ವಿಶಾಖಪಟ್ಟಣಂ: ಇಂಗ್ಲೆಂಡ್ ವಿರುದ್ಧದ ದ್ವಿತೀಯ ಟೆಸ್ಟ್(IND vs END 2nd Test) ಪಂದ್ಯದಲ್ಲಿ ಭಾರತ ಮೇಲುಗೈ ಸಾಧಿಸಿದೆ. ದ್ವಿತೀಯ ಇನಿಂಗ್ಸ್ ಬ್ಯಾಟಿಂಗ್ ಆರಂಭಿಸಿದ ಭಾರತ ವಿಕೆಟ್ ನಷ್ಟವಿಲ್ಲದೆ 28 ರನ್ ಬಾರಿಸಿ ಒಟ್ಟು 171 ರನ್ ಲೀಡ್ ಗಳಿಸಿ ಮೂರನೇ ದಿನಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದೆ. ಜೈಸ್ವಾಲ್(15) ಮತ್ತು ರೋಹಿತ್(13) ರನ್ ಬಾರಿಸಿ ಕ್ರೀಸ್ನಲ್ಲಿದ್ದಾರೆ.
ವಿಶಾಖಪಟ್ಟಣದ ವೈ.ಎಸ್.ರಾಜಶೇಖರ ರೆಡ್ಡಿ ಸ್ಟೇಡಿಯಂನಲ್ಲಿ(Dr. Y.S. Rajasekhara Reddy ACA-VDCA Cricket Stadium) ನಡೆಯುತ್ತಿರುವ ಈ ಪಂದ್ಯದಲ್ಲಿ 6 ವಿಕೆಟ್ಗೆ 336 ರನ್ ಗಳಿಸಿದಲ್ಲಿಂದ ಶನಿವಾರ ದ್ವಿತೀಯ ದಿನದಾಟ ಆರಂಭಿಸಿದ ಭಾರತ, ಯಶಸ್ವಿ ಜೈಸ್ವಾಲ್(209) ಅವರ ದ್ವಿಶತಕದ ನೆರವಿನಿಂದ 396 ರನ್ ಬಾರಿಸಿತು. ಗುರಿ ಬೆನ್ನಟ್ಟಿದ ಇಂಗ್ಲೆಂಡ್ ಉತ್ತಮ ಆರಂಭ ಪಡೆದರೂ ಆ ಬಳಿಕ ಸತತ ವಿಕೆಟ್ ಕಳೆದುಕೊಂಡು 253 ರನ್ಗೆ ಆಲೌಟ್ ಆಯಿತು. ಭಾರತ ಮಪದಲ ಇನಿಂಗ್ಸ್ನಲ್ಲಿ 143 ರನ್ ಲೀಡ್ ಗಳಿಸಿತು. ಸದ್ಯ ದ್ವಿತೀಯ ಇನಿಂಗ್ಸ್ ಆರಂಭಿಸಿರುವ ಭಾರತ ವಿಕೆಟ್ ನಷ್ಟವಿಲ್ಲದೆ 28 ರನ್ ಬಾರಿಸಿ ಒಟ್ಟು 171ರನ್ ಲೀಡ್ ಗಳಿಸಿದೆ.
Stumps on Day 2 in Vizag! 🏟️
— BCCI (@BCCI) February 3, 2024
A fabulous day with the bat & ball 🙌#TeamIndia will resume Day 3 with a lead of 171 runs in the second innings 👌👌
Scorecard ▶️ https://t.co/X85JZGt0EV#INDvENG | @IDFCFIRSTBank pic.twitter.com/c3mVHem1Ty
ದ್ವಿಶತಕ ಬಾರಿಸಿದ ಜೈಸ್ವಾಲ್
ಮೊದಲ ದಿನದಾಟದ ಅಂತ್ಯಕ್ಕೆ 179 ರನ್ ಗಳಿಸಿ ಅಜೇಯರಾಗಿದ್ದ ಉಳಿದಿದ್ದ ಯಶಸ್ವಿ ಜೈಸ್ವಾಲ್(Yashasvi Jaiswal) ದ್ವಿತೀಯ ದಿನದಾಟದಲ್ಲಿ 30 ರನ್ ಒಟ್ಟುಗೂಡಿಸಿ ದ್ವಿಶತಕ ಬಾರಿಸಿದರು. ಇದು ಜೈಸ್ವಾಲ್ ಅವರ ಚೊಚ್ಚಲ ಟೆಸ್ಟ್ ದ್ವಿಶತಕವಾಗಿದೆ. ಜತೆಗೆ ಅತಿ ಕಿರಿಯ ವಯಸ್ಸಿನಲ್ಲಿ ಈ ಸಾಧನೆ ಮಾಡಿದ ಮೂರನೇ ಭಾರತೀಯ ಆಟಗಾರ ಎನಿಸಿಕೊಂಡರು. ವಿನೋದ್ ಕಾಂಬ್ಳಿ ಮತ್ತು ಸುನೀಲ್ ಗವಾಸ್ಕರ್ ಮೊದಲಿಗರು. ಸಿಕ್ಸರ್ ಮೂಲಕ ಶತಕ ಪೂರ್ತಿಗೊಳಿಸಿದ್ದ ಜೈಸ್ವಾಲ್ ತಮ್ಮ ದ್ವಿಶತಕವನ್ನು ಬೌಂಡರಿ ಮೂಲಕ ಪೂರ್ಣಗೊಳಿಸಿದರು. ಒಟ್ಟು 290 ಎಸೆತ ಎದುರಿಸಿ 19 ಬೌಂಡರಿ ಮತ್ತು 7 ಸೊಗಸಾದ ಸಿಕ್ಸರ್ ನೆರವಿನಿಂದ 209 ರನ್ ಬಾರಿಸಿದರು. ಈ ವಿಕೆಟ್ ಅನುಭವಿ ಜೇಮ್ಸ್ ಆ್ಯಂಡರ್ಸನ್ ಪಾಲಾಯಿತು. 5 ರನ್ ಬಾರಿಸಿ ಬ್ಯಾಟಿಂಗ್ ಕಾಯ್ದುಕೊಂಡಿದ್ದ ಅಶ್ವಿನ್ 20ರನ್ ಗಳಿಸಿದರು. ದ್ವಿತೀಯ ದಿನದಾಟದಲ್ಲಿ ಭಾರತ ಒಟ್ಟು 60 ರನ್ ಗಳಿಸಿ ಆಲೌಟ್ ಆಯಿತು.
ಇದನ್ನೂ ಓದಿ IND vs ENG 2nd Test: ದ್ವಿಶತಕ ವೀರ ಯಶಸ್ವಿ ಜೈಸ್ವಾಲ್ ಬರೆದ ದಾಖಲೆಗಳ ಪಟ್ಟಿ ಹೀಗಿದೆ
That Leap. That Celebration. That Special Feeling 👏 👏
— BCCI (@BCCI) February 3, 2024
Here's how Yashasvi Jaiswal notched up his Double Hundred 🎥 🔽
Follow the match ▶️ https://t.co/X85JZGt0EV#TeamIndia | #INDvENG | @ybj_19 | @IDFCFIRSTBank pic.twitter.com/CUiikvbQqa
ಇಂಗ್ಲೆಂಡ್ಗೆ ಆಸರೆಯಾದ ಕ್ರಾಲಿ, ಸ್ಟೋಕ್ಸ್
ಮೊದಲ ಇನಿಂಗ್ಸ್ ಆರಂಭಿಸಿದ ಇಂಗ್ಲೆಂಡ್ ತಂಡಕ್ಕೆ ಜಸ್ಪ್ರೀತ್ ಬುಮ್ರಾ(Jasprit Bumrah) ಘಾತಕ ಯಾರ್ಕರ್ ಮೂಲಕ ಕಾಡಿದರು. 45 ರನ್ಗೆ 6 ವಿಕೆಟ್ ಕಿತ್ತು ಆಂಗ್ಲರ ಕುಸಿತಕ್ಕೆ ಕಾರಣರಾದರು. ಅದರಲ್ಲೂ ಓಲಿ ಪೋಪ್(Ollie Pope) ಮತ್ತು ಬೆನ್ ಸ್ಟೋಕ್ಸ್(Ben Stokes) ಅವರನ್ನು ಕ್ಲೀನ್ ಬೌಲ್ಡ್ ಮಾಡಿ ವಿಕೆಟ್ ಚೆಲ್ಲಾಪಿಲ್ಲಿಯಾಗುವಂತೆ ಮಾಡಿದರು. ಈ ಘಾತಕ ಯಾರ್ಕರ್ ಕಂಡ ಉಭಯ ಆಟಗಾರರು ಕೂಡ ಒಂದು ಕ್ಷಣ ಮೈದಾನದಲ್ಲಿ ಸ್ಟನ್ ಆಗಿ ನಿಂತುಬಿಟ್ಟರು. 6 ವಿಕೆಟ್ ಕೀಳುವ ಮೂಲಕ ಬುಮ್ರಾ ಟೆಸ್ಟ್ನಲ್ಲಿ 150 ವಿಕೆಟ್ಗಳ ಗಡಿ ದಾಟಿದರು.
Timber Striker Alert 🚨
— BCCI (@BCCI) February 3, 2024
A Jasprit Bumrah special 🎯 🔥
Drop an emoji in the comments below 🔽 to describe that dismissal
Follow the match ▶️ https://t.co/X85JZGt0EV#TeamIndia | #INDvENG | @Jaspritbumrah93 | @IDFCFIRSTBank pic.twitter.com/U9mpYkYp6v
ಇಂಗ್ಲೆಂಡ್ ತಂಡಕ್ಕೆ ಆಸರೆಯಾದದ್ದು ಆರಂಭಿಕ ಆಟಗಾರ ಜಾಕ್ ಕ್ರಾಲಿ. ದಿಟ್ಟ ಬ್ಯಾಟಿಂಗ್ ಪ್ರದರ್ಶನ ತೋರಿದ ಅವರು 78 ಎಸೆತಗಳಿಂದ 11 ಬೌಂಡರಿ ಮತ್ತು 2 ಸಿಕ್ಸರ್ ನೆರವಿನಿಂದ 76 ರನ್ ಬಾರಿಸಿದರು. ಇವರ ಅರ್ಧಶತಕದ ಹೋರಾಟದಿಂದ ಇಂಗ್ಲೆಂಡ್ 250 ರನ್ ಬಾರಿಸಲು ಸಾಧ್ಯವಾಯಿತು. ನಾಯಕ ಬೆನ್ ಸ್ಟೋಕ್ಸ್ 47 ರನ್ ಬಾರಿಸಿದರು. ಉಳಿದ ಆಟಗಾರರು ನಿರೀಕ್ಷಿತ ಬ್ಯಾಟಿಂಗ್ ನಡೆಸುವಲ್ಲಿ ವಿಫಲರಾದರು. ಈ ಪಂದ್ಯದಲ್ಲಿ ಆಡಲಿಳಿದ ಕುಲ್ದೀಪ್ ಯಾದವ್ 3 ವಿಕೆಟ್ ಕಿತ್ತು ಮಿಂಚಿದರು.