IND vs ENG: ಹೈದರಾಬಾದ್​ನಲ್ಲಿ ಭಾರತ-ಇಂಗ್ಲೆಂಡ್​ ಟೆಸ್ಟ್​ ದಾಖಲೆ ಹೇಗಿದೆ?

ಹೈದರಾಬಾದ್​: ಬಲಿಷ್ಠ ತಂಡಗಳಾದ ಭಾರತ ಮತ್ತು ಇಂಗ್ಲೆಂಡ್(IND vs ENG)​ ನಡುವಣ ಮೊದಲ ಟೆಸ್ಟ್​ ಪಂದ್ಯ ನಾಳೆಯಿಂದ ಮುತ್ತಿನ ನಗರಿ ಹೈದರಾಬಾದ್​ನಲ್ಲಿ ಆರಂಭಗೊಳ್ಳಿದೆ. ಇತ್ತಂಡಗಳ ಈ ಕಾದಾಟಕ್ಕೆ ರಾಜೀವ್​ ಗಾಂಧಿ ಕ್ರಿಕೆಟ್​ ಸ್ಟೇಡಿಯಂ(Rajiv Gandhi International Stadium) ಅಣಿಯಾಗಿದೆ. ಈ ಮೈದಾನದಲ್ಲಿ ಭಾರತ ಮತ್ತು ಇಂಗ್ಲೆಂಡ್​ ಇದುವರೆಗೆ ಎಷ್ಟು ಟೆಸ್ಟ್​ ಆಡಿದೆ? ದಾಖಲೆ ಯಾರ ಪರ ಇದೆ? ಎನ್ನುವ ಮಾಹಿತಿ ಇಂತಿದೆ.

ಹೈದರಾಬಾದ್‌ನ ರಾಜೀವ್ ಗಾಂಧಿ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಭಾರತ ಇದುವರೆಗೆ 5 ಟೆಸ್ಟ್​ ಪಂದ್ಯಗಳು ಗಳನ್ನು ಆಡಿದೆ. ಈ ಪೈಕಿ ಭಾರತ ನಾಲ್ಕರಲ್ಲಿ ಗೆದ್ದು ಒಂದು ಪಂದ್ಯವನ್ನು ಡ್ರಾ ಮಾಡಿಕೊಂಡಿದೆ. ಇಂಗ್ಲೆಂಡ್​ ಕೂಡ ಇಲ್ಲಿ ಒಂದು ಟೆಸ್ಟ್​ ಪಂದ್ಯ ಆಡಿ ಡ್ರಾ ಸಾಧಿಸಿದೆ. ಹೀಗಾಗಿ ಉಭಯ ತಂಡಗಳ ಈ ಪಂದ್ಯ ತೀವ್ರ ಫೈಪೋಟಿ ಎಂದು ನಿರೀಕ್ಷೆ ಮಾಡಬಹುದು.

ಇದನ್ನೂ ಓದಿ IND vs ENG: ಭಾರತದಲ್ಲಿ ಇಂಗ್ಲೆಂಡ್​ ತಂಡದ ಟೆಸ್ಟ್​ ಇತಿಹಾಸವೇ ಬಲು ರೋಚಕ!

ಭಾರತ ತಂಡ ಇಲ್ಲಿ ಒಮ್ಮೆಯೂ ಸೋತಿಲ್ಲ. ಕಳೆದ ಐದು ವರ್ಷಗಳ ಬಳಿಕ ಇಲ್ಲಿ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯ ಇದಾಗಿದೆ. ಈ ಹಿಂದೆ ಸ್ಪಿನ್​ ಪಿಚ್ ಆಗಿದ್ದರೂ ಕೂಡ ಪಂದ್ಯ ನಡೆಯದೆ ಹಲವು ವರ್ಷ ಆದ ಕಾರಣದಿಂದ ಈಗ ಪಿಚ್​ ಹೇಗೆ ವರ್ತಿಸುತ್ತದೆ ಎನ್ನುವುದು ಕೂಡ ಮುಖ್ಯವಾಗಿದೆ. ಆದರೂ ಕೂಡ ಉಭಯ ತಂಡಗಳು ಸ್ಪಿನ್​ಗೆ ಹೆಚ್ಚಿನ ಮಹತ್ವ ನೀಡಿದೆ. ಇಂಗ್ಲೆಂಡ್​ ಈಗಾಗಲೇ ಪಂದ್ಯಕ್ಕೂ ಮುನ್ನವೇ ತನ್ನ ಆಡುವ ಬಳಗವನ್ನು ಪ್ರಕಟಿಸಿದೆ. ಏಕೈಕ ವೇಗಿಗೆ ಅವಕಾಶ ನೀಡಿ ಉಳಿದ ಎಲ್ಲ ಸ್ಪಿನ್ನರ್​ಗಳನ್ನು ಆಯ್ಕೆ ಮಾಡಿದೆ.

See more

Dhoni ☝️
H. Singh ☝️
Kumar ☝️

One of those magical Broady spells in 2011 ✨@Igcom #MoreThanAMoment#INDvENG pic.twitter.com/xqcmNubaRV

— England Cricket (@englandcricket) January 22, 2024

ಇತ್ತಂಡಗಳು ಮೊದಲ ಬಾರಿ ಸೆಣಸಾಡಿದ್ದು 2010ರಲ್ಲಿ. ಎಂ.ಎಸ್ ಧೋನಿ ನಾಯಕತ್ವದಲ್ಲಿ ಕಣಕ್ಕಿಳಿದ ಭಾರತ ತಂಡ ಈ ಪಂದ್ಯವನ್ನು ಡ್ರಾ ಮಾಡಿಕೊಂಡಿತ್ತು. ಇತ್ತೀಚಿನ ವರ್ಷಗಳಲ್ಲಿ ಇಂಗ್ಲೆಂಡ್​ ತಂಡ ಟೆಸ್ಟ್​ನಲ್ಲಿ ಸುಧಾರಿತ ಪ್ರದರ್ಶನವನ್ನು ತೋರುತ್ತಿದ್ದರೂ 2012 ರಿಂದ ಭಾರತದಲ್ಲಿ ಟೆಸ್ಟ್​ ಸರಣಿ ಗೆದ್ದಿಲ್ಲ. ಈ ಬಾರಿಯಾದರೂ ಗೆದ್ದಿತೇ ಎನ್ನುವುದು ಈ ಸರಣಿಯ ಕುತೂಹಲ.

ಇದನ್ನೂ ಓದಿ IND vs ENG: ಧ್ರುವ್ ಜುರೆಲ್ ಟೆಸ್ಟ್‌ಗೆ ಪದಾರ್ಪಣೆ ಸಾಧ್ಯತೆ

ಭಾರತ-ಇಂಗ್ಲೆಂಡ್​ ನಡುವಣ ಟೆಸ್ಟ್​ ಬ್ಯಾಟಿಂಗ್, ಬೌಲಿಂಗ್​​ ಸಾಧಕರು

ಹೆಚ್ಚು ರನ್: ಸಚಿನ್ ತೆಂಡೂಲ್ಕರ್- 32 ಟೆಸ್ಟ್‌ಗಳಲ್ಲಿ 2535 ರನ್.

ಗರಿಷ್ಠ ವೈಯಕ್ತಿಕ ಸ್ಕೋರ್: ಗ್ರಹಾಂ ಗೂಚ್‌ (333 ರನ್) ಲಾರ್ಡ್ಸ್, ಜುಲೈ 1990.

ಶತಕ: ಜೋ ರೂಟ್ – 25 ಟೆಸ್ಟ್‌ಗಳಲ್ಲಿ 9.

ಅರ್ಧಶತಕ: ಸುನಿಲ್ ಗವಾಸ್ಕರ್ – 28 ಟೆಸ್ಟ್‌ಗಳಲ್ಲಿ 16.

ಅತಿ ಹೆಚ್ಚು ಸಿಕ್ಸರ್‌: ಇಯಾನ್ ಬೋಥಮ್- 14 ಟೆಸ್ಟ್‌ಗಳಲ್ಲಿ 24.

ಬೌಲಿಂಗ್​ ದಾಖಲೆ

ಅತಿ ಹೆಚ್ಚು ವಿಕೆಟ್‌ಗಳು: ಜೇಮ್ಸ್ ಆಂಡರ್ಸನ್ – 35 ಟೆಸ್ಟ್‌ಗಳಲ್ಲಿ 139 ವಿಕೆಟ್‌ಗಳು.

ಅತ್ಯುತ್ತಮ ಬೌಲಿಂಗ್ (ಇನಿಂಗ್ಸ್): ಫ್ರೆಡ್ ಟ್ರೂಮನ್ (31ಕ್ಕೆ 8) ಮ್ಯಾಂಚೆಸ್ಟರ್, ಜುಲೈ 1952.

ಅತ್ಯುತ್ತಮ ಬೌಲಿಂಗ್ (ಪಂದ್ಯ): ಇಯಾನ್ ಬೋಥಮ್ (106ಕ್ಕೆ 13) ವಾಂಖೆಡೆ ಸ್ಟೇಡಿಯಂ, ಫೆಬ್ರವರಿ 1980.

ಅತಿ ಹೆಚ್ಚು ಐದು ವಿಕೆಟ್ ಗಳಿಕೆ: ಭಗವತ್ ಚಂದ್ರಶೇಖರ್ – 23 ಟೆಸ್ಟ್‌ಗಳಲ್ಲಿ 8.

ಹೆಚ್ಚು 10-ವಿಕೆಟ್ ಸಾಧನೆಗಳು (ಪಂದ್ಯ): ಅಲೆಕ್ ಬೆಡ್ಸರ್ – 7 ಟೆಸ್ಟ್‌ಗಳಲ್ಲಿ 2.

ಸರಣಿಯಲ್ಲಿ ಅತಿ ಹೆಚ್ಚು ವಿಕೆಟ್‌ಗಳು: ಭಗವತ್ ಚಂದ್ರಶೇಖರ್- 5 ಟೆಸ್ಟ್‌ಗಳಲ್ಲಿ 35 ವಿಕೆಟ್‌ಗಳು (ಇಂಗ್ಲೆಂಡ್ ಪ್ರವಾಸ 1972-73).