ಢಾಕಾ: ಬಾಂಗ್ಲಾದೇಶ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ ಭಾರತ 186 ರನ್ಗೆ ಕುಸಿದಿದೆ. ಆದರೆ ಈ ಪಂದ್ಯದಲ್ಲಿ ಬಾಂಗ್ಲಾ ನಾಯಕ ಲಿಟ್ಟನ್ ದಾಸ್ ಅವರು ಹಿಡಿದ ವಿರಾಟ್ ಕೊಹ್ಲಿಯ ಅದ್ಭುತ ಕ್ಯಾಚ್ ಎಲ್ಲರನ್ನೂ ಮಂತ್ರಮುಗ್ಧಗೊಳಿಸಿತು. ಜತೆಗೆ ಕ್ರೀಸ್ನಲ್ಲಿದ್ದ ವಿರಾಟ್ ಕೊಹ್ಲಿಯೂ ಇದನ್ನೂ ಕಂಡು ಒಂದು ಕ್ಷಣ ಶಾಕ್ ಆದರು. ಈ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಬಾಂಗ್ಲಾದೇಶ ಈ ಪಂದ್ಯದಲ್ಲಿ ಗೆಲ್ಲಲು 187ರನ್ಗಳ ಗುರಿ ಪಡೆದಿದೆ.
ಶಕೀಬ್ ಹಸನ್ ಅವರ ಮೊದಲ ಓವರ್ನಲ್ಲಿ ಈ ಘಟನೆ ಸಂಭವಿಸಿದೆ. ಓವರ್‌ನ ನಾಲ್ಕನೇ ಎಸೆತವನ್ನು ವಿರಾಟ್ ಕೊಹ್ಲಿ ಶಾರ್ಟ್ ಕವರ್ ಕಡೆ ಬಾರಿಸಿದರು. ಕೊಹ್ಲಿಯ ಈ ಸ್ಟೈಲೀಸ್ ಹೊಡೆತವನ್ನು ಕಂಡಾಗ ಪಕ್ಕಾ ಬೌಂಡರಿ ಎಂದು ಊಹಿಸಲಾಗಿತ್ತು. ಆದರೆ ಕಣ್ ಮಿಟುಕಿಸುವಲ್ಲಿ 30 ಯಾರ್ಡ್ ಸರ್ಕಲ್ನಲ್ಲಿ ಫೀಲ್ಡಿಂಗ್ ಮಾಡುತ್ತಿದ್ದ ಲಿಟನ್ ದಾಸ್ ಚಿರತೆಯಂತೆ ಎಗರಿ ಚೆಂಡನ್ನು ಹಿಡಿದು ಎಲ್ಲರನ್ನು ದಿಗ್ಭ್ರಮೆಗೊಳಿಸಿದರು. ಈ ವಿಡಿಯೊ ಕಂಡ ಕೊಹ್ಲಿ ಮತ್ತು ರೋಹಿತ್ ಒಂದು ಕ್ಷಣ ಮೂಕವಿಸ್ಮಿತರಾದರು.
ಇದನ್ನೂ ಓದಿ | IND VS BAN | ಶಕಿಬ್ ಸ್ಪಿನ್ ದಾಳಿಗೆ ನಲುಗಿದ ಟೀಮ್ ಇಂಡಿಯಾ; ಬಾಂಗ್ಲಾ ಗೆಲುವಿಗೆ 187 ರನ್ ಗುರಿ