ನವದೆಹಲಿ: ಆತಿಥೇಯ ಭಾರತ(IND VS AUS) ವಿರುದ್ಧದ ದ್ವಿತಿಯ ಟೆಸ್ಟ್ ಪಂದ್ಯದಲ್ಲಿ ಆಸ್ಟ್ರೇಲಿಯಾ ತಂಡ 6 ವಿಕೆಟ್ಗಳ ಸೋಲು ಕಂಡಿದೆ. ಸೋಲಿನ ಹೊರತಾಗಿಯೂ ಆಸೀಸ್ ಆಟಗಾರರು ಟೀಮ್ ಇಂಡಿಯಾದ ಆಟಗಾರ ಚೇತೇಶ್ವರ್‌ ಪೂಜಾರ(cheteshwar pujara) ಅವರಿಗೆ ಸ್ಮರಣೀಯ ಉಡುಗೊರೆಯೊಂದನ್ನು ನೀಡಿದ್ದಾರೆ.
ಅರಣ್ ಜೇಟ್ಲಿ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಟೆಸ್ಟ್ ಪಂದ್ಯ ಚೇತೇಶ್ವರ ಪೂಜಾರ ಅವರಿಗೆ ಟೆಸ್ಟ್ ವೃತ್ತಿಜೀವನದ ನೂರನೇ ಪಂದ್ಯವಾಗಿತ್ತು. ಪಂದ್ಯ ಆರಂಭಕ್ಕೂ ಮುನ್ನ ಸುನೀಲ್ ಗವಾಸ್ಕರ್ ವಿಶೇಷ ಟೆಸ್ಟ್ ಕ್ಯಾಪ್ ನೀಡಿ ಗೌರವಿಸಿದ್ದರು. ಜತೆಗೆ ಟೀಮ್ ಇಂಡಿಯಾದ ಆಟಗಾರರು ಗಾರ್ಡ್ ಆಫ್ ಅನರ್ ಮೂಲಕ ಮೈದಾನಕ್ಕೆ ಬರ ಮಾಡಿಕೊಂಡಿದ್ದರು. ಭಾನುವಾರ ಆಸೀಸ್ ಆಟಗಾರರೂ ಕೂಡ ಪೂಜಾರ ಅವರಿಗೆ ವಿಶೇಷ ಉಡುಗೊರೆ ನೀಡಿ ಗೌರವಿಸಿದರು.
ಇದನ್ನೂ ಓದಿ IND VS AUS: ಆಸೀಸ್ ವಿರುದ್ಧ ಭಾರತಕ್ಕೆ 6 ವಿಕೆಟ್ ಗೆಲುವು; ಸರಣಿಯಲ್ಲಿ 2-0 ಮುನ್ನಡೆ
ಆಸ್ಟ್ರೇಲಿಯಾ ತಂಡದ ಜೆರ್ಸಿಗೆ ಎಲ್ಲ ಆಟಗಾರರು ತಮ್ಮ ಹಸ್ತಾಕ್ಷರವನ್ನು ಹಾಕಿ ಪೂಜಾರ ಅವರಿಗೆ ನೀಡಿದ್ದಾರೆ. ಆಸೀಸ್ ನಾಯಕ ಪ್ಯಾಟ್ ಕಮಿನ್ಸ್ ಅವರು ಪೂಜಾರ ಅವರಿಗೆ ಜೆರ್ಸಿಯನ್ನು ನೀಡಿರುವ ಫೋಟೊವನ್ನು ಬಿಸಿಸಿಐ ಟ್ವಿಟರ್ನಲ್ಲಿ ಹಂಚಿಕೊಂಡಿದ್ದು ಇದು ನಿಜವಾದ ಕ್ರಿಕೆಟ್ ಸ್ಫೂರ್ತಿ ಎಂದು ಬರೆದುಕೊಂಡಿದೆ.