ರಾಯ್ಪುರ: ಪ್ರವಾಸಿ ನ್ಯೂಜಿಲ್ಯಾಂಡ್(IND VS NZ) ವಿರುದ್ಧ ಶನಿವಾರ ರಾಯ್ಪುರದಲ್ಲಿ ನಡೆದ ದ್ವಿತೀಯ ಏಕದಿನ ಪಂದ್ಯದಲ್ಲಿ ಟೀಮ್ ಇಂಡಿಯಾದ ಆಲ್ರೌಂಡರ್ ಹಾರ್ದಿಕ್ ಪಾಂಡ್ಯ ಹಿಡಿದ ಕ್ಯಾಚ್ವೊಂದರ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಹಾರ್ದಿಕ್ ಪಾಂಡ್ಯ ಎಸೆದ ಭಾರತದ ಇನಿಂಗ್ಸ್ನ 10ನೇ ಓವರ್ನ 4ನೇ ಎಸೆತವನ್ನು ಡೆವೋನ್ ಕಾನ್ವೆ ಸ್ಟ್ರೈಟ್ ಡ್ರೈವ್ ಮೂಲಕ ಬಾರಿಸಿದರು. ಆದರೆ ಮಿಂಚಿನ ವೇಗದಲ್ಲಿ ಒಂದೇ ಕೈಯಲ್ಲಿ ಕ್ಯಾಚ್ ಪಡೆದ ಹಾರ್ದಿಕ್ ಪಾಂಡ್ಯ, ಕಾನ್ವೆಗೆ ಪೆವಿಲಿಯನ್ ದಾರಿ ತೋರಿಸಿದರು. ಈ ಕ್ಯಾಚ್ ಕಂಡ ಪ್ರೇಕ್ಷಕರು ಒಂದು ಕ್ಷಣ ನಿಬ್ಬೆರಗಾದರು. ಜತೆಗೆ ಟೀಮ್ ಇಂಡಿಯಾ ಆಟಗಾರರೂ ಕೂಡ ಅಚ್ಚರಿಗೊಂಡರು.
ಹಾರ್ದಿಕ್ ಪಾಂಡ್ಯ ಅವರು ಹಿಡಿದ ಈ ಕ್ಯಾಚ್ನ ವಿಡಿಯೊವನ್ನು ಬಿಸಿಸಿಐ ತನ್ನ ಅಧಿಕೃತ ಟ್ವಿಟರ್ನಲ್ಲಿ ಹಂಚಿಕೊಂಡಿದ್ದು ಇದೊಂದು ಅದ್ಭುತ ಕ್ಯಾಚ್, ವರ್ಣಿಸಲು ಅಸಾಧ್ಯ ಎಂದು ಶೀರ್ಷಿಕೆ ನೀಡಿದೆ. ಪಾಂಡ್ಯ ಈ ಪಂದ್ಯದಲ್ಲಿ 6 ಓವರ್ ಬೌಲಿಂಗ್ ನಡೆಸಿ ಮೂರು ಮೇಡನ್ ಸಹಿತ 16 ರನ್ಗೆ 2 ವಿಕೆಟ್ ಕಿತ್ತು ಮಿಂಚಿದರು.
ಇದನ್ನೂ ಓದಿ | IND VS NZ: ಮೈದಾನಕ್ಕೆ ನುಗ್ಗಿದ ಅಭಿಮಾನಿ; ಗಾಬರಿಯಾದ ರೋಹಿತ್ ಶರ್ಮಾ; ವಿಡಿಯೊ ವೈರಲ್