ಇಂದೋರ್: ಪ್ರವಾಸಿ ಆಸ್ಟ್ರೇಲಿಯಾ(IND VS AUS) ಹಾಗೂ ಭಾರತ ತಂಡಗಳ ನಡುವೆ ಇಂದೋರ್ನಲ್ಲಿ ನಡೆದ ಮೂರನೇ ಟೆಸ್ಟ್ ಪಂದ್ಯ ಕೇವಲ ಎರಡೂವರೆ ದಿನಕ್ಕೆ ಮುಕ್ತಾಯ ಕಂಡಿದೆ. ಇದೀಗ ಇಂದೋರ್ ಪಿಚ್ಗೆ(Indore pitch) ಐಸಿಸಿ(ICC) ಕಳಪೆ ರೇಟಿಂಗ್ಸ್ ಕೊಟ್ಟಿದೆ.
ಇಂದೋರ್ನ ಪಿಚ್ ತುಂಬಾ ಡ್ರೈ ಆಗಿತ್ತು. ಇದು ಸ್ಪರ್ಧಾತ್ಮಕ ಪಿಚ್ ಆಗಿರಲಿಲ್ಲ. ಬ್ಯಾಟಿಂಗ್ ಮತ್ತು ಬೌಲಿಂಗ್ಗೆ ಇದು ಸೂಕ್ತವಾದ ಪಿಚ್ ಆಗಿರಲಿಲ್ಲ. ಆದರೂ ಇಲ್ಲಿ ಸ್ಪಿನ್ ಉತ್ತಮ ರೀತಿಯಲ್ಲಿ ಯಶಸ್ಸು ಕಂಡಿದೆ. ಒಟ್ಟಾರೆಯಾಗಿ ಹೇಳುದಾದರೆ ಇದೊಂದು ತೀರಾ ಕಳಪೆ ಪಿಚ್ ಆಗಿತ್ತು ಎಂದು ಘೋಷಿಸಿದ ಐಸಿಸಿ ಕಳಪೆ ರೇಟಿಂಗ್ಸ್ ಕೊಟ್ಟಿದೆ.
ಇದಕ್ಕೂ ಮುನ್ನ ನಾಗ್ಪುರ ಮತ್ತು ದೆಹಲಿಯಲ್ಲಿ ನಡೆದ ಟೆಸ್ಟ್ ಪಂದ್ಯದ ಪಿಚ್ಗೆ ಐಸಿಸಿ ಸಾಧಾರಣ ಪಿಚ್ ಎಂಬ ರೇಟಿಂಗ್ಸ್ ನೀಡಿತ್ತು.
ಇದನ್ನೂ ಓದಿ INDvsAUS : ಡಿಆರ್ಎಸ್ ನಿಯಮದ ಲೋಪವನ್ನೇ ಬಳಸಿಕೊಂಡ ಆಸ್ಟ್ರೇಲಿಯಾ ನಾಯಕ ಸ್ಟೀವ್ ಸ್ಮಿತ್! ವ್ಯಾಪಕ ಟೀಕೆ
ಝೋಮ್ಯಾಟೋದಿಂದಲೂ ಟ್ರೋಲ್
ಇಂದೋರ್ ಪಿಚ್ ಬಗ್ಗೆ ಝೋಮ್ಯಾಟೋ ಕೂಡ ಟ್ರೋಲ್ ಮಾಡಿದೆ. ʻಈ ಪಿಚ್‌ನಲ್ಲಿ ಜಿಲೇಬಿಯಲ್ಲಿರುವುದಕ್ಕಿಂತಲೂ ಹೆಚ್ಚು ಸುತ್ತುಗಳಿದ್ದವುʼ ಎಂದು ಟ್ವೀಟ್ ಮಾಡಿದೆ. ಈ ಟ್ವೀಟ್ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್‌ ಆಗಿದೆ. ಇಂದೋರ್ನಲ್ಲಿ ನಡೆದ ಈ ಟೆಸ್ಟ್ ಪಂದ್ಯದಲ್ಲಿ ಭಾರತ 9 ವಿಕೆಟ್ಗಳ ಅಂತರದಿಂದ ಸೋಲು ಕಂಡಿತು.