ರಾಜ್ಕೋಟ್: ಇಂಗ್ಲೆಂಡ್ ವಿರುದ್ಧದ ಮೂರನೇ(IND vs ENG) ಟೆಸ್ಟ್ನ ಮೊದಲ ಇನಿಂಗ್ಸ್ನಲ್ಲಿ ಆತಿಥೇಯ ಭಾರತ 445 ರನ್ಗೆ ಆಲೌಟ್ ಆಗಿದೆ. ಪದಾರ್ಪಣ ಪಂದ್ಯವನ್ನಾಡಿದ ಧೃವ್ ಜುರೇಲ್(46), ಆರ್. ಅಶ್ವಿನ್ (37) ಮತ್ತು ಜಸ್ಪ್ರೀತ್ ಬುಮ್ರಾ(26) ಅವರ ಬ್ಯಾಟಿಂಗ್ ಹೋರಾಟ ಭಾರತದ ದ್ವಿತೀಯ ದಿನದ ಹೈಲೆಟ್ಸ್ ಆಗಿತ್ತು. ಗುರಿ ಬೆನ್ನಟ್ಟುತ್ತಿರುವ ಇಂಗ್ಲೆಂಡ್ ಉತ್ತಮವಾಗಿ ಆಡುತ್ತಿದೆ.
ರಾಜ್ಕೋಟ್ನ ನಿರಂಜನ್ ಶಾ ಮೈದಾನದಲ್ಲಿ ನಡೆಯುತ್ತಿರುವ ಮೂರನೇ ಟೆಸ್ಟ್ ಪಂದ್ಯದಲ್ಲಿ ಮೊದಲ ದಿನದಾಟದಂತ್ಯಕ್ಕೆ 5 ವಿಕೆಟ್ ಕಳೆದುಕೊಂಡು 326 ರನ್ ಬಾರಿಸಿದ್ದ ಭಾರತ ಎರಡನೇ ದಿನದಾಟದ ಆರಂಭಿಸಿ 5 ರನ್ ಗಳಿಸುವಷ್ಟರಲ್ಲಿ ನೈಟ್ ವಾಚ್ಮನ್(4) ಹಾಗೂ ಶತಕವೀರ ರವೀಂದ್ರ ಜಡೇಜಾ(112) ವಿಕೆಟ್ ಕಳೆದುಕೊಂಡರು.
ಜಡೇಜಾ ದ್ವಿತೀಯ ದಿನದಾಟದಲ್ಲಿ 2 ರನ್ ಗಳಿಸಿದರು. ಒಟ್ಟು 225 ಎಸೆತಗಳಲ್ಲಿ ಒಂಬತ್ತು ಬೌಂಡರಿ ಮತ್ತು ಎರಡು ಸಿಕ್ಸರ್ಗಳನ್ನು ಸಿಡಿಸುವ ಮೂಲಕ 112 ರನ್ ಗಳಿಸಿ ಜೋ ರೂಟ್ಗೆ ವಿಕೆಟ್ ಒಪ್ಪಿಸಿದರು. ಇದೇ ವೇಳೆ ಜಡೇಜಾ ಇಂಗ್ಲೆಂಡ್ ವಿರುದ್ಧ 1000 ಟೆಸ್ಟ್ ರನ್ ಗಳಿಸಿದ 15ನೇ ಭಾರತೀಯ ಆಟಗಾರ ಎನಿಸಿಕೊಂಡರು. ಈ ಮೂಲಕ ಸೌರವ್ ಗಂಗೂಲಿಯನ್ನು ಹಿಂದಿಕ್ಕಿದ್ದರು. ದಾಖಲೆ ಸಚಿನ್ ತೆಂಡೂಲ್ಕರ್ ಹೆಸರಿನಲ್ಲಿದೆ. ಸಚಿನ್ 2,535 ರನ್ ಬಾರಿಸಿದ್ದಾರೆ.
ಗಮನ ಸೆಳೆದ ಜುರೆಲ್
ಕೆ.ಎಸ್ ಭರತ್ ಅವರ ಬದಲು ಆಡಲಿಳಿದ ಆಗ್ರಾ ಮೂಲದ 23 ವರ್ಷದ ಜುರೇಲ್ ತಮ್ಮ ಚೊಚ್ಚಲ ಪಂದ್ಯದಲ್ಲಿಯೇ ಉತ್ತಮ ಬ್ಯಾಟಿಂಗ್ ನಡೆಸಿ ಗಮನಸೆಳೆದರು. ವಿರಾಟ್ ಕೊಹ್ಲಿಯ ಬ್ಯಾಟಿಂಗ್ ಶೈಲಿಯಂತೆ ಬ್ಯಾಟ್ ಬೀಸಿದ ಜುರೇಲ್ ಅಶ್ವಿನ್ ಜತೆ ಸೇರಿಕೊಂಡು ಉತ್ತಮ ಇನಿಂಗ್ಸ್ವೊಂದನ್ನು ಕಟ್ಟಿದರು. ಈ ಜೋಡಿ 8 ವಿಕೆಟ್ಗೆ ಅತ್ಯಮೂಲ್ಯ 77 ರನ್ ಒಟ್ಟುಗೂಡಿಸಿದರು. ಇವರ ಈ ಬ್ಯಾಟಿಂಗ್ ಸಾಹಸದಿಂದ ತಂಡ 450ರ ಸನಿಹದ ಮೊತ್ತ ದಾಖಲಿಸಿತು.
ಇದನ್ನೂ ಓದಿ IND vs ENG: 500 ವಿಕೆಟ್ಗಳ ಸರದಾರನಾದ ಆರ್. ಅಶ್ವಿನ್; ಈ ಸಾಧನೆ ಮಾಡಿದ 2ನೇ ಭಾರತೀಯ
Innings Break!
— BCCI (@BCCI) February 16, 2024
A solid batting performance from #TeamIndia to post 4⃣4⃣5⃣ on the board! 💪 💪
Scorecard ▶️ https://t.co/FM0hVG5pje#INDvENG | @IDFCFIRSTBank pic.twitter.com/jNltRFg5FN
ಅಶ್ವಿನ್ 89 ಎಸೆತಗಳನ್ನು ಎದುರಿಸಿ 6 ಬೌಂಡರಿ ಸಹಿತ 37 ರನ್ ಬಾರಿಸಿ ಅಹ್ಮದ್ಗೆ ವಿಕೆಟ್ ಒಪ್ಪಿಸಿದರು. ಈ ವಿಕೆಟ್ ಪತನದ ಬೆನ್ನಲ್ಲೇ ಧೃವ್ ಜುರೆಲ್ ವಿಕೆಟ್ ಕೂಡ ಪತನಗೊಂಡಿತು. 104 ಎಸೆತಗಳನ್ನು ಎದುರಿಸಿದ ಅವರು 2 ಬೌಂಡರಿ ಹಾಗೂ 3 ಸಿಕ್ಸರ್ ಸಹಿತ 46 ರನ್ ಬಾರಿಸಿದರು. ಕೇವಲ 4 ರನ್ ಅಂತರದಲ್ಲಿ ಅರ್ಧಶತಕ ವಂಚಿತರಾದರು. ಇಂಗ್ಲೆಂಡ್ ಪರ ಮಾರಕ ಬೌಲಿಂಗ್ ದಾಳಿ ನಡೆಸಿದ ಮಾರ್ಕ್ ವುಡ್ 4 ವಿಕೆಟ್ ಕಿತ್ತರು.
5 ರನ್ ದಂಡ
ಈ ಪಂದ್ಯದಲ್ಲಿ ಭಾರತಕ್ಕೆ ಐದು(India handed five-run penalty) ರನ್ಗಳ ದಂಡ ವಿಧಿಸಲಾಯಿತು. ಇದಕ್ಕೆ ಕಾರಣ ಆರ್.ಅಶ್ವಿನ್ ಅವರು(Ravichandran Ashwin) ಪಿಚ್ನಲ್ಲಿ ಅಡ್ಡಾದಿಡ್ಡಿ ಓಡಾಡಿದ್ದು. ಭಾರತದ ಮೊದಲ ಇನಿಂಗ್ಸ್ನ 102 ನೇ ಓವರ್ನಲ್ಲಿ ಲೆಗ್ ಸ್ಪಿನ್ನರ್ ರೆಹಾನ್ ಅಹ್ಮದ್ ಬೌಲಿಂಗ್ ಮಾಡುವಾಗ ಈ ಘಟನೆ ಸಂಭವಿಸಿದೆ. ಇಂಗ್ಲೆಂಡ್ ತಂಡಕ್ಕೆ ಬ್ಯಾಟಿಂಗ್ ಇನಿಂಗ್ಸ್ ಆರಂಭಿಸುವ ಮುನ್ನವೇ 5 ರನ್ಗಳು ಲಭಿಸಿತು. ಎಂಸಿಸಿಯ ಕಾನೂನು 41.14.1 ಪ್ರಕಾರ ಉದ್ದೇಶಪೂರ್ವಕ ಪ್ರಕರಣ ಇದಾಗಿದೆ. 2016ರ ಭಾರತ ಹಾಗೂ ನ್ಯೂಝಿಲೆಂಡ್ ನಡುವಿನ ಇಂದೋರ್ ಟೆಸ್ಟ್ನಲ್ಲಿ, ರವೀಂದ್ರ ಜಡೇಜಾ ಮಾಡಿದ ತಪ್ಪಿಗೆ ಕಿವೀಸ್ಗೆ 5 ರನ್ ನೀಡಲಾಗಿತ್ತು.