ಬೆಂಗಳೂರು: ಭಾರತ ತಂಡ ಪ್ರಸಕ್ತ ವಿಶ್ವಕಪ್ನಲ್ಲಿ ಆಡಿದ ಎಲ್ಲ 9 ಪಂದ್ಯಗಳನ್ನು ಗೆದ್ದು ಬೀಗಿದೆ. ದೇಶದ ಪ್ರಮುಖ 9 ತಾಣಗಳಲ್ಲಿ ಪಂದ್ಯವನ್ನಾಡಿದ ಟೀಮ್ ಇಂಡಿಯಾಕ್ಕೆ ಈ 9 ಸ್ಥಗಳಲ್ಲಿಯೂ ವಿಶೇಷ ರೀತಿಯ ಬೆಂಬಲ ಸಿಕ್ಕಿದೆ. ಪ್ರೇಕ್ಷಕರು ಶ್ರೀ ರಾಮನ ಜಪ, ಚಕ್ ದೇ! ಇಂಡಿಯಾ ಘೋಷಣೆ ಕೂಗುವ ಮೂಲಕ ಆಟಗಾರರನ್ನು ಹುರಿದುಂಬಿಸಿದ್ದರು. ಇದೀಗ ಬೆಂಗಳೂರಿನಲ್ಲಿ ನಡೆದ ನೆದರ್ಲೆಂಡ್ಸ್ ವಿರುದ್ಧದ ಕೊನೆಯ ಲೀಗ್ ಪಂದ್ಯದಲ್ಲಿ ಇಲ್ಲಿನ ಅಭಿಮಾನಿಗಳು ‘ವಂದೇ ಮಾತರಂ’ ಹಾಡನ್ನು(fans singing vande mataram) ಹಾಡುವ ಮೂಲಕ ಭಾರತ ತಂಡಕ್ಕೆ ಚಿಯರ್ ಅಪ್ ಮಾಡಿದ್ದಾರೆ. ಈ ವಿಡಿಯೊ ವೈರಲ್ ಆಗಿದೆ.
ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನೆರೆದಿದ್ದ ಅಭಿಮಾನಿಗಳು ಏಕಕಾಲದಲ್ಲಿ ‘ವಂದೇ ಮಾತರಂ’ ಹಾಡನ್ನು ಹಾಡಿದ್ದಾರೆ. ಅಭಿಮಾನಿಗಳ ಹಾಡಿದ ಸದ್ದಿಗೆ ಇಡೀ ಕ್ರೀಡಾಂಗಣವೇ ಪ್ರತಿಧ್ವನಿಸಿತ್ತು.
ಅಕ್ಟೋಬರ್ 14ರಂದು ಅಹಮದಾಬಾದ್ನ ನರೇಂದ್ರ ಮೋದಿ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದಿದ್ದ ಭಾರತ ಮತ್ತು ಪಾಕಿಸ್ತಾನ ನಡುವಣ ಪಂದ್ಯದ ವೇಳೆಯೂ ನರೆದಿದ್ದ ಪ್ರೇಕ್ಷಕರು ವಂದೇ ಮಾತರಂ ಹಾಡನ್ನು ಮತ್ತು ರಾಮ್ ಸಿಯಾ ರಾಮ್ ಹಾಡನ್ನು ಹಾಡಿ ಗಮನಸೆಳೆದಿದ್ದರು.
ಇದನ್ನೂ ಓದಿ Ravindra Jadeja: ಕುಂಬ್ಳೆ, ಯುವರಾಜ್ ದಾಖಲೆ ಮುರಿದ ರವೀಂದ್ರ ಜಡೇಜಾ
ಪಂದ್ಯದಲ್ಲಿ ಏನಾಯಿತು?
ವಿಶ್ವ ಕಪ್ನ ಲೀಗ್ ಹಂತದ ತನ್ನ ಕೊನೇ ಪಂದ್ಯದಲ್ಲಿ ಭಾರತ ತಂಡ ನೆದರ್ಲ್ಯಾಂಡ್ಸ್ (ind vs ned) ವಿರುದ್ಧ 160 ರನ್ಗಳಿಂದ ಜಯಗಳಿಸಿತು ಈ ಮೂಲಕ ರೋಹಿತ್ ಶರ್ಮಾ ನೇತೃತ್ವದ ಭಾರತ ತಂಡ ಹಾಲಿ ವಿಶ್ವ ಕಪ್ನ (ICC World Cup 2023) ಲೀಗ್ ಹಂತದ 9 ಪಂದ್ಯಗಳಲ್ಲಿ ಎಲ್ಲವನ್ನೂ ಗೆದ್ದು 18 ಅಂಕಗಳೊಂದಿಗೆ ಸೆಮಿ ಫೈನಲ್ಗೆ ಪ್ರವೇಶ ಪಡೆಯಿತು. ಉತ್ಸಾಹದಲ್ಲಿರುವ ಭಾರತ ಬಳಗ ಬುಧವಾರ (ನವೆಂಬರ್ 15) ನಡೆಯಲಿರುವ ಮೊದಲ ಸೆಮಿಫೈನಲ್ ಪಂದ್ಯದಲ್ಲಿ ಅಂಕಪಟ್ಟಿಯ ನಾಲ್ಕನೇ ಸ್ಥಾನಿ ನ್ಯೂಜಿಲ್ಯಾಂಡ್ ವಿರುದ್ಧ ಆಡಲಿದೆ.
ನೆದರ್ಲ್ಯಾಂಡ್ಸ್ ವಿರುದ್ಧ ಉತ್ತಮ ಪ್ರದರ್ಶನ ನೀಡಿದ ಭಾರತದ ಬ್ಯಾಟರ್ಗಳು ಈ ಗೆಲುವಿಗೆ ಕೊಡುಗೆ ಕೊಟ್ಟರು. ಕ್ರೀಸ್ಗೆ ಬಂದ ಎಲ್ಲಾ ಐದು ಬ್ಯಾಟರ್ಗಳು ಕನಿಷ್ಠ ಅರ್ಧ ಶತಕವನ್ನು ಗಳಿಸಿದರು. ಬೌಲರ್ಗಳಿಗೆ ಡಿಫೆಂಡ್ ಮಾಡಲು ಸಾಕಷ್ಟು ರನ್ಗಳನ್ನು ಹೊಂದಿಸಿದ್ದರು. ಮೊಹಮ್ಮದ್ ಸಿರಾಜ್ ಆರಂಭಿಕ ವಿಕೆಟ್ ಪಡೆದರೂ ವೇಗಿಗಳು ಹೆಚ್ಚು ಪ್ರಭಾವ ಬೀರಲು ಸಾಧ್ಯವಾಗಲಿಲ್ಲ. ದೊಡ್ಡ ಗುರಿ ಇದ್ದ ಕಾರಣವೇ ಗೆಲುವು ಸಾಧ್ಯವಾಯಿತು.
ಅಮಿತ್ ಶಾ ಅಭಿನಂದನೆ
ಲೀಗ್ ಪಂದ್ಯದಲ್ಲಿ ಎಲ್ಲ ಪಂದ್ಯಗಳನ್ನು ಗೆದ್ದು ದಾಖಲೆ ಬರೆದ ಭಾರತ ತಂಡಕ್ಕೆ ಕೇಂದ್ರ ಗೃಹ ಸಚಿನ ಅಮಿತ್ ಶಾ ಅವರು ಅಭಿನಂದನೆ ಸಲ್ಲಿಸಿದ್ದಾರೆ. ತಮ್ಮ ಅಧಿಕೃತ ಟ್ವಿಟರ್ ಎಕ್ಸ್ ಖಾತೆಯಲ್ಲಿ ಟೀಮ್ ಇಂಡಿಯಾದ ಫೋಟೊವನ್ನು ಹಾಕಿ ‘ಎಂತಹ ಅದ್ಬುತ ಪ್ರದರ್ಶನ’ !!, ನಮ್ಮ ಕ್ರಿಕೆಟ್ ತಂಡ ವಿಶ್ವಕಪ್ನಲ್ಲಿ ಗೆಲುವಿನ ಓಟ ಮುಂದುವರಿಸಿದೆ. ಅವರಿಗೆ ಅಭಿನಂದನೆಗಳು ಮತ್ತು ಸೆಮಿಫೈನಲ್‌ಗೆ ಶುಭಾಶಯಗಳು” ಎಂದು ಬರೆದುಕೊಂಡಿದ್ದಾರೆ. ನವೆಂಬರ್ 15ರಂದು ವಾಂಖೆಡೆಯಲ್ಲಿ ನಡೆಯುವ ಸೆಮಿಫೈನಲ್ ಪಂದ್ಯದಲ್ಲಿ ಭಾರತ ತಂಡ ನ್ಯೂಜಿಲ್ಯಾಂಡ್ ಸವಾಲು ಎದುರಿಸಲಿದೆ.
What a splendid performance!!
— Amit Shah (@AmitShah) November 12, 2023
Our cricket team continues its winning streak in the World Cup. Congratulations to them and best wishes for the semifinal. #INDvNED pic.twitter.com/ShJGCbwYLA