IND vs WI: ನೂತನ ಎಲೈಟ್​ ಪಟ್ಟಿಗೆ ಸೇರ್ಪಡೆಗೊಂಡ ವಿರಾಟ್​ ಕೊಹ್ಲಿ

ಡೊಮಿನಿಕಾ: ವೆಸ್ಟ್​ ಇಂಡೀಸ್​(IND vs WI) ವಿರುದ್ಧದ ಮೊದಲ ಟೆಸ್ಟ್​ ಪಂದ್ಯದಲ್ಲಿ 76 ಬಾರಿಸಿದ ಟೀಮ್​ ಇಂಡಿಯಾದ ಬ್ಯಾಟರ್​ ವಿರಾಟ್​ ಕೊಹ್ಲಿ(Virat Kohli) ನೂತನ ಮೈಲುಗಲ್ಲೊಂದನ್ನು ತಲುಪಿದ್ದಾರೆ. ಟೆಸ್ಟ್​ ಕ್ರಿಕೆಟ್​ನಲ್ಲಿ 8,500 ರನ್​ ಗಡಿ ದಾಟಿದ ಎಲೈಟ್ ಪಟ್ಟಿಗೆ ಸೇರ್ಪಡೆಗೊಂಡಿದ್ದಾರೆ. ಜತೆಗೆ ವೀರೇಂದ್ರ ಸೇಹವಾಗ್(Virender Sehwag)​ ಮತ್ತು ವಿವ್ ರಿಚರ್ಡ್ಸ್(Sir Viv Richards)​ ದಾಖಲೆಯನ್ನು ಮುರಿದಿದ್ದಾರೆ.​

ವಿರಾಟ್​ ಕೊಹ್ಲಿ ಅವರು ಟೆಸ್ಟ್​ ಕ್ರಿಕೆಟ್​ನಲ್ಲಿ ಗರಿಷ್ಠ ರನ್​ ಗಳಿಸಿದ ಭಾರತೀಯ ಬ್ಯಾಟರ್​ಗಳಲ್ಲಿ ವೀರೇಂದ್ರ ಸೇಹವಾಗ್(8,503)​ ಅವರನ್ನು ಹಿಂದಿಕ್ಕಿ ಅಗ್ರ 5ರೊಳಗೆ ಸ್ಥಾನ ಪಡೆದಿದ್ದಾರೆ. ಈ ಪಟ್ಟಿಯಲ್ಲಿರುವ ಅಗ್ರ ನಾಲ್ಕು ಆಟಗಾರರೆಂದರೆ, ಸಚಿನ್ ತೆಂಡುಲ್ಕರ್ (15,921), ರಾಹುಲ್ ದ್ರಾವಿಡ್ (13,265), ಸುನಿಲ್ ಗವಾಸ್ಕರ್ (10,122) ಹಾಗೂ ವಿವಿಎಸ್ ಲಕ್ಷ್ಮಣ್ (8,781). ಸದ್ಯ ಕೊಹ್ಲಿ(8555*) 5ನೇ ಸ್ಥಾನದಲ್ಲಿದ್ದಾರೆ. ಇನ್ನು 226 ರನ್​ ಗಳಿಸಿದರೆ ವಿವಿಎಸ್ ಲಕ್ಷ್ಮಣ್ ಅವರ ದಾಖಲೆನ್ನು ಮುರಿಯಲಿದ್ದಾರೆ.

ಇದನ್ನೂ ಓದಿ WTC Final 2023 : ಸೋಲಿನ ಬಳಿಕ ರಹಸ್ಯ ಸಂದೇಶ ಪೋಸ್ಟ್​ ಮಾಡಿದ ವಿರಾಟ್​ ಕೊಹ್ಲಿ!

ರಿಚರ್ಡ್ಸ್ ದಾಖಲೆ ಮುರಿದ ಕೊಹ್ಲಿ

ವಿರಾಟ್​ ಕೊಹ್ಲಿ ಅವರು 62 ರನ್​ ಬಾರಿಸಿದ ವೇಳೆ ವಿವ್ ರಿಚರ್ಡ್ಸ್ ಅವರ ದಾಖಲೆಯೊಂದನ್ನು ಮುರಿದರು. ಟೆಸ್ಟ್​ ಕ್ರಿಕೆಟ್​ನಲ್ಲಿ ರಿಚರ್ಡ್ಸ್ ಅವರ ರನ್​ ಹಿಂದಿಕ್ಕಿದ್ದರು. ರಿಚರ್ಡ್ಸ್ ಟೆಸ್ಟ್​ನಲ್ಲಿ 8540 ರನ್​ ಗಳಿಸಿದ್ದಾರೆ. ವಿರಾಟ್​ ಸದ್ಯ 8555* ರನ್​ ಬಾರಿಸಿ ಮುಂದೆ ಸಾಗಿದ್ದಾರೆ. ಟೆಸ್ಟ್​ ಕ್ರಿಕೆಟ್​ನಲ್ಲಿ ಅತ್ಯಧಿಕ ರನ್​ ಗಳಿಸಿದ ದಾಖಲೆ ಕ್ರಿಕೆಟ್​ ದೇವರು ಎಂದು ಕರೆಯಲ್ಪಡುವ ಸಚಿನ್​ ತೆಂಡೂಲ್ಕರ್(Sachin Tendulkar)​ ಹೆಸರಿನಲ್ಲಿದೆ. ಸಚಿನ್​ 15921 ರನ್​ ಗಳಿಸಿದ್ದಾರೆ.

See more

A perfect milestone to begin the proceedings on Day 3 👌

8️⃣5️⃣0️⃣0️⃣ runs and counting now in Test Cricket for @imVkohli 👏👏#TeamIndia | #WIvIND pic.twitter.com/5WcfnaoQM6

— BCCI (@BCCI) July 14, 2023

ಪಂದ್ಯ ಗೆದ್ದ ಭಾರತ

ವಿಂಡ್ಸರ್ ಪಾರ್ಕ್‌ನ(Windsor Park Dominica)ನಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​ ನಡೆಸಿದ​ ವಿಂಡೀಸ್​ ಮೊದಲ ಇನಿಂಗ್ಸ್​ನಲ್ಲಿ 150 ರನ್​ ಬಾರಿಸಿತು. ಇದಕ್ಕೆ ಪ್ರತಿಯಾಗಿ ಬ್ಯಾಟ್​ ಮಾಡಿದ್ದ ಭಾರತ ಮೊದಲ ಇನಿಂಗ್ಸ್​ನಲ್ಲಿ 421 ರನ್ ಬಾರಿಸಿ 271 ರನ್​ಗಳ ಮುನ್ನಡೆಯೊಂದಿಗೆ ಡಿಕ್ಲೇರ್ ಘೋಷಿಸಿತು. 271 ರನ್​​ಗಳ ಗುರಿ ಬೆನ್ನಟ್ಟಿದ ವಿಂಡೀಸ್​ ಕೇವಲ 130 ರನ್​ಗೆ ಸರ್ವಪತನ ಕಂಡಿತು. ಟೀಮ್​ ಇಂಡಿಯಾ ಇನಿಂಗ್ಸ್​ ಹಾಗೂ 141 ರನ್​ಗಳಿಂದ ಗೆಲುವು ಸಾಧಿಸಿತು. ಈ ಮೂಲಕ 2 ಪಂದ್ಯಗಳ ಸರಣಿಯಲ್ಲಿ 1-0 ಮುನ್ನಡೆ ಕಾಯ್ದುಕೊಂಡಿದೆ.

ಭಾರತ ಪರ ಆರ್​.ಅಶ್ವಿನ್​ 2 ಇನಿಂಗ್ಸ್​ನಲ್ಲಿ ಸೇರಿ ಒಟ್ಟಿ 12 ವಿಕೆಟ್​ ಉಡಾಯಿಸಿ ವಿಂಡೀಸ್​ಗೆ ಆಘಾತವಿಕ್ಕಿದರು. ಬ್ಯಾಟಿಂಗ್​ನಲ್ಲಿ ಚೊಚ್ಚಲ ಪಂದ್ಯವನ್ನಾಡಿದ ಯಶಸ್ವಿ ಜೈಸ್ವಾಲ್​ (171), ರೋಹಿತ್​ ಶರ್ಮಾ(103) ರನ್​ ಗಳಿಸಿ ಮಿಂಚಿದರು. ಜೈಸ್ವಾಲ್​ ಪಂದ್ರಶೇಷ್ಠ ಪ್ರಶಸ್ತಿಗೆ ಭಾಜನರಾದರು.