ಢಾಕಾ: ಬಾಂಗ್ಲಾದೇಶ ವಿರುದ್ಧದ (IND VS BAN) ಮೊದಲ ಏಕದಿನ ಪಂದ್ಯದಲ್ಲಿ ರೋಹಿತ್ ಶರ್ಮ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿದರೂ ಏಕ ದಿನ ಕ್ರಿಕೆಟ್ನಲ್ಲಿ ನೂತನ ದಾಖಲೆಯೊಂದನ್ನು ತಮ್ಮದಾಗಿಸಿಕೊಂಡಿದ್ದಾರೆ. ಭಾರತ ಕ್ರಿಕೆಟ್ ತಂಡದ ಮಾಜಿ ಆಟಗಾರ ಮೊಹಮ್ಮದ್ ಅಜರುದ್ದೀನ್ ಅವರ ಹೆಸರಿನಲ್ಲಿದ್ದ ದಾಖಲೆಯನ್ನು ಅಳಿಸಿ ಹಾಕಿದ್ದಾರೆ.
ಭಾನುವಾರ ಬಾಂಗ್ಲಾದೇಶ ವಿರುದ್ಧದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಭಾರತ ಪರ ರೋಹಿತ್ ಶರ್ಮ 27 ರನ್‌ಗಳಿಸಿ ಔಟಾದರು. ರೋಹಿತ್, ತಮ್ಮ ಈ ಇನಿಂಗ್ಸ್‌ ಮೂಲಕ ಏಕದಿನ ಕ್ರಿಕೆಟ್ ಇತಿಹಾಸದಲ್ಲಿ ಭಾರತದ ಪರ ಅತ್ಯಧಿಕ ರನ್‌ಗಳಿಸಿದ ಆರನೇ ಬ್ಯಾಟರ್‌ ಆಗಿ ಹೊರಹೊಮ್ಮಿದ್ದಾರೆ. ಈ ಮೂಲಕ ಭಾರತದ ಮಾಜಿ ನಾಯಕ ಮೊಹಮ್ಮದ್ ಅಜರುದ್ದೀನ್ ಅವರ ದಾಖಲೆಯನ್ನು ಹಿಂದಿಕ್ಕಿದ್ದಾರೆ. ಸದ್ಯ ರೋಹಿತ್ 234 ಏಕದಿನ ಪಂದ್ಯಗಳಿಂದ ಒಟ್ಟಾರೆ 9403 ರನ್‌ಗಳನ್ನು ಬಾರಿಸಿಸುವ ಮೂಲಕ ಅಜರುದ್ದೀನ್ ಹೆಸರಿನಲ್ಲಿದ್ದ ದಾಖಲೆಯನ್ನು ಅಳಿಸಿಹಾಕಿದ್ದಾರೆ. ಅಜರುದ್ದೀನ್ ತಮ್ಮ ವೃತ್ತಿ ಬದುಕಿನಲ್ಲಿ ಆಡಿದ 334 ಏಕದಿನ ಪಂದ್ಯಗಳಿಂದ ಒಟ್ಟು 9378 ರನ್‌ಗಳನ್ನು ಬಾರಿಸಿದ್ದಾರೆ.
ಏಕ ದಿನ ಕ್ರಿಕೆಟ್ನಲ್ಲಿ ಭಾರತ ಪರ ಹೆಚ್ಚು ರನ್ಗಳಿಸಿದವರ ಪಟ್ಟಿಯಲ್ಲಿ ಸಚಿನ್‌ ತೆಂಡೂಲ್ಕರ್‌ ಅಗ್ರಸ್ಥಾನದಲ್ಲಿದ್ದಾರೆ. ಸಚಿನ್‌ 463 ಪಂದ್ಯಗಳಿಂದ 18,426 ರನ್‌ಗಳನ್ನು ಬಾರಿಸಿದ್ದಾರೆ. ನಂತರದ ಸ್ಥಾನಗಳಲ್ಲಿ ವಿರಾಟ್‌ ಕೊಹ್ಲಿ, ಸೌರವ್ ಗಂಗೂಲಿ, ರಾಹುಲ್‌ ದ್ರಾವಿಡ್‌ ಮತ್ತು ಎಂಎಸ್‌ ಧೋನಿ ಇದ್ದಾರೆ. ಆದರೆ ಈ ಎಲ್ಲ ಆಟಗಾರರು ನಿವೃತ್ತಿ ಹೊಂದಿರುವ ಕಾರಣ ಇನ್ನೂ ಕೆಲ ಆಟಗಾರರ ದಾಖಲೆಯನ್ನು ಮುರಿಯುವ ಅವಕಾಶ ರೋಹಿತ್ಗೆ ಇದೆ.
ಇದನ್ನೂ ಓದಿ | Team India | ಭಾರತ ತಂಡದಲ್ಲಿ ಚಹಲ್ ಹಾಗೂ ಕುಲ್ದೀಪ್‌ ಸ್ಥಾನ ಪಡೆಯಲೇಬೇಕು ಎಂದ ಮಾಜಿ ಸ್ಪಿನ್ನರ್‌