ಬಾರ್ಬಡಾಸ್: ಚೈನಾಮನ್‌ ಖ್ಯಾತಿಯ ಬೌಲರ್ ಕುಲ್ದೀಪ್ ಯಾದವ್(kuldeep yadav) ಅವರು ವೆಸ್ಟ್ ಇಂಡೀಸ್(IND vs WI) ವಿರುದ್ಧದ ಮೊದಲ ಪಂದ್ಯದಲ್ಲಿ 4 ವಿಕೆಟ್ ಕಿತ್ತು ಭಾರತ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ್ದು ಮಾತ್ರವಲ್ಲದೆ, ವಿಂಡೀಸ್ ನೆಲದಲ್ಲಿ ನೂತನ ದಾಖಲೆಯೊಂದನ್ನು ಬರೆದಿದ್ದಾರೆ.
ಬಾರ್ಬಡೋಸ್‌ನ ಕೆನ್ಸಿಂಗ್ಟನ್ ಓವಲ್ ಸ್ಟೇಡಿಯಂನಲ್ಲಿ(Kensington Oval, Bridgetown, Barbados) ಗುರುವಾರ ನಡೆದ ಮೊದಲ ಏಕದಿನ ಪಂದ್ಯದಲ್ಲಿ ಕುಲ್ದೀಪ್ ಶ್ರೇಷ್ಠ ಮಟ್ಟದ ಬೌಲಿಂಗ್ ನಡೆಸಿ ವಿಂಡೀಸ್ ಬೌಲರ್ಗಳನ್ನು ಕಟ್ಟಿಹಾಕಿದರು. 3 ಓವರ್ ನಡೆಸಿದ ಅವರು 2 ಮೇಡನ್ ಸಹಿತ ಕೇವಲ 6 ರನ್ ಬಿಟ್ಟುಕೊಟ್ಟು 4 ವಿಕೆಟ್ ಕೆಡವಿದರು. ಇದೇ ವೇಳೆ ವಿಂಡೀಸ್ ನೆಲದಲ್ಲಿ ಅತಿ ಕಡಿಮೆ ರನ್ ನೀಡಿ ಹೆಚ್ಚು ವಿಕೆಟ್ ಪಡೆದ ಮೊದಲ ಭಾರತೀಯ ಬೌಲರ್ ಎಂಬ ಹಿರಿಮೆಗೆ ಪಾತ್ರರಾದರು. ಇದಕ್ಕೀ ಮುನ್ನ ಚಹಾಲ್ (17ಕ್ಕೆ 4), ಅಮಿತ್ ಮಿಶ್ರಾ (31ಕ್ಕೆ 4), ಭುವನೇಶ್ವರ್ ಕುಮಾರ್ (31ಕ್ಕೆ4), ಮತ್ತು ಮೊಹಮ್ಮದ್ ಶಮಿ (48ಕ್ಕೆ4) ವಿಕೆಟ್ ಪಡೆದ ಸಾಧನೆ ಮಾಡಿದ್ದರು. ಆದರೆ ಕುಲ್ದೀಪ್ ಇವರೆಲ್ಲರಿಗಿಂದ ಕಡಿಮೆ ರನ್ ನೀಡಿ 4 ವಿಕೆಟ್ ಪಡೆದು ಅಗ್ರಸ್ಥಾನ ಪಡೆದಿದ್ದಾರೆ.
ಇದನ್ನೂ ಓದಿ IND vs WI: ಕಪಿಲ್ ದೇವ್ ಹೆಸರಲ್ಲಿದ್ದ 30 ವರ್ಷದ ದಾಖಲೆ ಮುರಿದ ರವೀಂದ್ರ ಜಡೇಜಾ
Kuldeep Yadav produced his second best bowling figures during the first #WIvIND ODI 🙌 pic.twitter.com/KNp5ccgKPN
— ICC (@ICC) July 28, 2023
ಕುಲ್ದೀಪ್ ಈ ಸಾಧನೆ ಜತೆಗೆ ಮತ್ತೊಂದು ದಾಖಲೆಯನ್ನು ಕೂಡ ತಮ್ಮ ಹೆಸರಿಗೆ ಬರೆದಿದ್ದಾರೆ. ರವೀಂದ್ರ ಜಡೇಜಾ(ravindra jadeja) ಮತ್ತು ಕುಲ್ದೀಪ್ ಸೇರಿಕೊಂಡು ಒಟ್ಟು 7 ವಿಕೆಟ್ ಪಡೆಯುವುದರೊಂದಿಗೆ ಏಕದಿನದಲ್ಲಿ 7 ಅಥವಾ ಅದಕ್ಕಿಂತ ಹೆಚ್ಚು ವಿಕೆಟ್ ಪಡೆದ ಭಾರತದ ಮೊದಲ ಎಡಗೈ ಸ್ಪಿನ್ನರ್ ಜೋಡಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಜಡೇಜಾ ಅವರು 3 ವಿಕೆಟ್ ಪಡೆಯುವ ಮೂಲಕ ವಿಂಡೀಸ್ ನೆಲದಲ್ಲಿ 30 ವರ್ಷಗಳ ಹಿಂದೆ ನಿರ್ಮಿಸಿದ್ದ ಕಪಿಲ್ ದೇವ್ ಅವರ ದಾಖಲೆಯೊಂದನ್ನು ಮುರಿದಿದ್ದಾರೆ.
Kuldeep Yadav's best ODI performances 🎩
— ESPNcricinfo (@ESPNcricinfo) July 27, 2023
Is he a sure-shot entry in the starting XI for the World Cup? pic.twitter.com/TvL3wKfzzT
ಸರಿಯಾಗಿ ಅವಕಾಶ ಸಿಗದೆ ತಂಡದಿಂದ ದೂರ ಉಳಿದಿದ್ದ ಕುಲ್ದೀಪ್ ಈ ಪಂದ್ಯದಲ್ಲಿ ಉತ್ಕೃಷ್ಟ ಮಟ್ಟದ ಬೌಲಿಂಗ್ ನಡೆಸಿ ತಮ್ಮ ಆಯ್ಕೆಯನ್ನು ಸಮರ್ಥಿಸಿಸಿಕೊಂಡರು. ಈ ಮೂಲಕ ತಾನು ಕೂಡ ಏಕದಿನ ವಿಶ್ವಕಪ್ ರೇಸ್ನಲ್ಲಿದ್ದೇನೆ ಎಂಬ ಸ್ಪಷ್ಟ ಸಂದೇಶವೊಂದನ್ನು ನೀಡಿದ್ದಾರೆ. 2018ರಲ್ಲಿ ಇಂಗ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ ಕುಲ್ದೀಪ್ 25 ರನ್ಗೆ 6 ವಿಕೆಟ್ ಕಿತ್ತ ಸಾಧನೆ ಮಾಡಿದ್ದರು.