ಅಡಿಲೇಡ್: ಐಸಿಸಿ ಟಿ20 ವಿಶ್ವ ಕಪ್ನ ಸೂಪರ್-12 ಪಂದ್ಯದಲ್ಲಿ ಬಾಂಗ್ಲಾದೇಶ ತಂಡದ ವಿರುದ್ಧ ಟೀಮ್ ಇಂಡಿಯಾ ರೋಚಕ 5 ರನ್ ಅಂತರದ ಗೆಲುವು ಸಾಧಿಸಿದೆ. ಆದರೆ ಭಾರತದ ಗೆಲುವಿಗೆ ದಕ್ಷಿಣ ಆಫ್ರಿಕಾದ ಅಂಪೈರ್ ಮಾರಿಸ್ ಎರಾಸ್ಮಸ್ ವಿರುದ್ಧ ಪಾಕಿಸ್ತಾನ(IND VS PAK ) ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ವಿರಾಟ್ ಕೊಹ್ಲಿಗೆ ನೋಬಾಲ್ ನೀಡಿದ್ದೇ ಪಾಕಿಸ್ತಾನ ಅಭಿಮಾನಿಗಳು ಮಾರಿಸ್ ಎರಾಸ್ಮಸ್ ಮೇಲೆ ಕೋಪ ಮಾಡಿಕೊಳ್ಳಲು ಕಾರಣವಾಗಿದೆ. ಕಳೆದ ಭಾರತ ಮತ್ತು ಪಾಕ್ ಪಂದ್ಯದ ವೇಳೆಯೂ ವಿರಾಟ್ ಕೊಹ್ಲಿಗೆ ನೋಬಾಲ್ ನೀಡಿದ್ದು ಪಂದ್ಯದ ಗತಿಯನ್ನೇ ಬದಲಿಸಿತ್ತು. ಇದೀಗ ಬಾಂಗ್ಲಾ ವಿರುದ್ಧವು ವಿರಾಟ್ ಕೊಹ್ಲಿಗೆ ನೋಬಾಲ್ ನೀಡಿದ್ದೇ ಬಾಂಗ್ಲಾ ಸೋಲಿಗೆ ಪ್ರಮುಖ ಕಾರಣ ಎಂದು ಪಾಕ್ ಅಭಿಮಾನಿಗಳು ಹೇಳಿದ್ದಾರೆ.
ಟ್ವಿಟರ್ನಲ್ಲಿ ಈ ಕುರಿತು ಪಾಕಿಸ್ತಾನ ಅಭಿಮಾನಿಗಳು ಸರಣಿ ಟ್ವೀಟ್ ಮಾಡಿದ್ದು, ಭಾರತ ತಂಡ ಸೆಮಿಫೈನಲ್‌ಗೇರಬೇಕೆಂದೇ ಮಾರಿಸ್ ಎರಾಸ್ಮಸ್ ನೋಬಾಲ್ ನೀಡಿದ್ದಾರೆ. ಪಾಕಿಸ್ತಾನ ತಂಡಕ್ಕೆ ಮಾಡಿದ ಮೋಸ ಇದಾಗಿದೆ. ಒಂದೊಮ್ಮೆ ಭಾರತ ಸೋತಿದ್ದರೆ ಪಾಕಿಸ್ತಾನ ಸೆಮಿಫೈನಲ್ ಆಸೆ ಜೀವಂತವಿರುತ್ತಿತ್ತು. ಇದೀಗ ಭಾರತ ತಂಡ ಗೆದ್ದ ಕಾರಣ ಪಾಕಿಸ್ತಾನ ಬಹುತೇಕ ಈ ಬಾರಿಯ ಟಿ20 ವಿಶ್ವ ಕಪ್ನಿಂದ ಹೊರಬಿದ್ದಂತಾಗಿದೆ. ಈ ಕೋಪಕ್ಕೆ ಮಾರಿಸ್ ಎರಾಸ್ಮಸ್ ಮೇಲೆ ಪಾಕಿಸ್ತಾನಿಗಳು ಗೂಬೆ ಕೂರಿಸಿದ್ದಾರೆ.
ಇದನ್ನೂ ಓದಿ | Virat Kohli | ಕಿಂಗ್ ಕೊಹ್ಲಿ ಈಗ ಟಿ20 ವಿಶ್ವ ಕಪ್ ಟಾನ್ ರನ್ ಸರದಾರ!