾಲಿ ಆವೃತ್ತಿಯಲ್ಲಿ ಲಭಿಸಿದ ಮತ್ತೊಂದು ಬೃಹತ್ ವಿಜಯ. ಈ ಪಂದ್ಯದ ಫಲಿತಾಂಶದೊಂದಿಗೆ ಐಸಿಸಿ ವಿಶ್ವ ಕಪ್ ಅಂಕಪಟ್ಟಿಯಲ್ಲಿ ಬದಲಾವಣೆ ಆಗಿದೆ. ಮೂರನೇ ಸ್ಥಾನದಲ್ಲಿದ್ದ ದಕ್ಷಿಣ ಆಫ್ರಿಕಾ ತಂಡ 2ನೇ ಸ್ಥಾನಕ್ಕೆ ಬಡ್ತಿ ಪಡೆದುಕೊಂಡಿದೆ. ಇದೇ ವೇಳೆ 7ನೇ ಸ್ಥಾನದಲ್ಲಿದ್ದ ಬಾಂಗ್ಲಾದೇಶ ತಂಡ 10ನೇ ಸ್ಥಾನಕ್ಕೆ ಜಾರಿದೆ.
ದಕ್ಷಿಣ ಆಫ್ರಿಕಾ ತಂಡಕ್ಕೆ ಇದು ವಿಶ್ವ ಕಪ್ನ ನಾಲ್ಕನೇ ಗೆಲುವು. ನೆದರ್ಲ್ಯಾಂಡ್ಸ್ ಒಂದನ್ನು ಹೊರತುಪಡಿಸಿ, ಶ್ರೀಲಂಕಾ, ಆಸ್ಟ್ರೇಲಿಯಾ, ಇಂಗ್ಲೆಂಡ್ ಹಾಗೂ ಇದೀಗ ಬಾಂಗ್ಲಾ ವಿರುದ್ಧ ಗೆದ್ದಿದೆ. ಆಡಿರುವ ಐದು ಪಂದ್ಯಗಳಲ್ಲಿ ಒಂದರಲ್ಲಿ ಮಾತ್ರ ಸೋಲು ಮೂಲಕ ಒಟ್ಟು 8 ಅಂಕ ಸಂಪಾದಿಸಿದೆ. ಹೀಗಾಗಿ ಅಂಕಪಟ್ಟಿಯಲ್ಲಿ ಎರಡನೇ ಸ್ಥಾನವು ಸಿಕ್ಕಿದೆ. ಈ ವೇಳೆ ಅಷ್ಟೇ ಪಂದ್ಯಗಳಲ್ಲಿ ಅಷ್ಟೇ ಸೋಲು ಗೆಲುವಿನ ಲೆಕ್ಕಾಚಾರ ಹೊಂದಿರುವ ನ್ಯೂಜಿಲ್ಯಾಂಡ್ ತಂಡವನ್ನು ಹಿಂದಕ್ಕೆ ತಳ್ಳಿದೆ. ಅದಕ್ಕೆ ಕಾರಣ ನೆಟ್ರನ್ ರೇಟ್. ದಕ್ಷಿಣ ಆಫ್ರಿಕಾ ತಂಡದ ನೆಟ್ ರನ್ರೇಟ್ (2.370) ನ್ಯೂಜಿಲ್ಯಾಂಡ್ಗಿಂತ (1.481) ಅಧಿಕವಿರುವ ಅದು ಸುಲಭವಾಗಿ ಎರಡನೇ ಸ್ಥಾನ ಪಡೆದುಕೊಂಡಿದೆ. ಇನ್ನು ಎದುರಾಳಿ ಬಾಂಗ್ಲಾದೇಶ ಐದು ಪಂದ್ಯಗಳಲ್ಲಿ ಒಂದರಲ್ಲಿ ಮಾತ್ರ ಗೆದ್ದಿದ್ದು 2 ಅಂಕ ಪಡೆದುಕೊಂಡಿದೆ. ಜತೆಗೆ 2 ಅಂಕ ಗಳಿಸಿರುವ ಇತರ ತಂಡಗಳಿಗಿಂತ ಕನಿಷ್ಠ ನೆಟ್ರನ್ರೇಟ್ (-1.253) ಹೊಂದಿರುವ ಕಾರಣ 10 ಸ್ಥಾನಕ್ಕೆ ಜಾರುವಂತಾಗಿದೆ.
🇿🇦 THE PROTEAS SEAL VICTORY OVER BANGLADESH
— Proteas Men (@ProteasMenCSA) October 24, 2023
A dominant display from the Protea batters to set up a huge chase for the Tigers led by Quinton de Kock & Heinrich Klaasen 🤝🏏
The bowlers also demonstrated a disciplined line & length to bowl them out 🇧🇩#CWC23 #BePartOfIt pic.twitter.com/3cploSWrN9
ಪಟ್ಟಿಯಲ್ಲಿ ಐದರಲ್ಲಿ ಐದನ್ನೂ ಗೆದ್ದಿರುವ ಟೀಮ್ ಇಂಡಿಯಾ ಒಟ್ಟು 10 ಅಂಕಗಳೊಂದಿಗೆ ಮೊದಲ ಸ್ಥಾನ ಪಡೆದಿದೆ. ನಾಲ್ಕರಲ್ಲಿ ಎರಡು ಗೆಲವು ಹಾಗೂ ಅಷ್ಟೇ ಸೋಲು ಎದುರಿಸಿರುವ ಆಸ್ಟ್ರೇಲಿಯಾ ತಂಡದ ಖಾತೆಯಲ್ಲಿ 4 ಅಂಕಗಳಿದ್ದು -0.193 ನೆಟ್ ರನ್ರೇಟ್ನೊಂದಿಗೆ 4ನೇ ಸ್ಥಾನದಲ್ಲಿದೆ. ಐದು ಪಂದ್ಯಗಳಲ್ಲಿ ಎರಡನ್ನು ಮಾತ್ರ ಗೆದ್ದಿರುವ ಪಾಕ್ ತಂಡ 4 ಅಂಕವನ್ನೇ ಹೊಂದಿದೆ. ಆದರೆ, -0.400 ನೆಟ್ ರನ್ರೇಟ್ ಪಡೆದು 5ನೇ ಸ್ಥಾನಕ್ಕೆ ತೃಪ್ತಿ ಪಟ್ಟಿದೆ.
6ನೇ ಸ್ಥಾನ ಅಫಘಾನಿಸ್ತಾನ ತಂಡದ ಪಾಲಾಗಿದೆ. ಅದು ಆಡಿರುವ 5ರಲ್ಲಿ ಎರಡು ಗೆಲುವು ಕಂಡಿದೆ. ಖಾತೆಯಲ್ಲಿ 4 ಅಂಕಗಳಿವೆ. -0.969 ರನ್ ರೇಟ್ ಹೊಂದಿದೆ, ನೆದರ್ಲ್ಯಾಂಡ್ಸ್ ತಂಡ ಏಳನೇ ಕ್ರಮಾಂಕ ಹೊಂದಿದ್ದು, 4 (ಪಂದ್ಯ) 1 (ಗೆಲುವು) 3 (ಸೋಲು) 2 (ಅಂಕ) -0.790 (ರನ್ರೇಟ್), ಶ್ರೀಲಂಕಾ ತಂಡಕ್ಕಿಂತ (4ಪಂದ್ಯ, 1 ಜಯ, 3 ಸೋಲು, 2 ಅಂಕ, -1.048 ರನ್ರೇಟ್) ಮೇಲಿನ ಸ್ಥಾನದಲ್ಲಿದೆ. ಇಂಗ್ಲೆಂಡ್ ಈಗ ಆಡಿರುವ ನಾಲ್ಕು ಪಂದ್ಯಗಳಲ್ಲಿ ಏಕೈಕ ವಿಜಯ ಸಾಧಿಸಿದೆ. ಕೇವಲ 2 ಅಂಕ ಹಾಗೂ 2.212 ನೆಟ್ ರನ್ರೇಟ್ ಹೊಂದಿದೆ.
ಅಂಕಪಟ್ಟಿ ವಿವರ ಇಲ್ಲಿದೆ
| ತಂಡ | ಪಂದ್ಯ | ಗೆಲುವು | ಸೋಲು | ಅಂಕ | ನೆಟ್ ರನ್ರೇಟ್ |
| ಭಾರತ | 5 | 5 | 0 | 10 | 1.353 |
| ದಕ್ಷಿಣ ಆಫ್ರಿಕಾ | 5 | 4 | 1 | 8 | 2.370 |
| ನ್ಯೂಜಿಲ್ಯಾಂಡ್ | 5 | 4 | 1 | 8 | 1.481 |
| ಆಸ್ಟ್ರೇಲಿಯಾ | 4 | 2 | 2 | 4 | -0.193 |
| ಪಾಕಿಸ್ತಾನ | 5 | 2 | 3 | 4 | -0.400 |
| ಅಫಘಾನಿಸ್ತಾನ | 5 | 2 | 3 | 4 | -0.969 |
| ನೆದರ್ಲ್ಯಾಂಡ್ಸ್ | 4 | 1 | 3 | 2 | -0.790 |
| ಶ್ರೀಲಂಕಾ | 4 | 1 | 3 | 2 | -1.048 |
| ಇಂಗ್ಲೆಂಡ್ | 4 | 1 | 3 | 2 | -1.248 |
| ಬಾಂಗ್ಲಾದೇಶ | 5 | 1 | 4 | 2 | -1.253 |
ವಿಶ್ವ ಕಪ್ನ 24ನೇ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಮತ್ತು ನೆದರ್ಲ್ಯಾಂಡ್ಸ್ ತಂಡ ಸೆಣಸಾಡಲಿದೆ. ಅಕ್ಟೋಬರ್ 25ರಂದು ಈ ಪಂದ್ಯ ನಡೆಯಲಿದೆ. ಈ ಪಂದ್ಯದ ಬಳಿಕ ಅಂಕಪಟ್ಟಿಯಲ್ಲಿ ಮತ್ತಷ್ಟು ಬದಲಾವಣೆಯಾಗಲಿದೆ.