ಕರಾಚಿ: ಏಷ್ಯಾ ಕಪ್ ಆಡುವ ವಿಚಾರದಲ್ಲಿ ಬಿಸಿಸಿಐ ಮತ್ತು ಪಾಕ್ ಕ್ರಿಕೆಟ್ ಮಂಡಳಿ(IND VS PAK) ಮುಸುಕಿನ ಗುದ್ದಾಟ ನಡೆಸುತ್ತಿವೆ. ಈ ಮಧ್ಯೆ ಪಾಕಿಸ್ತಾನದ ಇಬ್ಬರು ಅಭಿಮಾನಿಗಳು ಭಾರತ ತಂಡದ ಮಾಜಿ ನಾಯಕ ವಿರಾಟ್ ಕೊಹ್ಲಿಗೆ ವಿಶೇಷ ಆಹ್ವಾನ ನೀಡಿದ್ದಾರೆ.
ಮುಲ್ತಾನ್ನಲ್ಲಿ ಸೋಮವಾರ (ಡಿಸೆಂಬರ್ 12) ಮುಕ್ತಾಯ ಕಂಡ ಇಂಗ್ಲೆಂಡ್ ಮತ್ತು ಪಾಕಿಸ್ತಾನ ವಿರುದ್ಧದ ದ್ವಿತೀಯ ಟೆಸ್ಟ್ ಪಂದ್ಯದ ವೇಳೆ ಪಾಕಿಸ್ತಾನದ ಇಬ್ಬರು ಅಭಿಮಾನಿಗಳು ಪೋಸ್ಟರ್ ಹಿಡಿದು ವಿರಾಟ್ ಕೊಹ್ಲಿಗೆ ಪಾಕಿಸ್ತಾನ ಆತಿಥ್ಯದಲ್ಲಿ ನಡೆಯುವ ಏಷ್ಯಾಕಪ್ನಲ್ಲಿ ಆಡುವಂತೆ ಮನವಿ ಮಾಡಿದ್ದಾರೆ.
“ಹಾಯ್! ಕಿಂಗ್ ಕೊಹ್ಲಿ, ಏಷ್ಯಾ ಕಪ್ ಆಡಲು ಬನ್ನಿ. ನಾವು ನಮ್ಮ ನಾಯಕ ಬಾಬರ್‌ ಅಜಂಗಿಂತ ಹೆಚ್ಚಾಗಿ ನಿಮ್ಮನ್ನು ಪ್ರೀತಿಸುತ್ತೇವೆ,” ಎಂಬ ಭಾವನಾತ್ಮಕ ಸಂದೇಶ ಬರೆದು ಪ್ರದರ್ಶಿಸಿದ್ದಾರೆ. ಈ ಫೋಟೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಸದ್ಯ ಪಾಕಿಸ್ತಾನದಲ್ಲಿ ಭಾರತ ತಂಡ ಏಷ್ಯಾ ಕಪ್ ಆಡಲಿದೆಯಾ ಅಥವಾ ಈ ಟೂರ್ನಿ ತಟಸ್ಥ ತಾಣದಲ್ಲಿ ನಡೆಯಲಿದೆಯಾ ಎಂಬ ಕುರಿತು ಇನ್ನಷ್ಟೇ ಅಧಿಕೃತ ನಿರ್ಧಾರ ಪ್ರಕಟಗೊಳ್ಳಬೇಕಿದೆ.
ಇದನ್ನೂ ಓದಿ | IND VS BAN | 12 ವರ್ಷಗಳ ಬಳಿಕ ಟೀಮ್ ಇಂಡಿಯಾ ಪರ ಅವಕಾಶ ಪಡೆದ ಉನಾದ್ಕತ್; ಪತ್ನಿಯಿಂದ ಭಾವನಾತ್ಮಕ ಪೋಸ್ಟ್