ಕೋಲ್ಕೊತಾ: ಭಾರತ ಮತ್ತು ಪಾಕಿಸ್ತಾನ(IND vs PAK) ತಂಡಗಳು ಈ ಬಾರಿ ವಿಶ್ವಕಪ್ ಟೂರ್ನಿಯ ಸೆಮಿಫೈನಲ್(world cup semi final 2023)ನಲ್ಲಿ ಮುಖಾಮುಖಿಯಾಗಬೇಕೆಂದು ಟೀಮ್ ಇಂಡಿಯಾದ ಮಾಜಿ ನಾಯಕ ಸೌರವ್ ಗಂಗೂಲಿ(Sourav Ganguly) ಅವರು ಬಯಕೆ ವ್ಯಕ್ತಪಡಿಸಿದ್ದಾರೆ.
“ವಿಶ್ವಕಪ್ ಕುರಿತ ಸ್ಪೋರ್ಟ್ಸ್ ತಕ್‌ ಕಾರ್ಯಕ್ರಮದಲ್ಲಿ ಮಾತನಾಡುವ ವೇಳೆ ಗಂಗೂಲಿ ಅವರು ಈ ಬಯಕೆ ವ್ಯಕ್ತಪಡಿಸಿದರು.” ಪಾಕಿಸ್ತಾನ ಸೆಮಿಫೈನಲ್ ತಲುಪಬೇಕು. ಅಲ್ಲದೆ ಭಾರತದ ವಿರುದ್ಧ ಆಡಬೇಕೆಂದು ನಾನು ಬಯಸುತ್ತೇನೆ. ಇತ್ತಂಡಗಳ ಮಧ್ಯೆ ನಡೆಯುವ ಸೆಮಿಫೈನಲ್ಗಿಂತ ದೊಡ್ಡ ಪಂದ್ಯ ಮತ್ತೊಂದಿಲ್ಲ. ನಡೆಯಲು ಸಾಧ್ಯವೂ ಇಲ್ಲ” ಎಂದು ಗಂಗೂಲಿ ಹೇಳಿದ್ದಾರೆ.
ಕೋಲ್ಕೊತಾದಲ್ಲಿ ಪಂದ್ಯ
ಭಾರತ ತಂಡದ ಸೆಮಿಫೈನಲ್ ತಾಣ ಈಗಾಗಲೇ ನಿಗದಿಯಾಗಿದೆ. ಆದರೆ ಎದುರಾಳಿ ಮಾತ್ರ ಇನ್ನಷ್ಟೆ ನಿಗದಿಯಾಗಬೇಕಿದೆ. ಮೂಲ ವೇಳಾಪಟ್ಟಿಯ ಪ್ರಕಾರ ಭಾರತ ವಾಂಖೆಡೆ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನವೆಂಬರ್ 15ರಂದು ಪಂದ್ಯ ಆಡಬೇಕಿದೆ. ಆದರೆ ಇದೀಗ ಪಾಕಿಸ್ತಾನ ತಂಡ ಎದುರಾದರೆ ಈ ಪಂದ್ಯದ ಸ್ಥಳ ಬದಲಾಗುವ ಸಾಧ್ಯತೆ ಅಧಿಕ ಎಂದು ವರದಿಯಾಗಿದೆ.
Kaun si team jayegi Semi final ma India ke khilaf
— Y O U S A F ♟ 🇵🇰❤️ (@MYOUSAF55030) November 8, 2023
PAK Vs IND semi final inshallah 🇵🇰💯
PAK 40% / NZ 50% / AFG 10% 👀@SushantNMehta @cricketworldcup pic.twitter.com/w873nr5HKC
ಒಂದೊಮ್ಮೆ ಭಾರತಕ್ಕೆ ಸೆಮಿಫೈನಲ್ನಲ್ಲಿ ಅಫ್ಘಾನಿಸ್ತಾನ ಅಥವಾ ನ್ಯೂಜಿಲ್ಯಾಂಡ್ ಎದುರಾಳಿಯಾದರೆ, ಆಗ ಭಾರತ ವಾಂಖೆಡೆ ಸ್ಟೇಡಿಯಂನಲ್ಲೇ ಪಂದ್ಯ ಆಡಲಿದೆ. ಪಾಕಿಸ್ತಾನ ಎದುರಾದರೆ ತಾಣವನ್ನು ಬದಲಿಸಿ ಭಾರತ ಈ ಪಂದ್ಯವನ್ನು ನವೆಂಬರ್ 16 ರಂದು ಕೋಲ್ಕತ್ತಾದ ಈಡನ್ ಗಾರ್ಡನ್ಸ್ ಮೈದಾನದಲ್ಲಿ ಆಡಲಿದೆ. 16ರಂದು ಈಡನ್ ಗಾರ್ಡನ್ಸ್ನಲ್ಲಿ ನಡೆಯಲಿದ್ದ ದಕ್ಷಿಣ ಆಫ್ರಿಕಾ ಮತ್ತು ಆಸ್ಟ್ರೇಲಿಯಾದ ಪಂದ್ಯ ನ.15ರಂದು ವಾಂಖೆಡೆಯಲ್ಲಿ ನಡೆಯುವ ಸಾಧ್ಯತೆ ಇದೆ ಎಂದು ವರದಿಯಾಗಿದೆ. ಗಂಗೂಲಿಯ ತವರು ಕೂಡ ಕೋಲ್ಕೊತಾ ಆದ ಕಾರಣದಿಂದ ಅವರು ಪಾಕಿಸ್ತಾನ ಮತ್ತು ಭಾರತ ಸೆಮಿಫೈನಲ್ ಪ್ರವೇಶಿಸ ಬೇಕು ಎಂದು ಮೇಲ್ನೋಟಕ್ಕೆ ಹೇಳಿದ ಹಾಗಿದೆ. ಏಕೆಂದರೆ ತವರಿನಲ್ಲೇ ಈ ಪಂದ್ಯವನ್ನು ಕಣ್ತುಂಬಿಕೊಳ್ಳಬಹುದು ಅಲ್ಲದೆ ಪಾಕ್ ಸೋಲನ್ನು ಇನ್ನೂ ಹೆಚ್ಚಾಗಿ ಸಂಭ್ರಮಿಸಬಹುದು.
ಇದನ್ನೂ ಓದಿ Virat Kohli : ಕೊಹ್ಲಿಯನ್ನು ಟೀಕಿಸಿದವರ ಬಾಯ್ಮುಚ್ಚಿಸಿದ ವೆಂಕಟೇಶ್ ಪ್ರಸಾದ್
ಈಗಾಗಲೇ ಮೂರು ತಂಡಗಳಾದ ಭಾರತ, ದಕ್ಷಿಣ ಆಫ್ರಿಕಾ ಮತ್ತು ಆಸ್ಟ್ರೇಲಿಯಾ ತಂಡಗಳು ಸೆಮಿಫೈನಲ್ ಪ್ರವೇಶಿಸಿದೆ. ಇನ್ನುಳಿದ ಒಂದು ಸ್ಥಾನಕ್ಕಾಗಿ ಮೂರು ತಂಡಗಳ ಮಧ್ಯೆ ತೀವ್ರ ಪೈಪೋಟಿ ಏರ್ಪಡ್ಡಿದೆ. ಈ ತಂಡಗಳೆಂದರೆ ನ್ಯೂಜಿಲ್ಯಾಂಡ್, ಪಾಕಿಸ್ತಾನ ಮತ್ತು ಅಫಘಾನಿಸ್ತಾ. ಮೂರು ತಂಡಗಳಿಗೂ ತಲಾ ಒಂದು ಪಂದ್ಯ ಮಾತ್ರ ಬಾಕಿ ಉಳಿದಿವೆ. ಗೆದ್ದರೆ ಸೆಮಿ ಟಿಕೆಟ್ ಸಿಗಬಹುದು ಸೋತರೆ ಟೂರ್ನಿಯಿಂದ ಹೊರಬೀಳಲಿದೆ.
I dont want Ind vs Pak in semi final at all ,I dont want another heart break , Ind would do anything to win that match . Anything pic.twitter.com/wQa5QlBCto
— Huzaifa khan (@HuzaifaKhan021) November 5, 2023
ಭದ್ರತಾ ಸಮಸ್ಯೆ
ಸೆಮಿಯಲ್ಲಿ ಭಾರತ ಮತ್ತು ಪಾಕಿಸ್ತಾನ ಎದುರಾದರೆ ಈ ಪಂದ್ಯದ ತಾಣವನ್ನು ಬದಲಿಸಲು ಪ್ರಮುಖ ಕಾರಣ ಭದ್ರತೆ. ಈ ಪಂದ್ಯ ಮುಂಬೈಯಲ್ಲಿ ನಡೆದರೆ ಅನಾಹುತ ಸಂಭವಿಸುವ ಸಾಧ್ಯತೆ ಇದೆ ಎಂದು ಗುಪ್ತಾಚಾರ ಇಲಾಖೆ ಮಾಹಿತಿ ನೀಡಿದೆ ಎಂದು ಮೂಲಗಳು ತಿಳಿಸಿವೆ. ಇದೇ ಕಾರಣಕ್ಕೆ ಪಂದ್ಯದ ತಾಣ ಬದಲಿಸಲು ನಿರ್ಧರಿಸುವ ಸಾಧ್ಯತೆ ಇದೆ ಎಂದು ವರದಿಯಾಗಿದೆ. 2008ರಲ್ಲಿ ಮುಂಬೈ ದಾಳಿಯಾಗಿತ್ತು. ಹೀಗಾಗಿ ಪಾಕ್ ಮತ್ತು ಭಾರತ ಮುಂಬೈನಲ್ಲಿ ಪಂದ್ಯ ಆಡಿದರೆ ಏನಾದರು ಗಲಭೆಗಳು ಸಂಭವಿಸುವ ಮುನ್ನೆಚ್ಚರಿಕೆಯೂ ಇಲ್ಲಿನ ಪೊಲೀಸರಿಗೆ ಇರುವ ಸಾಧ್ಯತೆ ಇದೆ. ಪಂದ್ಯದ ತಾಣವನ್ನು ಬದಲಿಸುವ ವಿಚಾರವಾಗಿ ಬಿಸಿಸಿಐ ಅಥವಾ ಐಸಿಸಿ ಯಾವುದೇ ಅಧಿಕೃತ ಮಾಹಿತಿ ನೀಡಿಲ್ಲ.
ಪಾಕಿಸ್ತಾನ ತಂಡ ಇಂಗ್ಲೆಂಡ್ ವಿರುದ್ಧ ಸೋತರೆ ಈ ಸಮಸ್ಯೆ ಎದುರಾಗದು. ಸೋಲು ಕಂಡ ಪಾಕಿಸ್ತಾನ ಆಗ ಟೂರ್ನಿಯಿಂದ ಹೊರಬೀಳುತ್ತದೆ. ಇಂದು(ಗುರುವಾರ) ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯುವ ನ್ಯೂಜಿಲ್ಯಾಂಡ್ ಮತ್ತು ಲಂಕಾ ವಿರುದ್ಧದ ಪಂದ್ಯದ ಫಲಿತಾಂಶವೂ ಕೂಡ ಪಾಕ್ ಸೆಮಿ ಲೆಕ್ಕಾಚಾರವನ್ನು ನಿರ್ಧರಿಸಲಿದೆ. ಒಂದೊಮ್ಮೆ ನ್ಯೂಜಿಲ್ಯಾಂಡ್ ಸೋತರೆ ಇದರ ಲಾಭ ಪಾಕಿಸ್ತಾನಕ್ಕೆ ಲಭಿಸಲಿದೆ.