ಚತ್ತೋಗ್ರಾಮ್: ಬಾಂಗ್ಲಾದೇಶ(IND VS BAN) ವಿರುದ್ಧದ ಟೆಸ್ಟ್ ಪಂದ್ಯದಲ್ಲಿ ಟೀಮ್ ಇಂಡಿಯಾದ ವೇಗಿ ಉಮೇಶ್ ಯಾದವ್ 100 ಮೀಟರ್ ದೂರ ಸಿಕ್ಸರ್ ಸಿಡಿಸಿ ಬಾಂಗ್ಲಾ ಆಟಗಾರರನ್ನು ಬೆರಗಾಗುವಂತೆ ಮಾಡಿದ್ದಾರೆ. ಉಮೇಶ್ ಬಾರಿಸಿದ ಈ ಸಿಕ್ಸರ್ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಆರ್. ಅಶ್ವಿನ್ ವಿಕೆಟ್ ಪತನದ ಬಳಿಕ ಕ್ರೀಸ್‌ಗೆ ಬಂದ ಉಮೇಶ್ ಯಾದವ್ ತಾವು ಎದುರಿಸಿದ ಎರಡನೇ ಎಸೆತದಲ್ಲೇ ಆಫ್‌ ಸ್ಪಿನ್ನರ್‌ ಮೆಹದಿ ಹಸನ್‌ಗೆ ಸಿಕ್ಸರ್ ರುಚಿ ತೋರಿಸಿದ್ದಾರೆ. ಈ ಸಿಕ್ಸರ್ 100 ಮೀ. ದೂರಕ್ಕೆ ಚಿಮ್ಮಿದನ್ನು ಕಂಡ ಬಾಂಗ್ಲಾ ಆಟಗಾರರು ಒಂದು ಕ್ಷಣ ಬೆರಗಾದರು. ಉಮೇಶ್ ಅವರ ಈ ಸಾಮರ್ಥ್ಯಕ್ಕೆ ಕ್ರಿಕೆಟ್ ಪ್ರಿಯರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಬಹು ದಿನಗಳ ಬಳಿಕ ಕ್ರಿಕೆಟ್ ಆಡುತಿದ್ದರೂ ಇಷ್ಟು ಲಿಲಾಜಾಲವಾಗಿ ಸಿಕ್ಸರ್ ಬಾರಿಸಿದ್ದು ನಿಜವಾಗಿಯೂ ಶ್ರೇಷ್ಠ ಎಂದು ಶ್ಲಾಘಿಸಿದ್ದಾರೆ. ಇನ್ನು ಒಟ್ಟು 2 ಸಿಕ್ಸರ್ ಬಾರಿಸಿದ ಉಮೇಶ್ ಯಾದವ್ 15 ರನ್ ಗಳಿಸಿ ಅಜೇಯರಾಗಿ ಉಳಿದರು.
ಭಾರತ ಮೊದಲ ಇನಿಂಗ್ಸ್ನಲ್ಲಿ 404 ರನ್ ಗಳಿಸಿ ಸವಾಲೊಡ್ಡಿದೆ. ಗುರಿ ಬೆನ್ನಟ್ಟಿದ ಬಾಂಗ್ಲಾ 133ಕ್ಕೆ 8 ವಿಕೆಟ್ ಕಳೆದುಕೊಂಡು ಬ್ಯಾಟಿಂಗ್ ಕಾಯ್ದುಕೊಂಡಿದೆ. 4 ಪರ ಮೆಹದಿ ಹಸನ್ 112 ರನ್ಗೆ 4 ವಿಕೆಟ್ ಕಿತ್ತು ಮಿಂಚಿದರು. ಉಳಿದಂತೆ ಭಾರತದ ಬೌಲರ್ಗಳಾದ ಕುಲ್ದೀಪ್ ಯಾದವ್(4), ಮೊಹಮ್ಮದ್ ಸಿರಾಜ್(3) ವಿಕೆಟ್ ಉರುಳಿಸಿದ್ದಾರೆ.
ಇದನ್ನೂ ಓದಿ | IND VS BAN | ಕೆಣಕಿದ ಲಿಟನ್ ದಾಸ್ಗೆ ಮರು ಎಸೆತದಲ್ಲೇ ಪೆವಿಲಿಯನ್ ದಾರಿ ತೋರಿಸಿದ ಸಿರಾಜ್!