ಹರಾರೆ: ಐಸಿಸಿ ಏಕದಿನ ವಿಶ್ವ ಕಪ್ ಕ್ವಾಲಿಫೈಯರ್(ICC World Cup Qualifiers) ಪಂದ್ಯ ಆಡುತ್ತಿದ್ದ ಅಮೆರಿಕ(USA) ತಂಡಕ್ಕೆ ಭಾರಿ ಹಿನ್ನಡೆಯಾಗಿದೆ. ಈಗಾಗಲೇ ಮೂರು ಪಂದ್ಯಗಳಲ್ಲಿ ಸೋಲು ಕಂಡಿರುವ ತಂಡಕ್ಕೆ ಆಘಾತವೊಂದು ಎದುರಾಗಿದೆ. ತಂಡದ ಸ್ಟಾರ್ ಬೌಲರ್ ಆಗಿದ್ದ ಕೈಲ್ ಫಿಲಿಪ್(Kyle Phillip) ಅವರನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್‌ನ ಬೌಲಿಂಗ್ನಿಂದ ಅಮಾನತುಗೊಳಿಸಲಾಗಿದೆ. ಹೀಗಾಗಿ ಅವರ ಬೌಲಿಂಗ್ ಸೇವೆಯನ್ನು ತಂಡ ಕಳೆದುಕೊಂಡಿದೆ.
ವಿಂಡೀಸ್ ವಿರುದ್ಧ ಆರಂಭಿಕ ಪಂದ್ಯದಲ್ಲಿ ಅಮೆರಿಕ ತಂಡ ಸೋಲು ಕಂಡರೂ ಈ ಪಂದ್ಯದಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದ ಫಿಲಿಪ್ ಅವರು 56 ರನ್ ನೀಡಿ ಪ್ರಮುಖ 3 ವಿಕೆಟ್ ಉರುಳಿಸಿದ್ದರು. ಪಂದ್ಯದ ಬಳಿಕ ಅವರ ಬೌಲಿಂಗ್ ತುಣುಕನ್ನು ಪರಿಶೀಲಿಸಿದ ಐಸಿಸಿ ಅವರು ಅಕ್ರಮ ಶೈಲಿಯ ಬೌಲಿಂಗ್ ನಡೆಸುತ್ತಿದ್ದಾರೆ ಎಂದು ಈ ಕ್ರಮವನ್ನು ಕೈಗೊಂಡಿದೆ.
The ICC’s Event Panel confirmed that USA pacer Kyle Phillip used an illegal bowling action during the game against West Indies.
— CricTracker (@Cricketracker) June 23, 2023
A huge blow for USA in the ongoing ICC World Cup qualifiers.#CricTracker #WorldCupQualifiers pic.twitter.com/1aK8D8ZBrA
“ಆಟದ ನಿಯಮಗಳ ಪ್ರಕಾರ 6.7 ನಿಯಮದ ಅಡಿ ಅವರನ್ನು ಅಮಾನತು ಮಾಡಲಾಗಿದೆ” ಹೀಗಾಗಿ ಅವರನ್ನು ತಕ್ಷಣವೇ ಅಂತಾರಾಷ್ಟ್ರೀಯ ಕ್ರಿಕೆಟ್‌ನ ಬೌಲಿಂಗ್ನಿಂದ ಅಮಾನತುಗೊಳಿಸಲಾಗಿದೆ. ಅವರ ಬೌಲಿಂಗ್ ಕ್ರಿಯೆಯನ್ನು ಮರು-ಪರೀಕ್ಷೆಗೆ ಒಳಪಡಿಸಿ ಕಾನೂನಾತ್ಮಕವಾಗಿ ಸರಿ ಇದೆ ಎಂದು ಒಪ್ಪಿಗೆ ಪಡೆದ ನಂತರವಷ್ಟೇ ಅವರಿಗೆ ಮತ್ತೆ ಬೌಲಿಂಗ್ ಮಾಡಲು ಅವಕಾಶ ನೀಡಲಾಗುತ್ತದೆ” ಎಂದು ಐಸಿಸಿ ಅಧಿಕೃತ ಪ್ರಕಟಣೆಯಲ್ಲಿ ತಿಳಿಸಿದೆ. ‘ಎ’ ಗುಂಪಿನಲ್ಲಿರುವ ಅಮೆರಿಕ ತಂಡ ಈಗಾಗಲೇ ಆಡಿದ ಮೂರು ಪಂದ್ಯಗಳಲ್ಲಿ ಸೋಲು ಕಂಡಿದೆ.
The USA's fast bowler has been suspended from bowling in international cricket.
— ICC (@ICC) June 23, 2023
Details ⬇️https://t.co/KXmJnsfq2Y
ವಿಶ್ವ ಕಪ್ ಅರ್ಹತಾ ಸುತ್ತಿನಲ್ಲಿ ಒಟ್ಟು ಹತ್ತು ತಂಡಗಳು ಭಾಗವಹಿಸುತ್ತಿದ್ದು, ಗೆದ್ದ ಮತ್ತು ರನ್ನರ್ ಅಪ್ ತಂಡ ವಿಶ್ವಕಪ್ ಸ್ಪರ್ಧೆಗೆ ಅರ್ಹತೆ ಪಡೆದುಕೊಳ್ಳಲಿದೆ. ಈ ಎರಡು ಸ್ಥಾನಗಳಿಗೆ ಶ್ರೀಲಂಕಾ, ವೆಸ್ಟ್ ಇಂಡೀಸ್, ಜಿಂಬಾಬ್ವೆ, ನೇಪಾಳ, ಯುಎಇ, ಯುಎಸ್ಎ, ನೆದರ್ಲ್ಯಾಂಡ್, ಐರ್ಲೆಂಡ್, ಸ್ಕಾಟ್ಲ್ಯಾಂಡ್ ಮತ್ತು ಒಮನ್ ತಂಡಗಳು ಸ್ಪರ್ಧಿಸುತ್ತಿವೆ.