ರಾಜ್ಕೋಟ್: ಟೀಮ್ ಇಂಡಿಯಾದ ಎಡಗೈ ಬ್ಯಾಟರ್ ಯಶಸ್ವಿ ಜೈಸ್ವಾಲ್(Yashasvi Jaiswal) ಇಂಗ್ಲೆಂಡ್(IND vs ENG) ವಿರುದ್ಧದ ಮೂರನೇ ಟೆಸ್ಟ್ನಲ್ಲಿ ದ್ವಿಶತಕ ಬಾರಿಸಿದ್ದಾರೆ. ಜತೆಗೆ ಸಿಕ್ಸರ್ ಮೂಲಕವೂ ದಾಖಲೆಯನ್ನು ಬರೆದಿದ್ದಾರೆ. ಈ ಮೂಲಕ ರೋಹಿತ್ ಶರ್ಮ ಹೆಸರಿನಲ್ಲಿದ್ದ ದಾಖಲೆಯೊಂದನ್ನು ಹಿಂದಿಕ್ಕಿದ್ದಾರೆ. ಜೈಸ್ವಾಲ್ ಅವರ 2 ನೇ ಟೆಸ್ಟ್ ದ್ವಿಶತಕ ಇದಾಗಿದೆ.
133 ಎಸೆತಗಳಿಂದ 104 ಗಳಿಸಿದ ವೇಳೆ ಬೆನ್ನು ನೋವಿನ ಕಾರಣದಿಂದ ಮೂರನೇ ದಿನದಾಟದಿಂದ ನಿವೃತ್ತರಾಗಿದ್ದ ಜೈಸ್ವಾಲ್ ನಾಲ್ಕನೇ ದಿನದಾಟದಲ್ಲಿ ವಿಸ್ಫೋಟಕ ಬ್ಯಾಟಿಂಗ್ ನಡೆಸಿ ಗಮನಸೆಳೆದರು. ಮೈದಾನದ ಮೂಲೆ ಮೂಲೆಗೂ ಸಿಕ್ಸರ್ ಮತ್ತು ಬೌಂಡರಿ ಬಾರಿಸಿ ನೆರದಿದ್ದ ಪ್ರೇಕ್ಷಕರಿಗೆ ಭರ್ಜರಿ ಮನರಂಜನೆ ಜತೆಗೆ ಆಂಗ್ಲ ಬೌಲರ್ಗಳ ಬೆವರಿಳಿಸಿದರು. ಅದರಲ್ಲೂ 41 ವರ್ಷದ ಅನುಭವಿ ಬೌಲರ್ ಜೇಮ್ಸ್ ಆ್ಯಂಡರ್ಸನ್ ಅವರಿಗೆ ಹ್ಯಾಟ್ರಿಕ್ ಸಿಕ್ಸರ್ಗಳ ಬಿಸಿ ಮುಟ್ಟಿಸಿದ್ದು ಪಂದ್ಯದ ಪ್ರಮುಖ ಆಕರ್ಷಣೆಯಾಗಿತ್ತು. ಒಟ್ಟು 214 ರನ್ ಬಾರಿಸಿ ಅಜೇಯರಾಗಿ ಉಳಿದರು.
HISTORY – Yashasvi Jaiswal becomes the FIRST Indian to hit 10 sixes in a Test innings 💥
— Kausthub Gudipati (@kaustats) February 18, 2024
10* – Yashasvi Jaiswal v ENG, 2024
8 – Navjot Sidhu v SL, 1994
8 – Mayank Agarwal v BAN, 2019 pic.twitter.com/785s53n3SF
10 ಸಿಕ್ಸರ್ ಬಾರಿಸಿದ ವೇಳೆ ಜೈಸ್ವಾಲ್ ನೂತನ ದಾಖಲೆಯೊಂದನ್ನು ತಮ್ಮ ಹೆಸರಿಗೆ ಬರೆದರು. ಭಾರತದ ಪರ ಟೆಸ್ಟ್ ಇನ್ನಿಂಗ್ಸ್‌ನಲ್ಲಿ ಅತಿ ಹೆಚ್ಚು ಸಿಕ್ಸರ್‌ಗಳನ್ನು ಬಾರಿಸಿದ ಆಟಗಾರನಾಗಿ ಮೂಡಿಬಂದರು. ಈ ಹಿಂದೆ 8 ಸಿಕ್ಸರ್ ಬಾರಿಸಿದ್ದ ನವಜೋತ್ ಸಿಂಗ್ ದಾಖಲೆ ಪತನಗೊಂಡಿತು.
ಭಾರತದ ಪರ ಟೆಸ್ಟ್ ಇನ್ನಿಂಗ್ಸ್‌ನಲ್ಲಿ ಅತಿ ಹೆಚ್ಚು ಸಿಕ್ಸರ್ ಬಾರಿಸಿದ ಆಟಗಾರರು
ಯಶಸ್ವಿ ಜೈಸ್ವಾಲ್-10* ಸಿಕ್ಸರ್ (2024 ಇಂಗ್ಲೆಂಡ್ ವಿರುದ್ಧ).
ನವಜೋತ್ ಸಿಂಗ್ ಸಿಧು- 8 ಸಿಕ್ಸರ್(1994 ಶ್ರೀಲಂಕಾ ವಿರುದ್ಧ).
ಮಯಾಂಕ್ ಅಗರ್ವಾಲ್-8 ಸಿಕ್ಸರ್(2019 ಬಾಂಗ್ಲಾದೇಶ ವಿರುದ್ಧ).
ರೋಹಿತ್ ದಾಖಲೆ ಪತನ
ಜೈಸ್ವಾಲ್ ಅವರು 10 ಸಿಕ್ಸರ್ ಬಾರಿಸುತ್ತಿದ್ದಂತೆ ಹಿಟ್ಮ್ಯಾನ್ ಖ್ಯಾತಿಯ ರೋಹಿತ್ ಶರ್ಮ ಅವರ ದಾಖಲೆಯನ್ನು ಹಿಂದಿಕ್ಕಿದ್ದಾರೆ. ಟೆಸ್ಟ್ ಸರಣಿಯೊಂದರಲ್ಲಿ ಅತಿ ಹೆಚ್ಚು ಸಿಕ್ಸರ್ ಬಾರಿಸಿದ ಭಾರತೀಯ ಆಟಗಾರರ ಪೈಕಿ ಜೈಸ್ವಾಲ್ ಅಗ್ರಸ್ಥಾನಕ್ಕೇರಿದ್ದಾರೆ. ಜೈಸ್ವಾಲ್ ಸದ್ಯ 20 ಸಿಕ್ಸರ್ ಬಾರಿಸಿದ್ದಾರೆ. ಇದಕ್ಕೂ ಮುನ್ನ ಈ ದಾಖಲೆ ರೋಹಿತ್ ಶರ್ಮ ಅವರ ಹೆಸರಿನಲ್ಲಿತ್ತು. ರೋಹಿತ್ 19 ಸಿಕ್ಸರ್ ಬಾರಿಸಿದ್ದರು. ಸರಣಿ ಆಡುತ್ತಿರುವ ರೋಹಿತ್ಗೆ ಮತ್ತೆ ಅಗ್ರಸ್ಥಾನಕ್ಕೇರುವ ಅವಕಾಶವಿದೆ. ಒಟ್ಟಾರೆ ಈ ಸರಣಿಯಲ್ಲಿ ಉಭಯ ಆಟಗಾರರ ಮಧ್ಯೆ ಸಿಕ್ಸರ್ ದಾಖಲೆಯ ಪೈಪೋಟಿಯೊಂದು ನಡೆಯಲಿದೆ.
ಇದನ್ನೂ ಓದಿ Yashasvi Jaiswal: ಜೈಸ್ವಾಲ್ ಸಿಕ್ಸರ್ಗೆ ಇಂಗ್ಲೆಂಡ್ ಡಗೌಟ್ನ ಕುರ್ಚಿ ಪೀಸ್ ಪೀಸ್
A phenomenal double century from Yashasvi Jaiswal 🔥#WTC25 #INDvENG pic.twitter.com/OrNDZ37bTM
— ICC (@ICC) February 18, 2024
ಭಾರತದ ಪರ ಟೆಸ್ಟ್ ಸರಣಿಯಲ್ಲಿ ಅತಿ ಹೆಚ್ಚು ಸಿಕ್ಸರ್ ಸಿಡಿಸಿದ ಆಟಗಾರರು
ಯಶಸ್ವಿ ಜೈಸ್ವಾಲ್-20* ಸಿಕ್ಸರ್
ರೋಹಿತ್ ಶರ್ಮ-19* ಸಿಕ್ಸರ್
ಹರ್ಭಜನ್ ಸಿಂಗ್-14 ಸಿಕ್ಸರ್
ನವಜೋತ್ ಸಿಂಗ್ ಸಿಧು-11 ಸಿಕ್ಸರ್