ನವದೆಹಲಿ: ಆಸ್ಟ್ರೇಲಿಯಾ ವಿರುದ್ಧದ 3 ಪಂದ್ಯಗಳ ಹಾಕಿ ಸರಣಿಗೆ 20 ಸದಸ್ಯರ ಭಾರತದ ಮಹಿಳಾ ತಂಡ ಪ್ರಕಟಗೊಂಡಿದೆ. ಅನುಭವಿ ಗೋಲ್ ಕೀಪರ್ ಸವಿತಾ ಪೂನಿಯಾ ಅವರು ನಾಯಕಿಯಾಗಿ ತಂಡಕ್ಕೆ ನೇಮಕಗೊಂಡಿದ್ದಾರೆ. ಸವಿತಾ ಅವರು ಈಗಾಗಲೇ ಹಲವು ಮಹತ್ವದ ಟೂರ್ನಿಯಲ್ಲಿ ತಂಡವನ್ನು ಮುನ್ನಡೆಸಿ ಯಶಸ್ಸು ಸಾಧಿಸಿದ್ದಾರೆ. ಇದೀಗ ಈ ಸರಣಿಯಲ್ಲಿಯೂ ಅವರು ಭಾರತಕ್ಕೆ ಗೆಲುವು ತಂದುಕೊಡುವ ನಿರೀಕ್ಷೆಯಲ್ಲಿದ್ದಾರೆ.
ಪ್ರತಿಷ್ಠಿತ ಏಷ್ಯನ್‌ ಗೇಮ್ಸ್‌ನ ಸಿದ್ಧತೆಗಾಗಿ ಭಾರತಕ್ಕೆ ಈ ಸರಣಿ ಮಹತ್ವದ್ದಾಗಿದೆ. ಉಭಯ ತಂಡಗಳ ಈ ಸರಣಿ ಮೇ 18, 20 ಹಾಗೂ 21ಕ್ಕೆ ನಡೆಯಲಿದೆ. ಇದರ ಜತೆಗೆ ಆಸ್ಟ್ರೇಲಿಯಾ ‘ಎ’ ತಂಡದ ಜತೆಗೆ 2 ಅಭ್ಯಾಸ ಪಂದ್ಯವನ್ನೂ ಭಾರತ ತಂಡ ಆಡಲಿಳಿದೆ. ಸರಣಿಯ ಮೂರೂ ಪಂದ್ಯಗಳನ್ನು ಅಡಿಲೇಡ್‌ನ‌ಲ್ಲಿ ಆಡಲಾಗುವುದು.
ರಾಣಿ ರಾಮ್ಪಾಲ್ ಅವರು ಇನ್ನೂ ಕೂಡ ಗಾಯದಿಂದ ಸಂಪೂರ್ಣವಾಗಿ ಚೇತರಿಕೆ ಕಾಣದ ಹಿನ್ನಡೆ ಅವರು ಈ ಸರಣಿಯಿಂದಲೂ ಹೊರಗುಳಿದಿದ್ದಾರೆ. ಟೊಕಿಯೊ ಒಲಿಂಪಿಕ್ಸ್ ಬಳಿಕ ರಾಣಿ ರಾಮ್ಪಾಲ್ ಭಾರತ ತಂಡದ ಪರ ಆಡಿಲ್ಲ. ಅವರ ಅನುಪಸ್ಥಿತಿಯಲ್ಲಿ ಈ ವರೆಗೆ ಸವಿತಾ ಅವರೇ ತಂಡವನ್ನು ಮುನ್ನಡೆಸುತ್ತಿದ್ದಾರೆ. ಸವಿತಾ ಇತ್ತೀಚೆಗಷ್ಟೇ 2022ನೇ ಸಾಲಿನ “ವರ್ಷದ ಆಟಗಾರ್ತಿ” ಗೌರವಕ್ಕೆ ಭಾಜನರಾಗಿದ್ದರು. ಹಾಗೂ ವೈವಾಹಿಕ ಜೀವನಕ್ಕೂ ಕಾಲಿರಿಸಿದ್ದರು.
ಇದನ್ನೂ ಓದಿ Hockey India: ಹಾಕಿ ಇಂಡಿಯಾಗೆ ಅತ್ಯುತ್ತಮ ಸಂಘಟಕ ರಾಷ್ಟ್ರ ಪ್ರಶಸ್ತಿ
ಭಾರತ ತಂಡ
ಗೋಲ್ ಕೀಪರ್: ಸವಿತಾ ಪೂನಿಯ (ನಾಯಕಿ), ಬಿಛೂ ದೇವಿ ಖಾರೀಬಮ್‌. ಡಿಫೆಂಡರ್: ದೀಪ್‌ ಗ್ರೇಸ್‌ ಎಕ್ಕಾ (ಉಪನಾಯಕಿ), ನಿಕ್ಕಿ ಪ್ರಧಾನ್‌, ಇಶಿಕಾ ಚೌಧರಿ, ಉದಿತಾ, ಗುರ್ಜಿತ್‌ ಕೌರ್‌. ಮಿಡ್‌ ಫೀಲ್ಡರ್: ನಿಶಾ, ನವಜೋತ್‌ ಕೌರ್‌, ಮೋನಿಕಾ, ಸಲೀಮಾ ಟೇಟೆ, ನೇಹಾ, ನವನೀತ್‌ ಕೌರ್‌, ಸೋನಿಕಾ, ಜ್ಯೋತಿ, ಬಲಜೀತ್‌ ಕೌರ್‌.