ರೊಸೇಯೂ (ಡೊಮಿನಿಕಾ): ರೋಹಿತ್ ಶರ್ಮಾ(Rohit Sharma) ಮತ್ತು ಯಶಸ್ವಿ ಜೈಸ್ವಾಲ್(Yashasvi Jaiswal) ವೆಸ್ಟ್ ಇಂಡೀಸ್ನಲ್ಲಿ(IND vs WI) ದ್ವಿಶತಕದ ಜತೆಯಾಟ ನಡೆಸಿದ ಮೊದಲ ಭಾರತೀಯ ಆರಂಭಿಕ ಜೋಡಿ ಎಂದ ದಾಖಲೆ ಬರೆದಿದ್ದಾರೆ. 2006ರಲ್ಲಿ ವಾಸಿಂ ಜಾಫರ್-ವಿರೇಂದ್ರ ಸೆಹವಾಗ್ ಜೋಡಿ 159 ರನ್ ಪೇರಿಸಿದ್ದು ಹಿಂದಿನ ಗರಿಷ್ಠ ಜತೆಯಾಟವಾಗಿತ್ತು. ಇದೀಗ ಈ ದಾಖಲೆ ಪತನಗೊಂಡಿದೆ.
ಮೊದಲ ದಿನದಾಟದಲ್ಲಿ ಎಚ್ಚರಿಕೆಯ ಬ್ಯಾಟಿಂಗ್ ಮೂಲಕ ಭಾರತಕ್ಕೆ ದಿಟ್ಟ ಆರಂಭ ಒದಗಿಸಿದ್ದ ರೋಹಿತ್-ಜೈಸ್ವಾಲ್ ಕ್ರಮವಾಗಿ 30 ಮತ್ತು 40 ರನ್ಗಳಿಂದ 2ನೇ ದಿನ ಇನಿಂಗ್ಸ್ ಮುಂದುವರಿಸಿದರು. ದ್ವಿತೀಯ ದಿನದಾಟದಲ್ಲಿ ತಾಳ್ಮೆಯುತ ಬ್ಯಾಟಿಂಗ್ ನಡೆಸಿದ ಈ ಜೋಡಿ ಶತಕ ಬಾರಿಸಿ ಸಂಭ್ರಮಿಸಿತು. ಜತೆಗೆ ಮೊದಲ ವಿಕೆಟ್ಗೆ 229 ರನ್ಗಳ ಜತೆಯಾಟ ನಡೆಸಿತು. ಈ ಮೂಲಕ ಏಷ್ಯಾದ ಹೊರಗೆ ಗರಿಷ್ಠ ಮೊತ್ತದ ಜತೆಯಾಟ ನಡೆಸಿದ ಮೊದಲ ಭಾರತೀಯ ಆರಂಭಿಕ ಜೋಡಿ ಎಂಬ ಹಿರಿಮೆಗೂ ಪಾತ್ರರಾದರು.
ಈ ಜೋಡಿಯನ್ನು ಬೇರ್ಪಡಿಸಲು ವಿಂಡೀಸ್ ತಂಡ 8 ಬೌಲರ್ಗಳನ್ನು ಕಣಕ್ಕಿಳಿಸಿತು. ಜೈಸ್ವಾಲ್ 215 ಎಸೆತಗಳಲ್ಲಿ ಚೊಚ್ಚಲ ಶತಕ ಸಿಡಿಸಿ ಟೆಸ್ಟ್ಗೆ ಪದಾರ್ಪಣೆ ಮಾಡಿದರು. ರೋಹಿತ್ ಶರ್ಮ 103 ರನ್ ಗಳಿಸಿ ಔಟಾದರು. ಇದು ರೋಹಿತ್ ಅವರ 10ನೇ ಟೆಸ್ಟ್ ಶತವಾಗಿದೆ. 62 ರನ್ ಗಳಿಸಿದ ವೇಳೆ ಅವರು ಟೆಸ್ಟ್ ಕ್ರಿಕೆಟ್ನಲ್ಲಿ 3500 ರನ್ ಪೂರೈಸಿದ ದಾಖಲೆಯನ್ನು ಬರೆದರು. ಉಭಯ ಆಟಗಾರರ ಈ ಶತಕ ಸಾಹಸದಿಂದ ಭಾರತ ಮೊದಲ ಟೆಸ್ಟ್ನ ಮೊದಲ ಇನಿಂಗ್ಸ್ನಲ್ಲಿ ಭರ್ಜರಿ ಮುನ್ನಡೆ ಸಾಧಿಸಿದೆ.
ಮೊದಲ ದಿನದ ಅಂತ್ಯಕ್ಕೆ 80 ರನ್ ಗಳಿಸಿದ್ದಲ್ಲಿಂದ ದ್ವಿತೀಯ ದಿನದ ಆಟ ಮುಂದುವರಿಸಿದ ಭಾರತ ಉತ್ತಮ ಪ್ರದರ್ಶನವನ್ನೇ ತೋರಿತು. ಸದ್ಯ ಭಾರತ 312 ರನ್ ಗಳಿಸಿ 162 ರನ್ಗಳ ಮುನ್ನಡೆ ಪಡೆದುಕೊಂಡಿದೆ. ವಿರಾಟ್ ಕೊಹ್ಲಿ (36*) ಮತ್ತು ಜೈಸ್ವಾಲ್(143*) ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ.
ಇದನ್ನೂ ಓದಿ IND vs WI: ಟೆಸ್ಟ್ ಕ್ರಿಕೆಟ್ನಲ್ಲಿ ನೂತನ ಮೈಲುಗಲ್ಲು ತಲುಪಿದ ರೋಹಿತ್ ಶರ್ಮಾ
🚨 Milestone Alert 🚨
— BCCI (@BCCI) July 13, 2023
2️⃣0️⃣0️⃣ up & going strong 💪 💪@ImRo45 and @ybj_19 now hold the record of the highest opening partnership for India against West Indies in Tests 🔝
Follow the match ▶️ https://t.co/FWI05P4Bnd#TeamIndia | #WIvIND pic.twitter.com/16Ok0G8ZpV
ಸದ್ಯ 143 ರನ್ ಗಳಿಸಿರುವ ಜೈಸ್ವಾಲ್ ಬ್ಯಾಟಿಂಗ್ ಕಾಯ್ದುಕೊಂಡಿದ್ದು. ಮೂರನೇ ದಿನ ತಮ್ಮ ಶತಕವನ್ನು ದ್ವೀಶತಕವಾನ್ನಾಗಿ ಪರಿವರ್ತಿಸುವ ಇರಾದೆಯಲ್ಲಿದ್ದಾರೆ. ಚೊಚ್ಚಲ ಅವಕಾಶದಲ್ಲೇ ಶತಕ ಬಾರಿಸಿದ ಅವರು ಟೀಮ್ ಇಂಡಿಯಾದ ಭವಿಷ್ಯದ ತಾರೆಯಾಗಿ ಗುರುತಿಸಿಕೊಂಡಿದ್ದಾರೆ. ನೀಡಿದೆ. ಜೈಸ್ವಾಲ್ ಅವರು ಚೊಚ್ಚಲ ಟೆಸ್ಟ್ ಪಂದ್ಯದಲ್ಲೇ ಶತಕ ಸಿಡಿಸಿದ ಭಾರತದ 17ನೇ ಆಟಗಾರ ಎನಿಸಿಕೊಂಡರು. ಹಾಗೆಯೇ ವಿದೇಶಿ ನೆಲದಲ್ಲಿ ಚೊಚ್ಚಲ ಟೆಸ್ಟ್‌ನಲ್ಲಿ ಶತಕ ಸಿಡಿಸಿದ ಏಳನೇ ಭಾರತೀಯ ಆಟಗಾರ ಎಂಬ ಹಿರಿಮೆಗೂ ಪಾತ್ರರಾದರು.