ಲಂಡನ್: ಓವಲ್ನಲ್ಲಿ ನಡೆಯುತ್ತಿರುವ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ (ಡಬ್ಲ್ಯುಟಿಸಿ) ಫೈನಲ್ನ (WTC Final 2023) ಮೊದಲ ಇನ್ನಿಂಗ್ಸ್ನಲ್ಲಿ ಭಾರತ ತಂಡದ ಸ್ಟಾರ್ ವೇಗಿ ಮೊಹಮ್ಮದ್ ಸಿರಾಜ್ ಆಸ್ಟ್ರೇಲಿಯಾ ವಿರುದ್ಧ ಅದ್ಭುತ ಪ್ರದರ್ಶನ ನೀಡಿದ್ದಾರೆ. ವಿಶೇಷವೆಂದರೆ ಸಿರಾಜ್ 28.3 ಓವರ್ಗಳಲ್ಲಿ 108 ರನ್ ನೀಡಿ 4 ವಿಕೆಟ್ ಕಬಳಿಸಿದ್ದಾರೆ. ಇವೆಲ್ಲದರ ನಡುವೆ ಆಸ್ಟ್ರೇಲಿಯಾದ ಬ್ಯಾಟರ್ಗಳ ಜತೆ ಸತತವಾಗಿ ವಾಗ್ವಾದವನ್ನೂ ನಡೆಸಿದ್ದರು. ಅದರಲ್ಲೂ ಸ್ಟೀವ್ ಸ್ಮಿತ್ ಜತೆ ಮಾತಿನ ಚಕಮಕಿಯೇ ನಡೆಸಿದ್ದರು.
ಈ ರೀತಿ ಆಕ್ರಮಣಕಾರಿ ಬೌಲಿಂಗ್ ಮೂಲಕ ಮೊಹಮ್ಮದ್ ಸಿರಾಜ್ ಚರ್ಚೆಗೆ ಗ್ರಾಸವಾಗಿದ್ದರು. ತಮ್ಮ ಶೈಲಿಯ ಕುರಿತು ಮಾತನಾಡಿದ ಹೈದರಾಬಾದ್ ಮೂಲದ ಬೌಲರ್ ಆಕ್ರಮಣಶೀಲತೆ ತನ್ನ ಬೌಲಿಂಗ್ನ ಪ್ರಮುಖ ಭಾಗವಾಗಿದೆ ಎಂದು ಒಪ್ಪಿಕೊಂಡಿದ್ದಾರೆ. ಎದುರಾಳಿ ಬ್ಯಾಟರ್ಗಳನ್ನು ಕೆಕ್ಕರಿಸಿ ನೋಡಿ ವಿಕೆಟ್ ಕೀಳುವುದೇ ನನ್ನ ತಂತ್ರ ಎಂಬುದಾಗಿ ಹೇಳಿಕೊಂಡಿದ್ದಾರೆ. ಆಕ್ರಮಣಶೀಲತೆಯು ಮೈದಾನದಲ್ಲಿ ತನಗೆ ಅನುಕೂಲ ಮಾಡಿಕೊಟ್ಟಿದೆ ಎಂಬುದಾಗಿ ಬಲಗೈ ಬೌಲರ್ ಹೇಳಿಕೊಂಡಿದ್ದಾರೆ. ತಂಡದ ಪರವಾಗಿ ಉತ್ತಮ ಪ್ರದರ್ಶನ ನೀಡಲೂ ನೆರವಾಗಿದೆ ಎಂದಿದ್ದಾರೆ.
ITC fans right now#INDvsAUS #WTCFinal2023 #WTCFinal #Siraj #SteveSmith #ICCWTC2023 #MohammedSiraj #ind #viral pic.twitter.com/XiGtvKfEFk
— amjad Rajpot (@Princeb05578579) June 9, 2023
ನನ್ನ ಬೌಲಿಂಗ್ಗೆ ಆಕ್ರಮಣಶೀಲತೆ ಬಹಳ ಮುಖ್ಯ. ಟೆಸ್ಟ್ ಕ್ರಿಕೆಟ್ ಎಂದರೆ ಆಕ್ರಮಣಶೀಲತೆ ಎಂದೇ ನನ್ನ ನಂಬಿಕೆ. ಆಕ್ರಮಣಶೀಲತೆಯಿಂದಾಗಿ ನಾನು ಇತರರಿಗಿಂತ ಭಿನ್ನ ಹಾಗೂ ನಿಖರ ದಾಳಿ ನಡೆಸಲು ಸಾಧ್ಯವಾಗುತ್ತದೆ. ನಾನು ಹೆಚ್ಚು ಆಕ್ರಮಣಕಾರಿಯಾಗಿದ್ದಷ್ಟೂ ನಾನು ಹೆಚ್ಚು ಯಶಸ್ಸನ್ನು ಪಡೆಯುತ್ತೇನೆ ಎಂದು ಸಿರಾಜ್ ಐಸಿಸಿಗೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದಾರೆ.
ಇದನ್ನೂ ಓದಿ : Olympics : ಒಲಿಂಪಿಕ್ಸ್ ಸ್ಪರ್ಧೆಗಳ ಪಟ್ಟಿಗೆ ಕ್ರಿಕೆಟ್ ಸೇರ್ಪಡೆ? ನಡೆದಿದೆ ಭರ್ಜರಿ ಚರ್ಚೆ
ಆಸ್ಟ್ರೇಲಿಯಾ ವಿರುದ್ಧ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದ ನಂತರ ಮೊಹಮ್ಮದ್ ಸಿರಾಜ್ ಗಮನಾರ್ಹ ಪ್ರಭಾವ ಬೀರಿದ್ದಾರೆ. ಅವರ ಅಸಾಧಾರಣ ಬೌಲಿಂಗ್ ಕೌಶಲವು ಅವರನ್ನು ಭಾರತೀಯ ಕ್ರಿಕೆಟ್ ತಂಡದ ಪ್ರಮುಖ ಭಾಗವಾಗಿಸಿದೆ. ಸಿರಾಜ್ ಅವರ ಪರಾಕ್ರಮ ಮತ್ತು ಆಟದ ಮೇಲಿನ ಪ್ರೀತಿಯು ಅವರ ಬೌಲಿಂಗ್ ದಾಳಿಯಲ್ಲಿ ಎದ್ದು ಕಾಣುತ್ತದೆ. ದಿನದಿಂದ ದಿನಕ್ಕೆ ಅತ್ಯುತ್ತಮ ಬೌಲಿಂಗ್ ದಾಳಿ ಸಂಘಟಿಸಿ ಗಮನ ಸೆಳೆಯುತ್ತಿದ್ದಾರೆ.
ಟೆನಿಸ್ ಬಾಲ್ ಕ್ರಿಕೆಟ್ ಆಡುತ್ತಿದ್ದೆ: ಸಿರಾಜ್
ಟೆಸ್ಟ್ ಮ್ಯಾಚ್ ಕ್ರಿಕೆಟ್ ಬಗ್ಗೆ ಚರ್ಚಿಸುವುದರ ಹೊರತಾಗಿ, ಮೊಹಮ್ಮದ್ ಸಿರಾಜ್ ಅವರು ಕ್ರಿಕೆಟ್ನಲ್ಲಿ ತಮ್ಮ ಆರಂಭಿಕ ದಿನಗಳನ್ನು ಸಹ ಬಹಿರಂಗಪಡಿಸಿದ್ದಾರೆ. ತಾನು ಸಾಕಷ್ಟು ಟೆನಿಸ್ ಬಾಲ್ ಕ್ರಿಕೆಟ್ ಆಡುತ್ತಿದ್ದೆ. ಭಾರತವನ್ನು ದೊಡ್ಡ ಮಟ್ಟದಲ್ಲಿ ಪ್ರತಿನಿಧಿಸುವ ಬಗ್ಗೆ ಎಂದಿಗೂ ಯೋಚಿಸಲಿಲ್ಲ ಎಂದು ಬಲಗೈ ವೇಗಿ ಬಹಿರಂಗಪಡಿಸಿದ್ದಾರೆ. ಇದಲ್ಲದೆ, ಟೆಸ್ಟ್ ಪಂದ್ಯದ ಕ್ರಿಕೆಟ್ ತಮ್ಮ ಚೊಚ್ಚಲ ಪಂದ್ಯವನ್ನು ನೆನಪಿಸಿಕೊಂಡಿದ್ದಾರೆ ಸಿರಾಜ್. ಇದೇ ವೇಳೆ ಅವರು ತಮ್ಮ ತಂದೆಯನ್ನು ನೆನಪಿಸಿಕೊಂಡರು. ನನ್ನ ತಂದೆ ನಮ್ಮ ಬಗ್ಗೆ ಹೆಮ್ಮೆಪಡುತ್ತಿದ್ದರು ಎಂದು ಹೇಳಿದರು.
ನಾನು ಸಾಕಷ್ಟು ಟೆನಿಸ್ ಬಾಲ್ ಕ್ರಿಕೆಟ್ ಆಡಿದ್ದೇನೆ. ನಾನು ಭಾರತೀಯ ಆಟಗಾರನಾಗಬಹುದೆಂದು ನಾನು ಎಂದಿಗೂ ಭಾವಿಸಿರಲಿಲ್ಲ. ಆದರೆ ಆ ಪಂದ್ಯಗಳಲ್ಲಿ ನಾನು ನೂರಕ್ಕೆ ನೂರರಷ್ಟು ಶ್ರಮ ಹಾಕುತ್ತಿದ್ದೆ. ಆಸ್ಟ್ರೇಲಿಯಾ ವಿರುದ್ಧದ ಮೆಲ್ಬೋರ್ನ್ ಟೆಸ್ಟ್ನಲ್ಲಿ ಆಡುವ ಅವಕಾಶ ಸಿಕ್ಕಿತು. ನನ್ನ ತಂದೆ ಇನ್ನೂ ಇದ್ದಿದ್ದರೆ ನನ್ನ ಬಗ್ಗೆ ಹೆಮ್ಮೆಪಡುತ್ತಿದ್ದರು. ಏಕೆಂದರೆ ಟೆಸ್ಟ್ ಆಡುವುದು ಗೌರವ ಮತ್ತು ಗೌರವದ ವಿಷಯವಾಗಿದೆ ಎಂದು ಸಿರಾಜ್ ಹೇಳಿದರು.