ಪರ್ತ್: ಟೀಮ್ ಇಂಡಿಯಾದ ಸ್ಪಿನ್ನರ್ ಯಜ್ವೇಂದ್ರ ಚಹಲ್ ಒಂದಲ್ಲ ಒಂದು ತರ್ಲೆ ವಿಚಾರದಲ್ಲಿ ಸುದ್ದಿಯಾಗುತ್ತಾರೆ. ಆದರೆ ಈ ಬಾರಿ ಮಾತ್ರ ಮೈದಾನದಲ್ಲೇ ಅಂಪೈರ್ಗೆ ಮುಂಗಾಲಿನಿಂದ ಗುದ್ದಿದ್ದಲ್ಲದೆ, ಹೊಡೆಯಲು ಮುಂದಾಗಿ ಎಲ್ಲಡೆ ಸುದ್ದಿಯಾಗಿದ್ದಾರೆ. ಈ ಘಟನೆ ನಡಿದಿದ್ದು ದಕ್ಷಿಣ ಆಫ್ರಿಕಾ(IND VS SA) ವಿರುದ್ಧದ ಭಾನುವಾರದ ಟಿ20 ವಿಶ್ವ ಕಪ್ನ ಸೂಪರ್-12 ಪಂದ್ಯದ ವೇಳೆ.
ಅಷ್ಟಕ್ಕೂ ಚಹಲ್ ಅಂಪೈರ್ಗಳ ಮೇಲೆ ಕೈ ಮಿಲಾಯಿಸಲು ಕಾರಣ ಏನೂ ಇಲ್ಲ. ಜಸ್ಟ್‌ ಫಾರ್‌ ಕಾಮಿಡಿ ಪರ್ತ್ ಮೈದಾನದಲ್ಲಿ ಭಾರತ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸುತ್ತಿದ್ದ ವೇಳೆ ಡ್ರಿಂಕ್ಸ್ ವಿರಾಮ ಘೋಷಿಸಲಾಗಿತ್ತು. ಈ ವೇಳೆ ಮೈದಾನಕ್ಕೆ ಪಂತ್ ಜತೆ ವಾಟರ್ ಬಾಯ್ ಆಗಿ ಮೈದಾನಕ್ಕೆ ಬಂದ ಚಹಲ್ ಅಂಪೈರ್ಗೆ ಮೊದಲು ಕಾಲಿನಿಂದ ಒದೆಯಲು ಮುಂದಾಗಿದ್ದಾರೆ ಇಷ್ಟಕ್ಕೂ ಸುಮ್ಮನಾಗದ ಚಹಲ್ ಬಳಿಕ ಕೈಯಿಂದ ಪಂಚ್ ಮಾಡಲು ಮುಂದಾಗಿದ್ದಾರೆ. ಈ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಚಹಲ್ ಈ ರೀತಿ ಮೈದಾನದಲ್ಲಿ ವರ್ತಿಸಿದ್ದು ಯಾಕೆ ಎಂದರೆ ಕೇವಲ ತಮಾಷೆಗಾಗಿ. ಚಹಲ್ ತರ್ಲೆಯಿಂದ ಬೇಸತ್ತ ಅಂಪೈರ್ ಸಾಕ್ಕಪ್ಪಾ ಸಾಕು ನಿನ್ನ ತರ್ಲೆ ಎನ್ನುವ ರೀತಿಯಲ್ಲಿ ಚಹಲ್ ಅವರನ್ನು ಖುಷಿಯಿಂದಲೇ ಮೈದಾನದಿಂದ ಹೊರ ಹೋಗುವಂತೆ ಹೇಳಿದ್ದಾರೆ. ಚಹಲ್ ಈ ರೀತಿ ತರ್ಲೆ ಮಾಡುತ್ತಿರುವುದು ಇದೇ ಮೊದಲ್ಲ ಕಳೆದ ದಕ್ಷಿಣ ಆಫ್ರಿಕಾ ತಂಡ ಭಾರತ ಪ್ರವಾಸದ ವೇಳೆಯೂ ಇದೇ ವಿಚಾರವಾಗಿ ಸುದ್ದಿಯಾಗಿದ್ದರು. ಈ ವೇಳೆ ದಕ್ಷಿಣ ಆಫ್ರಿಕಾ ಸ್ಪಿನ್ನರ್ ತಬ್ರೆಜ್ ಶಮ್ಸಿಗೆ ಕಾಲಿನಿಂದ ಒದ್ದಿದ್ದರು. ಇದೀಗ ಅಂಪೈರ್ಗೆ ತರ್ಲೆ ಮಾಡಿದ ವಿಡಿಯೊ ವೈರಲ್ ಆಗಿದೆ.
ಇದನ್ನೂ ಓದಿ | T20 World Cup | ರೋಚಕ ಪಂದ್ಯದಲ್ಲಿ ಜಿಂಬಾಬ್ವೆ ವಿರುದ್ಧ ಬಾಂಗ್ಲಾಗೆ 3 ರನ್ ಜಯ, ಕೊನೇ ಓವರ್‌ನಲ್ಲಿ ಹೈಡ್ರಾಮಾ