ಮುಂಬಯಿ: ಭಾರತದ ಅತಿ ದೊಡ್ಡ ದ್ವಿಚಕ್ರ ವಾಹನ ತಯಾರಿಕಾ ಕಂಪನಿಯಾಗಿರುವ ಹೀರೋ ಮೋಟೊಕಾರ್ಪ್ (Hero MotoCorp) ಹೊಚ್ಚ ಹೊಸ ಸೂಪರ್ ಸ್ಪ್ಲೆಂಡರ್ XTEC ಬೈಕ್ ಭಾರತದ ಮಾರುಕಟ್ಟೆಗೆ ಇಳಿಸಿದೆ. ಇದಲ್ಲಿ ಹಲವಾರು ವಿನ್ಯಾಸದ ಅಪ್ಡೇಟ್ಗಳನ್ನು ನೀಡುವ ಜತೆಗೆ ಕನೆಕ್ಟಿವಿಟಿ ಫೀಚರ್ಗಳನ್ನೂ ಕೊಟ್ಟಿದ್ದಾರೆ. ಡ್ರಮ್ ಬ್ರೇಕ್ ಹಾಗೂ ಡಿಸ್ಕ್ ಬ್ರೇಕ್ ಎಂಬ ಎರಡು ವೇರಿಯೆಂಟ್ಗಳಲ್ಲಿ ಈ ಬೈಕ್ ಲಭ್ಯವಿದ್ದು, ಅನುಕ್ರಮವಾಗಿ 83, 368 ರೂಪಾಯಿ ಹಾಗೂ 87, 268 ರೂಪಾಯಿ ಬೆಲೆ ನಿಗದಿ ಮಾಡಲಾಗಿದೆ.
ಯುವಕರನ್ನು ಸೆಳೆಯುವ ಉದ್ದೇಶದಿಂದ ಹೀರೋ ಮೋಟೋಕಾರ್ಪ್ ಸ್ಪ್ಲೆಂಡರ್ ಬೈಕ್ನಲ್ಲಿ ಕಾಸ್ಮೆಟಿಕ್ ಅಪ್ಡೇಟ್ಗಳನ್ನು ಮಾಡಿದ್ದಾರೆ. ಇದರೊಂದಿಗೆ 125 ಸಿಸಿ ಬೈಕ್ನ ಸೆಗ್ಮೆಂಟ್ಗೆ ಹೊಸ ಸೇರ್ಪಡೆ ಮಾಡಿದೆ.
ಹೊಸ ಸೂಪರ್ ಸ್ಪ್ಲೆಂಡರ್ XTEC ಬೈಕ್ನಲ್ಲಿ ಎಲ್ಇಡಿ ಹೆಡ್ಲೈಟ್ಗಳನ್ನು ನೀಡಲಾಗಿದೆ. ಡಿಜಿಟಲ್ ಸ್ಪೀಡೋಮೀಟರ್, ಲೋ ಫ್ಯುಯೆಲ್ ಇಂಡಿಕೇಟರ್, ಸರ್ವಿಸ್ ರಿಮೈಂಡರ್, ಮಾಲ್ಫಂಕ್ಷನ್ ಇಂಡಿಕೇಟರ್ ಫೀಚರ್ಗಳನ್ನು ನೀಡಲಾಗಿದೆ. ಬ್ಲೂಟೂಥ್ ಕನೆಕ್ಟಿವಿಟ್ ಅವಕಾಶವನ್ನು ನೀಡಲಾಗಿದ್ದು, ಕಾಲ್ ಮತ್ತು ಎಸ್ಎಮ್ಎಸ್ ಅಲರ್ಟ್ ಕೂಡ ಪಡೆಬಹುದು. ಅದೇ ರೀತಿ ಯುಎಸ್ಬಿ ಮೊಬೈಲ್ ಚಾರ್ಜಿಂಗ್ ಫೆಸಿಲಿಟಿಯನ್ನೂ ನೀಡಿದೆ. ಅದೇ ರೀತಿಯ ಸುರಕ್ಷತೆಯ ಫೀಚರ್ ಆಗಿರುವ ಸೈಡ್ ಸ್ಟಾಂಡ್ ಕಟ್ಆಫ್ ಫೀಚರ್ ಕೊಡಲಾಗಿದೆ.
ಎಂಜಿನ್ ಸಾಮರ್ಥ್ಯ ಏನು?
ಹೊಸ ಸೂಪರ್ ಸ್ಪ್ಲೆಂಡರ್ XTEC ಬೈಕ್ನಲ್ಲಿ 125 ಸಿಸಿಯ ಎಂಜಿನ್ ಬಿಎಸ್6 ಎಂಜಿನ್ ಇದ್ದು, ಲೀಟರ್ ಪೆಟ್ರೋಲ್ಗೆ 68 ಕಿಲೋಮೀಟರ್ ಮೈಲೇಜ್ ನೀಡಲಿದೆ. 7500 ಆರ್ಪಿಎಮ್ನಲ್ಲಿ 10,7 ಬಿಎಚ್ಪಿ ಪವರ್ ಹಾಗೂ 6 ಸಾವಿರ ಆರ್ಪಿಎಮ್ನಲ್ಲಿ 10.6 ಎನ್ಎಮ್ ಟಾರ್ಕ್ ಬಿಡುಗಡೆ ಮಾಡುತ್ತದೆ. ಇದರಲ್ಲಿ i3s ಸ್ಟಾರ್ಟ್ ಆ್ಯಂಡ್ ಸ್ಟಾಫ್ ಫೀಚರ್ ಕೂಡ ಇದೆ.
ಇದನ್ನೂ ಓದಿ : Philips Smart | ಭಾರತದಲ್ಲಿ ಫಿಲಿಪ್ಸ್ ಸ್ಮಾರ್ಟ್‌ ಎಲ್ಇಡಿ ಸ್ಕ್ವೈರ್, ಹೀರೋ ಲ್ಯಾಂಪ್ ಲಾಂಚ್
ಸೂಪರ್ ಸ್ಪ್ಲೆಂಡರ್ XTEC ಬೈಕ್ ಬಿಡುಗಡೆಯ ಕುರಿತು ಮಾತನಾಡಿದ ಹೀರೋ ಮೋಟೋಕಾರ್ಪ್ನ ಚೀಫ್ ಗ್ರೋಥ್ ಆಫೀಸರ್ ರಣ್ವಿಜಿತ್ ಸಿಂಗ್, ಸೂಪರ್ ಸ್ಪ್ಲೆಂಡರ್ XTEC 125 ಸಿಸಿ ಬೈಕ್ಗಳ ವರ್ಗದಲ್ಲಿ ಅಪ್ಡೇಟ್ ಆಗಿದೆ. ಈ ಬೈಕ್ ಗ್ರಾಹಕರಿಗೆ ಉತ್ತಮ ಪ್ರತಿಕ್ರಿಯೆ ಪಡೆಯುವುದರಲ್ಲಿ ಯಾವುದೇ ಅನುಮಾನ ಇಲ್ಲ ಎಂದು ಹೇಳಿದರು.