ದುಬೈ: ಐಸಿಸಿ ನೂತನ ಏಕದಿನ ಬ್ಯಾಟಿಂಗ್ ಶ್ರೇಯಾಂಕದಲ್ಲಿ(ICC Odi Ranking) ಭಾರತ ಯುವ ಆರಂಭಿಕ ಆಟಗಾರ ಶುಭಮನ್ ಗಿಲ್(Shubman Gill) ಜೀವನ ಶ್ರೇಷ್ಠ 4ನೇ ಸ್ಥಾನ ಪಡೆದಿದ್ದಾರೆ. ಪಾಕಿಸ್ತಾನ ಕ್ರಿಕೆಟ್ ತಂಡದ ನಾಯಕ ಬಾಬರ್ ಅಜಂ(Babar Azam) ಅಗ್ರಸ್ಥಾನ ಪಡೆದಿದ್ದಾರೆ. ವಿರಾಟ್ ಕೊಹ್ಲಿ(Virat Kohli) ಅವರು 9ನೇ ಸ್ಥಾನದಲ್ಲಿ ಕಾಣಿಸಿಕೊಂಡಿದ್ದಾರೆ.
ಟಾಪ್ 5 ನಲ್ಲಿ ಮೂವರು ಪಾಕ್ ಆಟಗಾರರು
ಅಗ್ರ 5ರೊಳಗೆ ಪಾಕಿಸ್ತಾನದ ಆಡಗಾರರು ಕಾಣಿಸಿಕೊಂಡಿದ್ದಾರೆ. ಬಾಬರ್ ಅಗ್ರಸ್ಥಾನ ಪಡೆದರೆ ಇಮಾಮ್ ಉಲ್ ಹಕ್(752 ರೇಟಿಂಗ್ ಅಂಕ) ಮೂರನೇ ಸ್ಥಾನ ಮತ್ತು ಫಖಾರ್ ಜಮಾನ್(740 ರೇಟಿಂಗ್ ಅಂಕ)(Fakhar Zaman) 5ನೇ ಸ್ಥಾನ ಪಡೆದಿದ್ದಾರೆ. ನಾಲ್ಕನೇ ಸ್ಥಾನದಲ್ಲಿರುವ ಗಿಲ್ಗಿಂತ ಮೂರು ರೇಟಿಂಗ್ ಅಂಕ ಹಿಂದಿರುವ ಫಖಾರ್ ಜಮಾನ್ ಪ್ರಸಕ್ತ ಅಫಘಾನಿಸ್ತಾನ ವಿರುದ್ಧ ಸಾಗುತ್ತಿರುವ ಏಕದಿನ ಸರಣಿಯಲ್ಲಿ ಉತ್ತಮ ಪ್ರದರ್ಶನ ತೋರಿದರೆ ಗಿಲ್ ಅವರನ್ನು ಹಿಂದಿಕ್ಕಿ ಮೇಲಿನ ಸ್ಥಾನ ಪಡೆಯುವ ಅವಕಾಶವಿದೆ. ದಕ್ಷಿಣ ಆಫ್ರಿಕಾದ ರಸ್ಸಿ ವಾನ್‌ ಡರ್‌ ಡುಸೆನ್‌(777 ರೇಟಿಂಗ್ ಅಂಕ) ದ್ವಿತೀಯ ಸ್ಥಾನ ಪಡೆದಿದ್ದಾರೆ.
ಅಗ್ರ 10ರಲ್ಲಿ ಇಬ್ಬರೇ ಭಾರತೀಯರು
ಟಾಪ್ ಟೆನ್ ಪಟ್ಟಿಯಲ್ಲಿ ಶುಭಮನ್ ಗಿಲ್ ಮತ್ತು ವಿರಾಟ್ ಕೊಹ್ಲಿ ಇಬ್ಬರೇ ಸ್ಥಾನ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ವೆಸ್ಟ್ ಇಂಡೀಸ್ ವಿರುದ್ಧದ ಏಕದಿನ ಸರಣಿಯಲ್ಲಿ ಪಂದ್ಯವನ್ನಾಡುತ್ತಿದ್ದರೆ ಕೊಹ್ಲಿ ಟಾಪ್ 5 ಒಳಗಡೆ ಸ್ಥಾನ ಪಡೆಯುತ್ತಿದ್ದರು. ಸದ್ಯ ಅವರು 705 ರೇಟಿಂಗ್ ಅಂಕ ಹೊಂದಿದ್ದಾರೆ.
ಇದನ್ನೂ ಓದಿ ICC Odi Ranking: ಏಕದಿನ ಶ್ರೇಯಾಂಕದಲ್ಲಿ ಜೀವನ ಶ್ರೇಷ್ಠ ಪ್ರಗತಿ ಸಾಧಿಸಿದ ಶುಭಮನ್ ಗಿಲ್
ಸಿರಾಜ್ ಒಂದು ಸ್ಥಾನ ಕುಸಿತ
ವಿಕೆಟ್ ಟೇಕರ್ ಬೌಲರ್ ಮೊಹಮ್ಮದ್ ಸಿರಾಜ್ ಅವರು ಒಂದು ಸ್ಥಾನ ಕುಸಿತ ಕಂಡು 670 ರೇಟಿಂಗ್ ಅಂಕದೊಂದಿಗೆ 5ನೇ ಸ್ಥಾನ ಪಡೆದಿದ್ದಾರೆ. ವಿಂಡೀಸ್ ಏಕದಿನ ಸರಣಿಯಲ್ಲಿ ಶ್ರೇಷ್ಠ ಮಟ್ಟದ ಬೌಲಿಂಗ್ ಪ್ರದರ್ಶನ ತೋರಿದ ಚೈನಾಮನ್ ಖ್ಯಾತಿಯ ಬೌಲರ್ ಕುಲ್ದೀಪ್ ಯಾದವ್(622 ರೇಟಿಂಗ್ ಅಂಕ) 10ನೇ ಸ್ಥಾನದಲ್ಲಿ ಕಾಣಿಸಿಕೊಂಡಿದ್ದಾರೆ. ಆಸ್ಟ್ರೇಲಿಯಾದ ಜೋಶ್ ಹ್ಯಾಜಲ್ವುಡ್ ಅಗ್ರಸ್ಥಾನ ಪಡೆದಿದ್ದಾರೆ. ಆಲ್ ರೌಂಡರ್ಗಳ ಪಟ್ಟಿಯಲ್ಲಿ 10ರೊಳಗೆ ಯಾವುದೇ ಟೀಮ್ ಇಂಡಿಯಾ ಆಟಗಾರನು ಸ್ಥಾನ ಪಡೆದಿಲ್ಲ. ಬಾಂಗ್ಲಾದೇಶದ ಹಿರಿಯ ಆಟಗಾರ ಶಕೀಬ್ ಅಲ್ ಹಸನ್ 371 ರೇಟಿಂಗ್ ಅಂಕದೊಂದಿಗೆ ಅಗ್ರಸ್ಥಾನ ಅಲಂಕರಿಸಿದ್ದಾರೆ.
ಟಾಪ್ 10 ಆಟಗಾರರು
1 ಬಾಬರ್ ಅಜಂ (ಪಾಕಿಸ್ತಾನ)- 880 ರೇಟಿಂಗ್
2 ರಸ್ಸಿ ವಾನ್‌ ಡರ್‌ ಡುಸೆನ್‌ (ದಕ್ಷಿಣ ಆಫ್ರಿಕಾ)- 777 ರೇಟಿಂಗ್
3 ಇಮಾಮ್ ಉಲ್ ಹಕ್ (ಪಾಕಿಸ್ತಾನ)- 752 ರೇಟಿಂಗ್
4 ಶುಭಮನ್ ಗಿಲ್ (ಭಾರತ)- 743 ರೇಟಿಂಗ್
5 ಫಖಾರ್ ಜಮಾನ್ (ಪಾಕಿಸ್ತಾನ)- 740 ರೇಟಿಂಗ್
6 ಹ್ಯಾರಿ ಟೆಕ್ಟರ್ (ಐರ್ಲೆಂಡ್)- 726 ರೇಟಿಂಗ್
7 ಡೇವಿಡ್ ವಾರ್ನರ್ (ಆಸ್ಟ್ರೇಲಿಯಾ)- 726 ರೇಟಿಂಗ್
8 ಕ್ವಿಂಟನ್ ಡಿ ಕಾಕ್ (ದಕ್ಷಿಣ ಆಫ್ರಿಕಾ)- 718 ರೇಟಿಂಗ್
9 ವಿರಾಟ್ ಕೊಹ್ಲಿ (ಭಾರತ)- 705 ರೇಟಿಂಗ್
10 ಸ್ಟೀವನ್ ಸ್ಮಿತ್ (ಆಸ್ಟ್ರೇಲಿಯಾ)- 702 ರೇಟಿಂಗ್