ಢಾಕಾ: ಕೊನೇ ಹಂತದಲ್ಲಿ ಅದ್ಧೂರಿ ಬೌಲಿಂಗ್ ಪ್ರದರ್ಶನ ನೀಡಿದ ಭಾರತ ಮಹಿಳೆಯರ ತಂಡ (Team India) ಆತಿಥೇಯ ಬಾಂಗ್ಲಾದೇಶ ವಿರುದ್ಧದ ಟಿ20 ಸರಣಿಯ ಎರಡನೇ ಪಂದ್ಯದಲ್ಲಿ ರೋಚಕ ಜಯ ದಾಖಲಿಸಿದೆ. ಕೊನೇ ಓವರ್ನಲ್ಲಿ ಭಾರತ ತಂಡದ ಬೌಲರ್ ಹಂಗಾಮಿ ಬೌಲರ್ ಶಫಾಲಿ ವರ್ಮಾ ಕೇವಲ ಒಂದು ರನ್ ನೀಡಿ ನಾಲ್ಕು ವಿಕೆಟ್ಗಳನ್ನು ಉರುಳಿಸುವ ಮೂಲಕ ಭಾರತ ತಂಡಕ್ಕೆ 8 ರನ್ಗಳನ ಜಯ ತಂದುಕೊಟ್ಟರು. ಅತ್ತ ಗೆಲುವಿನ ಅಂಚಿನಲ್ಲಿದ್ದ ಬಾಂಗ್ಲಾದೇಶ ತಂಡ ಕೊನೇ 8 ಎಸೆತಗಳಲ್ಲಿ 10 ರನ್ ಬೇಕಾಗಿದ್ದ ಅವಧಿಯಲ್ಲಿ 5 ವಿಕೆಟ್ಗಳನ್ನು ಕಳೆದುಕೊಳ್ಳುವ ಮೂಲಕ ಸೋಲಿನ ಸುಳಿಗೆ ಸಿಲುಕಿತು.
Three wickets in the final over for Shafali Verma as India win a low-scoring thriller and seal the T20I series 2-0 🔥#BANvIND | 📝: https://t.co/mspye3W0qI pic.twitter.com/nge2ZS0yRl
— ICC (@ICC) July 11, 2023
ಇಲ್ಲಿನ ಶೇರ್ ಬಾಂಗ್ಲಾ ನ್ಯಾಷನಲ್ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಭಾರತ ತಂಡವೂ ಬ್ಯಾಟಿಂಗ್ ವೈಫಲ್ಯ ಎದುರಿಸಿತು. 20 ಓವರ್ಗಳಲ್ಲಿ 8 ವಿಕೆಟ್ ನಷ್ಟಮಾಡಿಕೊಂಡು 95 ರನ್ ಬಾರಿಸಿತು. ಗುರಿ ಬೆನ್ನಟ್ಟಿದ ಬಾಂಗ್ಲಾದೇಶ ತಂಡ ನಿಗದಿತ 20 ಓವರ್ಗಳು ಮುಕ್ತಾಯಗೊಂಡಾಗ 87 ರನ್ ಗಳಿಸಿ ಆಲ್ಔಟ್ ಆಯಿತು.
First win in the bag. Proud of this team and the energy we bring to the game. Let's keep this going. #BANvIND pic.twitter.com/x1o7Hn6Yl7
— Smriti Mandhana (@mandhana_smriti) July 9, 2023
ಮೊದಲ ಪಂದ್ಯದಲ್ಲಿ ಗೆದ್ದಿದ್ದ ಭಾರತ ತಂಡ ಈ ಪಂದ್ಯದಲ್ಲೂ ದೊಡ್ಡ ಮೊತ್ತ ಪೇರಿಸಿ ಗೆಲವು ದಾಖಲಿಸುವ ಉಮೇದಿನೊಂದಿಗೆ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. ಸ್ಮೃತಿ ಮಂಧಾನಾ (13) ಹಾಗೂ ಶಫಾಲಿ ವರ್ಮಾ (19) ಉತ್ತಮ ಆರಂಭ ಮಾಡಿದರು. ಆದರೆ, 33 ರನ್ಗಳಿಗೆ 1 ವಿಕೆಟ್ ಕಳೆದುಕೊಂಡಿತು. ಆದರೆ ನಂತರದಲ್ಲಿ ಜೆಮಿಮಾ ರೋಡ್ರಿಗಸ್ (8), ಹರ್ಮನ್ಪ್ರೀತ್ ಕೌರ್ (0) ಬೇಗನೆ ಔಟಾಗುವ ಮೂಲಕ ಹಿನ್ನಡೆ ಉಂಟಾಯಿತು. ಯಸ್ತಿಕಾ ಭಾಟಿಯಾ (11) ನಂತರದಲ್ಲಿ ಸ್ವಲ್ಪ ಹೊತ್ತು ಆಡಿದರೆ ಹರ್ಲಿನ್ ಡಿಯೋಲ್ 6 ರನ್ಗೆ ಸೀಮಿತಗೊಂಡರು. ಸತತವಾಗಿ ವಿಕೆಟ್ಗಳು ಉರುಳಿದ ಕಾರಣ ಭಾರತ ತಂಡದ ರನ್ ಗಳಿಕೆ ವೇಗ ಕಡಿಮೆಯಾಯಿತು.
ಆಲ್ರೌಂಡರ್ ದೀಪ್ತಿ ಶರ್ಮಾ (10) ಹಾಗೂ ಅಮನ್ಜೋತ್ ಕೌರ್ (14) ಕೊನೇ ಹಂತದಲ್ಲಿ ತಮ್ಮ ಪಾಲಿನ ಕೊಡುಗೆ ಕೊಡುಗೆ ಕೊಟ್ಟರು. ಪೂಜಾ ವಸ್ತ್ರಾಕರ್ (7) ಕ್ಷಿಪ್ರವಾಗಿ ರನ್ ಮಾಡಿದರು.
ಕುಸಿದ ಬಾಂಗ್ಲಾ
ಸಣ್ಣ ಮೊತ್ತವನ್ನು ಬೆನ್ನಟ್ಟಲು ಆರಂಭಿಸಿದ ಬಾಂಗ್ಲಾದೇಶ ತಂಡ ಆರಂಭದಲ್ಲೇ ವಿಕೆಟ್ಗಳನ್ನು ಕಳೆದಕೊಂಡಿತು. 12 ರನ್ಗಳಿಗೆ 2 ವಿಕೆಟ್ ಕಳೆದುಕೊಂಡರೆ 64 ರನ್ ಗಳಿಸುವಷ್ಟರಲ್ಲಿ ಆತಿಥೇಯ ತಂಡದ 5ನೇ ವಿಕೆಟ್ ಉರುಳಿತು. ಇದರಲ್ಲಿ ಆರಂಭಿಕ ಬ್ಯಾಟರ್ಗಳಾದ ಶಮಿಮಾ ಸುಲ್ತಾನಾ (5) ಹಾಗೂ ಶಾಂತಿ ರಾಣಿ (5) ಬೇಗನೆ ಔಟಾದರೆ ಮುರ್ಷಿದಾ ಕಟುನಾ (4) ಕೂಡ ಹೆಚ್ಚು ಹೊತ್ತು ಆಡಲಿಲ್ಲ. ಏತನ್ಮಧ್ಯೆ ನಾಯಕಿ ನಿಗರ್ ಸುಲ್ತಾನಾ (38) ಸ್ವಲ್ಪ ಹೊತ್ತು ಭಾರತದ ಬೌಲರ್ಗಳನ್ನು ಕಾಡಿದರು. ಈ ವೇಳೆ ಬಾಂಗ್ಲಾದೇಶ ತಂಡಕ್ಕೆ ಗೆಲುವು ಪಡೆಯುವ ಸಾಧ್ಯತೆಗಳಿತ್ತು.
ನಂತರ ನಡೆದ ನಾಟಕೀಯ ತಿರುವಿನಲ್ಲಿ ಭಾರತ ತಂಡಕ್ಕೆ ಜಯ ಸಿಕ್ಕಿತು. ಅಂತಿಮ ಹಂತದಲ್ಲಿ ಬಾಂಗ್ಲಾ ಬ್ಯಾಟರ್ಗಳ ಮೇಲೆ ತೀವ್ರ ಒತ್ತಡ ಹೇರಿದ ಭಾರತೀಯ ಬೌಲರ್ಗಳು ಗೆಲುವು ತಮ್ಮದಾಗಿಸಿಕೊಂಡರು. ಮೀರ್ಪುರದಲ್ಲಿ ನಡೆದಿದ್ದ ಮೊದಲ ಪಂದ್ಯದಲ್ಲಿ ಭಾರತ ಗೆದಿದ್ದ ಕಾರಣ ಮೂರು ಪಂದ್ಯಗಳ ಸರಣಿಯು ಭಾರತದ ಕೈವಶವಾಯಿತು.