ಇಂದೋರ್: ಭಾರತ ಮತ್ತು ಆಸ್ಟ್ರೇಲಿಯಾ(IND VS AUS) ವಿರುದ್ಧದ ಮೂರನೇ ಟೆಸ್ಟ್ ಪಂದ್ಯ ಬುಧವಾರ(ಮಾರ್ಚ್ 1) ದಿಂದ ಇಂದೋರ್ನಲ್ಲಿ ಆರಂಭವಾಗಲಿದೆ. ಕಳಪೆ ಬ್ಯಾಟಿಂಗ್ನಿಂದ ಟೀಕೆಗೆ ಗುರಿಯಾಗಿದ್ದ ಕೆ.ಎಲ್ ರಾಹುಲ್(kl Rahul) ಅವರಿಗೆ ಈ ಪಂದ್ಯದಲ್ಲಿ ಅವಕಾಶ ಸಿಗಲಿದೆಯಾ ಎಂಬ ಚರ್ಚೆಗಳು ಕಳೆದ ಕೆಲದಿನಗಳಿಂದ ಸಾಮಾಜಿಕ ಜಾಲತಾಣದಲ್ಲಿ ನಡೆದಿದೆ.
ಈಗಾಗಲೇ ಮಾಜಿ ಕ್ರಿಕೆಟ್ ಆಟಗಾರರು ರಾಹುಲ್ ಅವರನ್ನು ಮೂರನೇ ಪಂದ್ಯದಿಂದ ಕೈ ಬಿಟ್ಟು ಅವರ ಬದಲಿಗೆ ಯುವ ಆಟಗಾರ ಶುಭಮನ್ ಗಿಲ್(Shubman Gill) ಅವರಿಗೆ ಸ್ಥಾನ ನೀಡುವಂತೆ ಒತ್ತಾಯಿದ್ದಾರೆ. ಇದೀಗ ಈ ಚರ್ಚೆಯ ಮಧ್ಯೆ ಶುಭಮನ್ ಗಿಲ್ ಮತ್ತು ರಾಹುಲ್ ಜತೆಯಾಗಿ ಬ್ಯಾಟಿಂಗ್ ಅಭ್ಯಾಸ ನಡೆಸಿದ್ದಾರೆ. ಈ ಫೋಟೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಇದನ್ನೂ ಓದಿ IND VS AUS: ಇಂದೋರ್ನಲ್ಲಿ ಟೀಮ್ ಇಂಡಿಯಾ ಆಟಗಾರರ ಟೆಸ್ಟ್ ಸಾಧನೆ ಹೇಗಿದೆ?
ಕೆ.ಎಲ್. ರಾಹುಲ್ ಮತ್ತು ಶುಭಮನ್ ಗಿಲ್ ಅವರಿಗೆ ಜತೆಯಾಗಿ ಕೋಚ್‌ ರಾಹುಲ್ ದ್ರಾವಿಡ್‌ ಬ್ಯಾಟಿಂಗ್ ಮಾರ್ಗದರ್ಶನ ನೀಡಿದ್ದಾರೆ. ಇಬ್ಬರೂ ಸುಮಾರು ಅರ್ಧ ಗಂಟೆ ಕಾಲ ಒಟ್ಟೊಟ್ಟಿಗೇ ಬ್ಯಾಟಿಂಗ್ ಅಭ್ಯಾಸ ನಡೆಸಿದರು. ರಾಹುಲ್ ಮತ್ತು ಗಿಲ್ ಅಕ್ಕಪಕ್ಕದ ನೆಟ್ಸ್ನಲ್ಲಿ ಏಕಕಾಲಕ್ಕೆ ಬ್ಯಾಟಿಂಗ್ ಅಭ್ಯಾಸ ನಡೆಸಿದರು. ಉಭಯ ಆಟಗಾರರು ಅಭ್ಯಾಸ ನಡೆಸಿದ್ದನ್ನು ನಾಯಕ ರೋಹಿತ್ ಶರ್ಮಾ ಕೂಡ ವಿಕ್ಷಿಸಿಸಿದ್ದಾರೆ.
ರಾಹುಲ್ ಮೊದಲು ವೇಗದ ಎಸೆತಗಳನ್ನು ಎದುರಿಸಿ ಬಳಿಕ ಸ್ಪಿನ್‌ ಎಸೆತಕ್ಕೆ ಬ್ಯಾಟ್ ಬೀಸಿದರು. ಒಟ್ಟಾರೆ ಮೂರನೇ ಪಂದ್ಯದಲ್ಲಿ ಯಾರು ಅವಕಾಶ ಪಡೆಯಲಿದ್ದಾರೆ ಎಂಬ ಕುತೂಹಲಕ್ಕೆ ಬುಧವಾರ(ಮಾ.1) ತೆರೆ ಬೇಳಲಿದೆ.