ವಿಶಾಖಪಟ್ಟಣಂ: ಜಸ್ಪ್ರೀತ್ ಬುಮ್ರಾ(Jasprit Bumrah) ಅವರು ಇಂಗ್ಲೆಂಡ್ ವಿರುದ್ಧದ ದ್ವಿತೀಯ(IND vs ENG) ಟೆಸ್ಟ್ನ(IND vs ENG 2nd Test) ಮೊದಲ ಇನಿಂಗ್ಸ್ನಲ್ಲಿ 6 ವಿಕೆಟ್ ಕೀಳುವ ಮೂಲಕ ಹಲವು ದಾಖಲೆಗಳನ್ನು ತಮ್ಮ ಹೆಸರಿಗೆ ಬರೆದಿದ್ದಾರೆ. ಒಟ್ಟು 15.5 ಓವರ್ ಎಸೆದ ಬುಮ್ರಾ 45 ರನ್ ವೆಚ್ಚದಲ್ಲಿ 6 ವಿಕೆಟ್ ಕಿತ್ತು ಆಂಗ್ಲರ ಕುಸಿತಕ್ಕೆ ಕಾರಣರಾದರು.
ದಾಖಲೆ ನಂ.1
ವಿಶಾಖಪಟ್ಟಣದ ವೈ.ಎಸ್.ರಾಜಶೇಖರ ರೆಡ್ಡಿ ಸ್ಟೇಡಿಯಂನಲ್ಲಿ(Dr. Y.S. Rajasekhara Reddy ACA-VDCA Cricket Stadium) ನಡೆಯುತ್ತಿರುವ ಈ ಪಂದ್ಯದಲ್ಲಿ ಬುಮ್ರಾ ಘಾತಕ ಸ್ಪೆಲ್ ನಡೆಸಿ ಗಮನಸೆಳೆದರು. ಆಂಗ್ಲರ ನಾಯಕ ಬೆನ್ ಸ್ಟೋಕ್ಸ್ ಅವರನ್ನು ಕ್ಲೀನ್ ಬೌಲ್ಡ್ ಮಾಡಿದ ಬುಮ್ರಾ ಈ ವಿಕೆಟ್ನೊಂದಿಗೆ ಟೆಸ್ಟ್ ಕ್ರಿಕೆಟ್ನಲ್ಲಿ 150 ವಿಕೆಟ್ ಪಡೆದ ಸಾಧನೆ ಮಾಡಿದರು. ಈ ಮೂಲಕ ಟೆಸ್ಟ್ನಲ್ಲಿ ಅತಿ ವೇಗವಾಗಿ 150 ವಿಕೆಟ್ ಪಡೆದ ಏಷ್ಯಾದ ಎರಡನೇ ವೇಗಿ ಎನಿಸಿಕೊಂಡರು.
Absolutely incredible, Jasprit Bumrah. As good a spell, one would ever see in these conditions , 6 wickets on a Day 2 pitch. What a performer, what a steady head on his shoulders. Absolutely top class #IndvsEng
— Venkatesh Prasad (@venkateshprasad) February 3, 2024
pic.twitter.com/bsHPIbegR5
ದಾಖಲೆ ನಂ.2
ಬುಮ್ರಾ ಪಡೆದ ವಿಕೆಟ್ಗಳೆಂದರೆ, ಓಲಿ ಪೋಪ್, ಜೋ ರೂಟ್, ಜಾನಿ ಬೈರ್‌ಸ್ಟೋವ್, ಬೆನ್ ಸ್ಟೋಕ್ಸ್, ಟಾಮ್ ವಿಲಿಯಂ ಹಾರ್ಟ್ಲಿ ಹಾಗೂ ಜೇಮ್ಸ್ ಆ್ಯಂಡರ್ಸನ್. ಇದೇ ವೇಳೆ ಬುಮ್ರಾ ಅವರು ಕಪಿಲ್ ದೇವ್ ಅವರ 41 ವರ್ಷಗಳ ಹಿಂದಿನ ದಾಖಲೆಯೊಂದನ್ನು ಸರಿಗಟ್ಟಿದರು.
ಇದನ್ನೂ ಓದಿ IND vs END 2nd Test: ದ್ವಿತೀಯ ಟೆಸ್ಟ್ನಲ್ಲಿ ಹಿಡಿತ ಸಾಧಿಸಿದ ಭಾರತ; 171 ರನ್ ಲೀಡ್
Every time Ben Stokes gets out mistake is off the pitch.
— not one (@ballebazz45) February 3, 2024
🎥: JioCinema#Benstokes #jaspritbumrah #bumrah #INDvENG pic.twitter.com/GcdwvNvKoZ
ಬುಮ್ರಾ ಪಡೆದ 6 ವಿಕೆಟ್ಗಳಲ್ಲಿ 4 ವಿಕೆಟ್ಗಳು 3 ನೇ ಕ್ರಮಾಂಕದಿಂದ 6 ನೇ ಕ್ರಮಾಂಕದಲ್ಲಿ ಬ್ಯಾಟ್ ಬೀಸಿದ ಆಟಗಾರರದ್ದಾಗಿತ್ತು. 1983ರಲ್ಲಿ ಅಹಮದಾಬಾದ್‌ನಲ್ಲಿ ನಡೆದಿದ್ದ ವೆಸ್ಟ್ ಇಂಡೀಸ್ ವಿರುದ್ಧದ ಟೆಸ್ಟ್ ಪಂದ್ಯದಲ್ಲಿ ಕಪಿಲ್ ದೇವ್ ಅವರು ಈ ಸಾಧನೆ ಮಾಡಿದ್ದರು. ಇದೀಗ 41 ವರ್ಷಗಳ ಬಳಿಕ ಕಪಿಲ್ ಅವರ ಸಾಧನೆಯನ್ನು ಬುಮ್ರಾ ಪುನಾರವರ್ತಿಸಿದ್ದಾರೆ. ಕಪಿಲ್ ಆ ಪಂದ್ಯದಲ್ಲಿ 83 ರನ್ಗೆ 9 ವಿಕೆಟ್ ಕಿತ್ತಿದ್ದರು.
ದಾಖಲೆ ನಂ.3
ಜಸ್ಪ್ರೀತ್ ಬುಮ್ರಾ ಅವರು ಜೋ ರೂಟ್(Joe Root) ವಿಕೆಟ್ ಕೀಳುವ ಮೂಲಕ ಟೆಸ್ಟ್ನಲ್ಲಿ ರೂಟ್ ಅವನ್ನು 8ನೇ ಬಾರಿ ಔಟ್ ಮಾಡಿದ ದಾಖಲೆ ತಮ್ಮದಾಗಿಸಿಕೊಂಡರು. ಬುಮ್ರಾ ಅವರು 20 ಇನ್ನಿಂಗ್ಸ್‌ಗಳಲ್ಲಿ ರೂಟ್ಗೆ ಬಿಟ್ಟುಕೊಟ್ಟದ್ದು ಕೇವಲ 245 ರನ್ ಮಾತ್ರ.
Pictures from all the angles. Jasprit Bumrah 🐐 pic.twitter.com/gvzrDPv8rX
— R A T N I S H (@LoyalSachinFan) February 3, 2024
ಬೆನ್ ಸ್ಟೋಕ್ಸ್(Ben Stokes) ಮತ್ತು ಓಲಿ ಪೋಪ್(Ollie Pope) ಅವರನ್ನು ಬುಮ್ರಾ ಕ್ಲೀನ್ ಬೌಲ್ಡ್ ಮಾಡಿದ ವಿಡಿಯೊ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಈ ವಿಡಿಯೊ ಕಂಡು ಕ್ರಿಕೆಟ್ ಅಭಿಮಾನಿಗಳು ಕೂಡ ಒಂದು ಕ್ಷಣ ದಂಗಾಗಿದ್ದಾರೆ. ಬುಮ್ರಾ ಎಸೆದ ವೇಗಕ್ಕೆ ವಿಕೆಟ್ಗಳು ಚೆಲ್ಲಾಪಿಲ್ಲಿಯಾಗಿ ಎಗರಿ ಬಿದ್ದವು. ಈ ವಿಡಿಯೊ ವೈರಲ್ ಆಗಿದೆ. ಬುಮ್ರಾ ಬೌಲಿಂಗ್ ಕಂಡು ಸ್ಟೋಕ್ಸ್ ಒಂದು ಕ್ಷಣ ಸ್ಟನ್ ಆಗಿ ನಿಂತು ಬಿಟ್ಟರು. ಮೊದಲ ಟೆಸ್ಟ್ ಪಂದ್ಯದಲ್ಲಿಯೂ ಸ್ಟೋಕ್ಸ್ ಇದೇ ರೀತಿಯಲ್ಲಿ ಬುಮ್ರಾಗೆ ವಿಕೆಟ್ ಒಪ್ಪಿಸಿದ್ದರು.