ರಾಯ್ಪುರ: ನ್ಯೂಜಿಲ್ಯಾಂಡ್(IND VS NZ) ವಿರುದ್ಧದ ದ್ವಿತೀಯ ಏಕದಿನ ಪಂದ್ಯದಲ್ಲಿ ಭಾರತ 8 ವಿಕೆಟ್ಗಳ ಗೆಲುವು ಸಾಧಿಸಿ ಸಂತಸದ ಅಲೆಯಲ್ಲಿ ತೇಲುತ್ತಿದೆ. ಆದರೆ ಪಂದ್ಯದ ಬಳಿಕ ಟೀಮ್ ಇಂಡಿಯಾ ಆಟಗಾರರು ಸೇವಿಸುವ ಫುಡ್ ಮೆನುವಿನ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಟೀಮ್ ಇಂಡಿಯಾದ ಸ್ಪಿನ್ನರ್ ಯಜುವೇಂದ್ರ ಚಹಲ್ ಅವರು ತಮ್ಮ ಚಹಲ್ ಟೀವಿಯ ಕಾರ್ಯಕ್ರಮದ ಭಾಗವಾಗಿ ಆಟಗಾರರು ಸೇವಿಸಲಿರುವ ಫುಟ್ ಮೆನುವಿನ ಪರಿಚಯ ಮಾಡಿದ್ದಾರೆ. ಈ ವಿಡಿಯೊವನ್ನು ಬಿಸಿಸಿಐ ತನ್ನ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಹಂಚಿಕೊಂಡಿದೆ.
ಪಂದ್ಯ ಮುಕ್ತಾಯದ ಬಳಿಕ ಚಹಲ್ ಅವರು ಡ್ರೆಸ್ಸಿಂಗ್ ರೂಮ್‌ಗೆ ಭೇಟಿ ನೀಡಿ ಮೊದಲಿಗೆ ಆಟಗಾರರು ಬಳಸಿದ ಕಿಟ್ ಬ್ಯಾಗ್‌ಗಳು, ಡ್ರೆಸ್ಸಿಂಗ್ ಕೋಣೆಯನ್ನು ವಿಡಿಯೋದಲ್ಲಿ ತೋರಿಸಿದ್ದಾರೆ. ಇದಾದ ನಂತರ ಫುಟ್ ಸೆಕ್ಷನ್ಗೆ ತೆರಳಿ ಆಟಗಾರರಿಗೆ ಏನೆಲ್ಲಾ ಮೆನು ಇದೆ ಎಂಬುದನ್ನು ತೋರಿಸಿದ್ದಾರೆ.
“ನಾವು ನಿಮ್ಮನ್ನು ಫುಡ್ ಸೆಕ್ಷನ್ಗೆ ಕರೆದೊಯ್ಯುತ್ತಿದ್ದೇನೆ. ನಾವು ಏನು ತಿನ್ನುತ್ತೇವೆ ಎಂದು ನೀವು ಆಶ್ಚರ್ಯ ಪಡುತ್ತಿರಬೇಕು. ಇದೀಗ ನಮ್ಮ ಫುಡ್ ಮೆನುವಿನಲ್ಲಿ ನಾನ್, ಸ್ಟೀಮ್ ರೈಸ್, ಜೀರಾ ರೈಸ್, ದಾಲ್ ಟೊಮ್ಯಾಟೊ, ಆಲೂಗಡ್ಡೆ ಜೀರಾ, ಪನೀರ್ ಟೊಮೆಟೊ, ಗ್ರೀನ್ ವೆಜಿಟೇಬಲ್ಸ್, ಪಾಸ್ಟಾ ಆಂಡ್ ಮಿಕ್ಸ್ ಸಾಸ್, ಹಕ್ಕಾ ನೂಡಲ್ಸ್ ಇದೆ” ಎಂದು ಚಹಲ್ ವಿಡಿಯೊದಲ್ಲಿ ತೋರಿಸಿದ್ದಾರೆ. ಈ ವಿಡಿಯೊ ವೈರಲ್ ಆಗಿದೆ.
ತಮಾಷೆ ಮಾಡಿದ ರೋಹಿತ್
ಡ್ರೆಸಿಂಗ್ಸ್ ರೋಮ್ನಲ್ಲಿ ಆಟಗಾರರಿಗೆ ಏನೆಲ್ಲ ವ್ಯವಸ್ಥೆ ಇರಲಿದೆ ಎನ್ನುವ ವಿಚಾರವನ್ನು ಹೇಳುತ್ತಿದ್ದ ವೇಳೆ ಇಲ್ಲಿಗೆ ಆಗಮಿಸಿದ ನಾಯಕ ರೋಹಿತ್ ಶರ್ಮಾ ಚಹಲ್ ಜತೆ ತಮಾಷೆ ಮಾಡಿದ್ದಾರೆ. “ನಿಮಗೆ ಉತ್ತಮ ಭವಿಷ್ಯವಿದೆ” ಎಂದು ಗೇಲಿ ಮಾಡಿದ್ದಾರೆ.
ಇದನ್ನೂ ಓದಿ | IND VS NZ: ಭಾರತ ತಂಡವನ್ನು ನೋಡಿ ಕಲಿಯಿರಿ; ಪಾಕ್ ಕ್ರಿಕೆಟ್ ತಂಡಕ್ಕೆ ರಮೀಜ್ ರಾಜಾ ಖಡಕ್ ಸಂದೇಶ