ICC Test Rankings: ಬ್ಯಾಟಿಂಗ್​ ಶ್ರೇಯಾಂಕದಲ್ಲಿ ಅಗ್ರ 10ರೊಳಗೆ ಸ್ಥಾನ ಪಡೆದ ಜೈಸ್ವಾಲ್

ದುಬೈ: ಭಾರತದ ಯುವ ಆಟಗಾರ ಯಶಸ್ವಿ ಜೈಸ್ವಾಲ್(Yashasvi Jaiswal) ಅವರು ನೂತನ ಟೆಸ್ಟ್ ಬ್ಯಾಟರ್‌ಗಳ ಶ್ರೇಯಾಂಕದಲ್ಲಿ 2 ಸ್ಥಾನ ಪ್ರಗತಿ ಸಾಧಿಸಿ ಇದೇ ಮೊದಲ ಬಾರಿಗೆ ಜೀವನಶ್ರೇಷ್ಠ ಅಗ್ರ 10ರಲ್ಲಿ ಸ್ಥಾನ ಪಡೆದಿದ್ದಾರೆ. ಸದ್ಯ ಅವರು 727 ರೇಟಿಂಗ್​ ಅಂಕದೊಂದಿಗೆ 10ನೇ ಸ್ಥಾನ ಪಡೆದಿದ್ದಾರೆ. ಟೀಮ್​ ಇಂಡಿಯಾದ ನಾಯಕ ರೋಹಿತ್​ ಶರ್ಮ(rohit sharma) ಕೂಡ 2 ಸ್ಥಾನಗಳ ಏರಿಕೆ ಕಂಡು 720 ರೇಟಿಂಗ್​ ಅಂಕ ಪಡೆದು 12ನೇ ಸ್ಥಾನದಲ್ಲಿ ಕಾಣಸಿಕೊಂಡಿದ್ದಾರೆ.

ಪ್ರಸಕ್ತ ಸಾಗುತ್ತಿರುವ ಇಂಗ್ಲೆಂಡ್​ ವಿರುದ್ಧದ ಟೆಸ್ಟ್​ ಸರಣಿಯಲ್ಲಿ ಜೈಸ್ವಾಲ್​ 2 ದ್ವಿಶತಕ ಬಾರಿಸಿ ಮಿಂಚಿದ್ದಾರೆ. ಒಟ್ಟಾರೆಯಾಗಿ ಅವರು ಆಡಿರುವ ನಾಲ್ಕು ಟೆಸ್ಟ್​ನಿಂದ 655 ರನ್ ಗಳಿಸಿದ್ದಾರೆ. ಮಾರ್ಚ್ 7ರಿಂದ ಧರ್ಮಶಾಲಾದಲ್ಲಿ ಆರಂಭಗೊಳ್ಳಲಿರುವ ಅಂತಿಮ ಟೆಸ್ಟ್​ನಲ್ಲಿಯೂ ಜೈಸ್ವಾಲ್ ಉತ್ತಮ ರನ್​ ಕಲೆಹಾಕುವ ನಿರೀಕ್ಷೆಯಲ್ಲಿದ್ದಾರೆ

ನ್ಯೂಜಿಲ್ಯಾಂಡ್​ನ ಕೇನ್​ ವಿಲಿಯಮ್ಸನ್(870)​ ಅವರು ಈ ಹಿಂದಿನಂತೆ ಅಗ್ರಸ್ಥಾನದಲ್ಲೇ ಮುಂದುವರಿದಿದ್ದಾರೆ. ರಾಂಚಿ ಟೆಸ್ಟ್​ನಲ್ಲಿ ಶತಕ ಬಾರಿಸಿ 2 ಸ್ಥಾನಗಳ ಪ್ರಗತಿಯೊಂದಿಗೆ ಮೂರನೇ ಸ್ಥಾನಕ್ಕೇರಿದ್ದ ಜೋ ರೂಟ್(Joe Root) ಮತ್ತೆ ಒಂದು ಸ್ಥಾನಗಳ ಏರಿಕೆ ಕಂಡು 2ನೇ ಸ್ಥಾನಕ್ಕೇರಿದ್ದಾರೆ. 2ನೇ ಸ್ಥಾನದಲ್ಲಿದ್ದ ಆಸ್ಟ್ರೇಲಿಯಾದ ಸ್ಟೀವನ್​ ಸ್ಮಿತ್​ ಕುಸಿತ ಕಂಡು ಮೂರನೇ ಸ್ಥಾನ ಪಡೆದಿದ್ದಾರೆ.

​ವೈಯಕ್ತಿಕ ಕಾರಣ ನೀಡಿ ಟೆಸ್ಟ್​ ಸರಣಿಯಿಂದ ಹಿಂದೆ ಸರಿದ ಟೀಮ್​ ಇಂಡಿಯಾದ ಅನುಭವಿ ಬ್ಯಾಟರ್​ ವಿರಾಟ್ ಕೊಹ್ಲಿ ಕಳೆದ ವಾರ 2 ಸ್ಥಾನಗಳ ಕುಸಿತದೊಂದಿಗೆ 9ನೇ ಸ್ಥಾನ ಪಡೆದಿದ್ದರು. ಆದರೆ, ಇದೀಗ ನೂತನ ಶ್ರೇಯಾಂಕದಲ್ಲಿ 1 ಸ್ಥಾನ ಪ್ರಗತಿಯೊಂದಿಗೆ 8ಕ್ಕೇರಿದ್ದಾರೆ. ಕಾರು ಅಪಘಾತದಲ್ಲಿ ಗಾಯಗೊಂಡು ಸರಿ ಸುಮಾರು ಒಂದು ವರ್ಷಗಳಿಗಿಂತಲೂ ಕ್ರಿಕೆಟ್​ನಿಂದ ದೂರ ಉಳಿದಿರುವ ಟೀಮ್​ ಇಂಡಿಯಾದ ರಿಷಭ್​ ಪಂತ್​ 699 ರೇಟಿಂಗ್​ ಅಂಕದೊಂದಿಗೆ ಬ್ಯಾಟಿಂಗ್​ ಶ್ರೇಯಾಂಕದಲ್ಲಿ 14ನೇ ಸ್ಥಾನದಲ್ಲಿ ಕಾಣಿಸಿಕೊಂಡಿದ್ದಾರೆ.

ಇದನ್ನೂ ಓದಿ WPL 2024: ಅತೀ ವೇಗದ ಬೌಲಿಂಗ್‌ ಮೂಲಕ ದಾಖಲೆ ನಿರ್ಮಿಸಿದ ಮುಂಬೈ ಇಂಡಿಯನ್ಸ್‌ನ ಶಬ್ನಿಮ್ ಇಸ್ಮಾಯಿಲ್

See more

Yashasvi Jaiswal moves to No.10 position in the latest ICC Test Batting rankings.

Yashasvi for the first entred in Top 10 rankings – He's here to rule..!!! ⭐ pic.twitter.com/fSOTtfyVXa

— CricketMAN2 (@ImTanujSingh) March 6, 2024

ಆಲ್​ರೌಂಡರ್​ಗಳ ಪಟ್ಟಿಯಲ್ಲಿ ಯಾವುದೇ ದೊಡ್ಡ ಬದಲಾವಣೆ ಸಂಭವಿಸಿಲ್ಲ. ಕಳೆದ ಬಾರಿಯಂತೆಯೇ ರವಿಂದ್ರ ಜಡೇಜಾ ಅಗ್ರಸ್ಥಾನ, ಆರ್​.ಅಶ್ವಿನ್​ ದ್ವಿತೀಯ ಸ್ಥಾನದಲ್ಲೇ ಮುಂದುವರಿದಿದ್ದಾರೆ. ಬೌಲಿಂಗ್​ ಶ್ರೇಯಾಂಕದಲ್ಲಿ ಜಸ್​ಪ್ರೀತ್​ ಬುಮ್ರಾ 4ನೇ ಟೆಸ್ಟ್​ ಆಡದಿದ್ದರೂ ಕೂಡ ತಮ್ಮ ಅಗ್ರಸ್ಥಾನವನ್ನು ಉಳಿಸಿಕೊಂಡಿದ್ದಾರೆ. ಅಶ್ವಿನ್​ ದ್ವಿತೀಯ ಸ್ಥಾನ ಪಡೆದಿದ್ದಾರೆ. ಚೈನಾಮನ್​ ಖ್ಯಾತಿಯ ಸ್ಪಿನ್ನರ್​ ಕುಲ್​ದೀಪ್ ಯಾದವ್ 31ನೇ ಸ್ಥಾನಕ್ಕೇರಿದ್ದಾರೆ.​

ಟಾಪ್​ 5 ಬ್ಯಾಟರ್​ಗಳು

1. ಕೇನ್​ ವಿಲಿಯಮ್ಸನ್​- 870 ರೇಟಿಂಗ್ ಅಂಕ

2. ಜೋ ರೂಟ್​-799 ರೇಟಿಂಗ್​ ಅಂಕ

3. ಸ್ಟೀವನ್​ ಸ್ಮಿತ್​-789 ರೇಟಿಂಗ್​ ಅಂಕ

4. ಡ್ಯಾರಿಲ್​ ಮಿಚೆಲ್​-771 ರೇಟಿಂಗ್​ ಅಂಕ

5. ಬಾಬರ್​ ಅಜಂ-768 ರೇಟಿಂಗ್​ ಅಂಕ

ಟಾಪ್​ 5 ಬೌಲರ್​ಗಳು

1. ಜಸ್​ಪ್ರೀತ್​ ಬುಮ್ರಾ-867 ರೇಟಿಂಗ್​ ಅಂಕ

2. ರವಿಚಂದ್ರನ್​ ಅಶ್ವಿನ್​-846 ರೇಟಿಂಗ್​ ಅಂಕ

3. ಕಗಿಸೊ ರಬಾಡ-834 ರೇಟಿಂಗ್​ ಅಂಕ

4. ಜೋಶ್​ ಹ್ಯಾಜಲ್​ವುಡ್​-822 ರೇಟಿಂಗ್​ ಅಂಕ

5. ಪಾಟ್ ಕಮಿನ್ಸ್​-811 ರೇಟಿಂಗ್​ ಅಂಕ